મહિન્દ્રા એન્ડ મહિન્દ્રાએ આજે (22 ફેબ્રુઆરી) તેની લોકપ્રિય SUV Scorpio-N, Z8 સિલેક્ટનું નવું વેરિઅન્ટ લોન્ચ કર્યું છે. તે મિડ વેરિઅન્ટ Z6 અને ટોપ લાઇન મોડલ Z8 વચ્ચે મૂકવામાં આવ્યું છે. Z8 સિલેક્ટ પેટ્રોલ અને ડીઝલ બંને એન્જિન અને ટ્રાન્સમિશન વિકલ્પો સાથે ઓફર કરવામાં આવે છે. આ કાર 70 થી વધુ કનેક્ટેડ ફીચર્સ સાથે આવે છે. તેની શરૂઆતી કિંમત 16.99 લાખ રૂપિયા છે. સ્કોર્પિયો N Z8 સિલેક્ટ વેરિઅન્ટ નિયમિત Z8 વેરિઅન્ટ કરતાં રૂ. 1.66 લાખ સસ્તું છે. સ્કોર્પિયો-એનની કિંમત રૂ. 13.60 થી રૂ. 24.54 લાખ (એક્સ-શોરૂમ સમગ્ર ભારતમાં) છે.
SUV માટે બુકિંગ ઓપન છે અને તે 1 માર્ચ, 2024થી ડીલરશિપ પર ઉપલબ્ધ થશે. ભારતમાં, તે Tata Harrier અને Safari સાથે સ્પર્ધા કરે છે, જ્યારે આ કિંમત સિરીઝમાં તે Hyundai Creta અને Kia Seltosના ટોપ લાઇન વેરિઅન્ટ્સ સાથે પણ સ્પર્ધા કરે છે.
મહિન્દ્રા સ્કોર્પિયો-એન:એક્સટીરિયર
મહિન્દ્રાએ XUV700 ના મિડનાઈટ બ્લેક કલર વિકલ્પ સાથે Scorpio-N ના Z8 સિલેક્ટ વેરિઅન્ટ રજૂ કર્યા છે. આ સિવાય Scorpio-N માં કોઈ ફેરફાર નથી. તેમાં 17-ઇંચના ડ્યુઅલ ટોન એલોય વ્હીલ્સ, ડ્યુઅલ બેરલ LED હેડલાઇટ્સ અને DRL સાથે LED પ્રોજેક્ટર ફોગ લેમ્પ્સ છે.
મહિન્દ્રા સ્કોર્પિયો-એન: ઇન્ટરિયર અને ફીચર્સ
Z8 સિલેક્ટની કેબિન નિયમિત સ્કોર્પિયો N Z8 વેરિઅન્ટ જેવી જ છે અને તે જ બ્લેક અને બ્રાઉન કેબિન થીમ સાથે લેધરેટ અપહોલ્સ્ટરી ધરાવે છે. Z8 વેરિઅન્ટની જેમ, Z8 સિલેક્ટ પણ માત્ર 7-સીટર કન્ફિગરેશનમાં ઉપલબ્ધ છે. ફીચર્સ વિશે વાત કરીએ તો, તેમાં વાયરલેસ Apple CarPlay/Android Auto સાથે 8-ઇંચની ટચસ્ક્રીન ઇન્ફોટેનમેન્ટ સિસ્ટમ, AdrenoX કનેક્ટેડ કાર ટેક્નોલોજી, બિલ્ટ-ઇન એલેક્સા અને સેમી-ડિજિટલ ઇન્સ્ટ્રુમેન્ટ ક્લસ્ટર જેવી સુવિધાઓ છે.
આ સિવાય યુવીની ખાસ વિશેષતાઓમાં 3ડી સાઉન્ડ સ્ટેજીંગ સાથે સોની 12 સ્પીકર ઓડિયો સિસ્ટમ, ડ્યુઅલ ઝોન ક્લાઈમેટ કંટ્રોલ, વાયરલેસ ચાર્જર, ઇલેક્ટ્રિક સનરૂફ અને ઇલેક્ટ્રિકલી એડજસ્ટેબલ ડ્રાઈવર સીટ જેવા ફીચર્સ પણ સામેલ છે. જો કે, તેમાં ડ્યુઅલ-ઝોન એસી, પુશ બટન સ્ટાર્ટ-સ્ટોપ અને Z8 વેરિઅન્ટની જેમ ઓટો હેડલાઇટ નથી.
મહિન્દ્રા સ્કોર્પિયો-એન: એન્જિન અને ગિયરબોક્સ
મહિન્દ્રા સ્કોર્પિયો-એન 2.0-લિટર mStallion ટર્બોચાર્જ્ડ પેટ્રોલ એન્જિન અને mHawk ડીઝલ એન્જિન સાથે આવે છે. પેટ્રોલ એન્જિનવાળી SUV 203hp પાવર અને 370NM પીક ટોર્ક 6-સ્પીડ મેન્યુઅલ ટ્રાન્સમિશન સાથે જનરેટ કરે છે. જ્યારે 6-સ્પીડ ટોર્ક કન્વર્ટર ઓટોમેટિક ગિયરબોક્સ સાથે જોડવામાં આવે છે, ત્યારે આ એન્જિન 10Nm વધુ ટોર્ક જનરેટ કરે છે.
જ્યારે ડીઝલ એન્જિન મેન્યુઅલ ગિયરબોક્સ સાથે 175hp અને 370NM પીક ટોર્ક જનરેટ કરે છે. આ એન્જિન 6-સ્પીડ ટોર્ક કન્વર્ટર સાથે 400Nmનો ટોર્ક જનરેટ કરે છે. સ્કોર્પિયો-એન ડીઝલ એન્જિન સાથે 4 વ્હીલ ડ્રાઇવ (4WD) વિકલ્પ પણ છે, પરંતુ તે Z8 સિલેક્ટ વેરિઅન્ટમાં ઉપલબ્ધ નથી.
મહિન્દ્રા સ્કોર્પિયો-એન: સેફટી ફીચર્સ
સલામતી માટે, મહિન્દ્રાએ તમામ વ્હીલ્સમાં ડિસ્ક બ્રેક, 6 એરબેગ્સ, હિલ હોલ્ડ કંટ્રોલ, હિલ ડિસેન્ટ કંટ્રોલ, સેન્સર સાથે રિવર્સ કેમેરા, ટાયર પ્રેશર મોનિટરિંગ સિસ્ટમ, ક્રૂઝ કંટ્રોલ અને પાછળની ડિસ્ક બ્રેક જેવી ઘણી સુવિધાઓ પ્રદાન કરી છે.
