News Updates
BUSINESS

મુકેશ અંબાણી વિશ્વના બીજા પાવરફૂલ CEO:ઈલોન મસ્ક અને સુંદર પિચાઈને પાછળ છોડ્યા, બ્રાન્ડ ગાર્ડિયનશિપ ઈન્ડેક્સ 2024 જાહેર

Spread the love

રિલાયન્સ ઇન્ડસ્ટ્રીઝ લિમિટેડના ચેરમેન અને મેનેજિંગ ડિરેક્ટર મુકેશ અંબાણીએ સતત બીજા વર્ષે બ્રાન્ડ ગાર્ડિયનશિપ ઇન્ડેક્સ 2024માં બીજું સ્થાન મેળવ્યું છે. તેણે માઈક્રોસોફ્ટના સીઈઓ સત્ય નડેલા, ગુગલના સીઈઓ સુંદર પિચાઈ, એપલના ટિમ કૂક અને ટેસ્લાના ઈલોન મસ્કને પાછળ છોડી દીધા છે.

આ સાથે તે ‘ડાઇવર્સિફાઇડ’ જૂથની શ્રેણીમાં ટોચના ક્રમાંકિત સીઇઓ પણ બની ગયા છે. બ્રાન્ડ ફાયનાન્સ દ્વારા જાહેર કરવામાં આવેલી યાદીમાં મુકેશ અંબાણીને ભારતીયોની યાદીમાં પ્રથમ અને વૈશ્વિક સ્તરે બીજા સ્થાને રાખવામાં આવ્યા છે. આ યાદીમાં ટેસેંટના CEO હુઆતેંગ મા પ્રથમ સ્થાને છે.

ટાટાના એન ચંદ્રશેખરન પાંચમા સ્થાને
બ્રાન્ડ ફાયનાન્સે અંબાણીને 80.3નો BGI સ્કોર આપ્યો, જે હુઆતેંગ માના 81.6ના સ્કોર કરતાં થોડો ઓછો છે. ટાટા સન્સના ચેરમેન એન ચંદ્રશેખરન પાંચમા સ્થાને પહોંચી ગયા છે. 2023ની રેન્કિંગમાં તે આઠમા નંબરે હતા. જ્યારે મહિન્દ્રા એન્ડ મહિન્દ્રાના અનીશ શાહે છઠ્ઠો રેન્ક મેળવ્યો છે. તેમના પછી ઈન્ફોસિસના સલિલ પારેખ 16મા સ્થાને રહ્યા.

બ્રાન્ડ ગાર્ડિયનશિપ ઇન્ડેક્સ શું છે
બ્રાન્ડ ગાર્ડિયનશિપ ઇન્ડેક્સ એવા CEO ને માન્યતા આપે છે જેઓ તમામ હિસ્સેદારો, કર્મચારીઓ, રોકાણકારો અને સમાજના હિતોને ધ્યાનમાં રાખીને અસરકારક રીતે વ્યવસાયિક મૂલ્ય બનાવે છે. બ્રાન્ડ ફાયનાન્સ સર્વે CEOના સંતુલિત સ્કોરકાર્ડના આધારે મૂલ્યાંકન કરે છે જે તેમની કંપનીની બ્રાન્ડ અને લાંબા ગાળાના મૂલ્યનું સંચાલન કરવાની તેમની ક્ષમતાને માપે છે.

રિલાયન્સે ત્રીજા ક્વાર્ટરમાં 17,394 કરોડનો ચોખ્ખો નફો કર્યો
રિલાયન્સ ઇન્ડસ્ટ્રીઝ લિમિટેડે 19 જાન્યુઆરી 2024 ના રોજ નાણાકીય વર્ષ 2023-24 ના ત્રીજા ત્રિમાસિક ગાળાના પરિણામો જાહેર કર્યા હતા. ઓક્ટોબર-ડિસેમ્બર ક્વાર્ટર (Q3FY24)માં કંપનીનો ચોખ્ખો નફો વાર્ષિક ધોરણે 9.3% વધીને રૂ. 17,265 કરોડ થયો છે. એક વર્ષ પહેલાં Q3FY23 માં કંપનીએ રૂ. 15,792 કરોડનો ચોખ્ખો નફો નોંધાવ્યો હતો. જ્યારે છેલ્લા ક્વાર્ટરમાં એટલે કે Q2FY24માં કંપનીનો ચોખ્ખો નફો રૂ. 17,394 કરોડ હતો.

ત્રીજા ક્વાર્ટરમાં કંપનીની આવક વધીને રૂ. 2.25 લાખ કરોડ થઈ છે
ત્રીજા ત્રિમાસિક ગાળામાં કામગીરીમાંથી કંપનીની આવક વધીને રૂ. 2.25 લાખ કરોડ થઈ છે. ગયા નાણાકીય વર્ષના સમાન સમયગાળામાં તે રૂ. 2.17 લાખ કરોડ હતું. જ્યારે પાછલા ક્વાર્ટરમાં કંપનીની આવક 2.32 લાખ કરોડ રૂપિયા હતી.


Spread the love

Related posts

 18% GST લાગશે ક્રેડિટ-ડેબિટ કાર્ડ દ્વારા પેમેન્ટ કરવા પર,કોઈ છૂટ નહીં મળે પેમેન્ટ ગેટવેને

Team News Updates

Hyundai Cretaનું N-Line એડિશન આજે લોન્ચ થશે:SUVમાં ADAS સહિત 70+ સેફટી ફીચર્સ, અપેક્ષિત કિંમત ₹17.50 લાખ

Team News Updates

નીતા અંબાણીનું રિલાયન્સના ડિરેક્ટરપદેથી રાજીનામું:ઈશા, આકાશ અને અનંત બોર્ડ ઓફ ડિરેક્ટર્સ બનશે, વાયરલેસ 5G બ્રોડબેન્ડ મળશે-મુકેશ અંબાણીની જાહેરાત

Team News Updates