News Updates
NATIONAL

તેલંગાણામાં BRS ધારાસભ્ય લસ્યા નંદિતાનું અકસ્માતમાં મોત:SUV ડિવાઈડર સાથે અથડાઈ; 10 દિવસ પહેલા માર્ગ અકસ્માતમાં જીવ બચી ગયો હતો

Spread the love

તેલંગાણામાં ભારત રાષ્ટ્ર સમિતિ (BRS) ધારાસભ્ય જી લાસ્યા નંદિતાનું આજે સવારે (શુક્રવાર, 23 ફેબ્રુઆરી) કાર અકસ્માતમાં અવસાન થયું. લસ્યા નંદિતા 37 વર્ષના હતા. તે સિકંદરાબાદ કેન્ટોનમેન્ટના ધારાસભ્ય હતા.

અકસ્માત સમયે નંદિતા એસયુવીમાં મુસાફરી કરી રહ્યા હતા. તેમની સાથે એક ડ્રાઈવર પણ હતો. નંદિતા ડ્રાઇવિંગ સીટ પાસે બેઠા હતા. સંગારેડ્ડી જિલ્લાના સુલ્તાનપુર આઉટર રિંગ રોડ પર તેમની કાર ડિવાઈડર સાથે અથડાઈ હતી.

જેના કારણે નંદિતા અને ડ્રાઈવરને ગંભીર ઈજાઓ પહોંચી હતી. તેમને તાત્કાલિક હોસ્પિટલ લઈ જવામાં આવ્યા. જોકે, ડોક્ટરોએ નંદિતાને મૃત જાહેર કરી હતી. ડ્રાઈવરને ગંભીર ઈજા થઈ છે. હાલ તેની સારવાર ચાલી રહી છે.

10 દિવસ પહેલા અકસ્માતમાં જીવ બચી ગયો હતો
આ અકસ્માતના માત્ર 10 દિવસ પહેલા 13 ફેબ્રુઆરીના રોજ લસ્યા નંદિતા રોડ અકસ્માતમાં ઘાયલ થયા હતા. જોકે, તેમના હોમગાર્ડનું મોત થયું હતું. નંદિતા મુખ્યમંત્રીની રેલીમાં ભાગ લેવા માટે નાલગોંડા જઈ રહ્યા હતા. નરકટપલ્લીમાં અકસ્માત થયો હતો.

1986માં હૈદરાબાદમાં જન્મેલી લસ્યા નંદિતા પૂર્વ બીઆરએસ ધારાસભ્ય સ્વર્ગસ્થ જી સાયનાની પુત્રી હતા. જી સાયના પાંચ વખત ધારાસભ્ય રહી ચૂક્યા છે. ગયા વર્ષે 19 ફેબ્રુઆરીએ બીમારીના કારણે તેમનું અવસાન થયું હતું. તેમના પિતાના અવસાન પછી, નંદિતાને તેમના રાજકીય વારસાને આગળ ધપાવવાની જવાબદારી સોંપવામાં આવી હતી.

નવેમ્બર 2023માં તેલંગાણા વિધાનસભા ચૂંટણીમાં બીઆરએસે નંદિતાને સિકંદરાબાદ કેન્ટોન્મેન્ટ સીટ પરથી ઉમેદવાર બનાવ્યા હતા. નંદિતા અહીંથી ધારાસભ્ય તરીકે ચૂંટાયા હતા. ધારાસભ્ય બનતા પહેલા નંદિતા 2016થી કાવડીગુડા વોર્ડના કાઉન્સિલર તરીકે કામ કરી રહ્યા હતા.

તેલંગાણાના મુખ્યમંત્રી એ રેવંત રેડ્ડીએ BRS ધારાસભ્ય લસ્યા નંદિતાના નિધન પર શોક વ્યક્ત કર્યો છે. તેલંગાણાના સીએમએ સોશિયલ મીડિયા પ્લેટફોર્મ પર એક પોસ્ટમાં લખ્યું નંદિતાના પિતા સાયન્ના મારી નજીક હતા. ગયા વર્ષે આ મહિને તેમનું અવસાન થયું હતું. દુઃખની વાત એ છે કે નંદિતાનું પણ એ જ મહિનામાં અવસાન થયું.

બીઆરએસના કાર્યકારી પ્રમુખ અને ધારાસભ્ય કેટીઆરએ પણ લાસ્યા નંદિતાના નિધન પર શોક વ્યક્ત કર્યો હતો. એક અઠવાડિયા પહેલા નંદિતા સાથેની તેમની મુલાકાતની પોસ્ટ શેર કરતી વખતે તેણે લખ્યું – આ લગભગ એક અઠવાડિયા પહેલાની વાત છે. આજે મેં એકદમ આઘાતજનક સમાચાર સાંભળ્યા કે લસ્યા હવે નથી. તે ખૂબ જ સારી નેતા બની રહી હતી.


Spread the love

Related posts

તબિયત લથડી…RBI ગવર્નર શક્તિકાંત દાસની ,ચેન્નાઈની એપોલો હોસ્પિટલમાં કરાયા દાખલ

Team News Updates

વિશાળકાય કિંગ કોબ્રાને પકડતી વખતે માણસને પરસેવો વળી ગયો, વીડિયો જોઈને લોકો કંપી ઊઠ્યા

Team News Updates

400ને પાર મૃત્યુઆંક થયો સર્ચ ઓપરેશન ચાલુ વાયનાડમાં ભૂસ્ખલનમાં ; 181 મૃતદેહના માત્ર ટુકડા જ મળ્યા, હજુ પણ 180 લોકો ગુમ, 8મા દિવસે સર્ચ ઓપરેશન ચાલુ

Team News Updates