હાલમાં એરટેલ-જિયો સિવાય, વોડાફોન આઈડિયા, ટાટા કોમ્યુનિકેશન અને બીએસએનએલ જેવી ટેલિકોમ કંપનીઓ ભારતીય બજારમાં તેમનો વ્યવસાય ચલાવી રહી છે. આ ઉપરાંત કેટલાક નાના ખેલાડીઓ પણ છે, જે ઇન્ટરનેટ સેવાઓ પ્રદાન કરે છે. આવી સ્થિતિમાં સ્ટારલિંકનું ભારતમાં આવવું તેમના માટે ચિંતાનો વિષય છે.
એલોન મસ્કની કંપની સ્ટારલિંકને ટૂંક સમયમાં ભારતમાં સેટેલાઇટ બ્રોડબેન્ડ સર્વિસ માટે લાયસન્સ મળી શકે છે. સૂત્રોના જણાવ્યા અનુસાર મસ્કની ભારત મુલાકાતની જાહેરાત બાદ ટેલિકોમ વિભાગે કંપનીને લાઇસન્સ આપવાની પ્રક્રિયા ઝડપી બનાવી છે. મતલબ કે હવે ભારતમાં ટૂંક સમયમાં સેટેલાઇટ બ્રોડબેન્ડ સેવાઓ શરૂ થશે.
કહેવામાં આવી રહ્યું છે કે, કંપની આગામી 10 દિવસમાં લાઇસન્સ મેળવી શકે છે. કંપનીએ ઓક્ટોબર 2022માં લાઇસન્સ માટે અરજી કરી હતી. સરકારે હજુ સુધી કંપનીને લાઇસન્સ આપ્યું નથી. આ પહેલા પણ સરકાર અને કંપની વચ્ચે વાટાઘાટોના અનેક રાઉન્ડ થઈ ચૂક્યા છે. એવું કહેવામાં આવી રહ્યું છે કે, સરકાર આવતા અઠવાડિયે કંપનીને લેટર ઓફ ઈન્ટેન્ટ જાહેર કરી શકે છે.
સૌ પ્રથમ કંપનીને ટ્રાયલ તરીકે ત્રણ મહિના માટે સ્પેક્ટ્રમ આપવામાં આવશે. તમને જણાવી દઈએ કે એકવાર લાઇસન્સ મળ્યા પછી કંપની ગ્રાહકો પાસેથી એડવાન્સ બુકિંગ લઈ શકશે.
ગયા વર્ષે માર્ચમાં જ્યારે રિલાયન્સ જિયોએ તેના નવા પોસ્ટપેડ પ્લાન રજૂ કર્યા હતા, ત્યારે કંપનીને બજારમાં બહુ પ્રતિસાદ મળ્યો નહોતો. બીજી તરફ એરટેલના પોસ્ટપેડ ગ્રાહકોની સંખ્યા સતત વધી રહી છે. તેનું મુખ્ય કારણ એરટેલ તેની પોસ્ટપેડ સર્વિસને પ્રીમિયમ બનાવે છે. આ ઉપરાંત કંપનીએ ગ્રાઉન્ડ લેવલ પર તેની વ્યૂહરચના મજબૂત કરી છે. જે વ્યૂહરચના સાથે એરટેલ જીતી રહી છે. તેને હરાવવા માટે ઈલોન મસ્કની સ્ટારલિંક ભારતમાં પ્રવેશવા જઈ રહી છે.
જો સ્ટારલિંકને ભારતીય ટેલિકોમ માર્કેટમાં લીલી ઝંડી મળે છે, તો તે એરટેલ અને જિયોનું ટેન્શન વધારશે. હાલમાં, આ બે કંપનીઓ ભારતીય ઈન્ટરનેટ માર્કેટમાં પ્રભુત્વ ધરાવે છે. વોડાફોન આઈડિયા પાસે હવે બહુ ઓછા યુઝરબેઝ બચ્યા છે.
હાલમાં, એરટેલ-જિયો સિવાય, વોડાફોન આઈડિયા, ટાટા કોમ્યુનિકેશન અને બીએસએનએલ જેવી ટેલિકોમ કંપનીઓ ભારતીય બજારમાં તેમનો વ્યવસાય ચલાવી રહી છે. આ ઉપરાંત કેટલાક નાના ખેલાડીઓ પણ છે, જે ઇન્ટરનેટ સેવાઓ પ્રદાન કરે છે, પરંતુ આ બજારની મોટી માછલીઓ પણ છે. આવી સ્થિતિમાં સ્ટારલિંકનું ભારતમાં આવવું તેમના માટે ચિંતાનો વિષય છે. જો આ કંપનીઓ સ્ટારલિંકને હરાવવા માંગે છે, તો તેઓએ કાં તો સેવામાં સુધારો કરવો પડશે અથવા તેની કિંમત ઘટાડવી પડશે.
