ઈન્ડિયન પ્રીમિયર લીગ (IPL)ની 10મી મેચમાં 17મી સીઝનનો એક મહત્ત્વપૂર્ણ રેકોર્ડ તૂટ્યો. કોલકાતા નાઈટ રાઈડર્સે હોમ ટીમ રોયલ ચેલેન્જર્સ બેંગલુરુને 7 વિકેટે હરાવ્યું હતું. અગાઉની 9 મેચમાં માત્ર હોમ ટીમો જ જીતી શકી હતી. પ્લેયર ઓફ ધ મેચ સુનીલ નરેને પોતાની T20 કારકિર્દીની 500મી મેચ રમી હતી.
RCBના વિરાટ કોહલીએ IPLમાં પોતાની 52મી ફિફ્ટી ફટકારી, આ ઇનિંગમાં 4 સિક્સર સામેલ છે. આ સાથે તે IPLમાં ટીમ તરફથી સૌથી વધુ સિક્સર મારનારો ખેલાડી પણ બની ગયો છે. તેણે ક્રિસ ગેલનો રેકોર્ડ તોડ્યો હતો.
