મુકેશ અંબાણીની રિલાયન્સ ઇન્ડસ્ટ્રીઝ ઉપરાંત JSW નિયો એનર્જી સહિતની સાત કંપનીઓએ પ્રોડક્શન લિન્ક્ડ ઇન્સેન્ટિવ (PLI) સ્કીમ હેઠળ બેટરી મેન્યુફેક્ચરિંગ પ્લાન્ટ સ્થાપવા માટે અરજી કરી છે.
સરકારે મંગળવારે જણાવ્યું હતું કે તેને 3,620 કરોડના બજેટ સાથે 10 ગીગાવોટ ક્ષમતાના પ્લાન્ટ સ્થાપવા માટે આ કંપનીઓ પાસેથી અરજીઓ મળી છે. આ યાદીમાં અન્ય બિડર્સમાં ACME Cleantech Solutions Pvt Ltd, Amara Raja Advanced Cell Technologies Pvt Ltd, Anvi Power Industries Pvt Ltd, Lucas TVS Ltd અને Vaari Energies Ltd નો સમાવેશ થાય છે.
આ વર્ષે 24 જાન્યુઆરીએ ભારે ઉદ્યોગ મંત્રાલય દ્વારા જારી કરાયેલા વૈશ્વિક કોન્ટ્રાક્ટના જવાબમાં, કુલ 70 ગીગાવોટની ક્ષમતાવાળા મેન્યુફેક્ચરિંગ પ્લાન્ટ્સ માટે બિડ પ્રાપ્ત થઈ છે. મંત્રાલયે કહ્યું- આ યોજનાને ઉદ્યોગ તરફથી જબરજસ્ત પ્રતિસાદ મળ્યો કારણ કે પ્રાપ્ત થયેલી બિડ 10 GWની ઉત્પાદન ક્ષમતા કરતા સાત ગણી વધુ હતી.
Ministry of Heavy Industriesએ 10 GW અપગ્રેડેડ કેમિકલ સેલ (ACC) મેન્યુફેક્ચરિંગ માટે PLIની ફરીથી બિડિંગની જાહેરાત કરી હતી. બિડ પહેલાંની બેઠક 12 ફેબ્રુઆરીએ યોજાઈ હતી. અરજીઓ મેળવવાની છેલ્લી તારીખ 22 એપ્રિલ હતી અને ટેકનિકલ બિડ મંગળવારે ખોલવામાં આવી હતી.
દરમિયાન, રિલાયન્સ ઈન્ડસ્ટ્રીઝ ‘ઈન્ડિયા ઈન્વોલ્ડ રેન્કિંગ’ 2023માં ટોચ પર છે. આ ઇન્ડેક્સ એ તપાસે છે કે ભારતીય કંપનીઓ કેવી રીતે વિકસિત ભારત માટે પ્રતિબદ્ધ છે. ભારતીય સંશોધન સંસ્થા ‘સ્કોચ’એ છ મહિનાના અભ્યાસ બાદ રેન્કિંગ અને ઇન્ડેક્સ તૈયાર કર્યો છે. જેમાં 231 સૂચકાંકોના આધારે ઘણી કંપનીઓનું વિશ્લેષણ કરીને ‘ઇન્ડિયા ઇન્વોલ્વ્ડ રેન્કિંગ’ પર ટોપ-20 કંપનીઓની યાદી તૈયાર કરવામાં આવી હતી.
રિલાયન્સ પછી હિન્દુસ્તાન યુનિલિવર અને અદાણી ગ્રુપ છે. સ્કોચે એક નિવેદનમાં જણાવ્યું હતું કે, ડિજીટલ ટ્રાન્સફોર્મેશન કેટેગરીમાં Jio પ્લેટફોર્મ્સ લિમિટેડે ‘ઇન્ડિયા ઇન્વોલ્ડ રેન્કિંગ’માં ટોચનું સ્થાન મેળવ્યું છે. આ પછી લ્યુપિન અને હેરિટેજ ફૂડ આવ્યા હતા.
