સ્ટેટ બેંક ઓફ ઈન્ડિયા (SBI) એ તેના Q4FY23 એટલે કે ચોથા ક્વાર્ટર (જાન્યુઆરી-માર્ચ)ના પરિણામો 18 મેના રોજ જાહેર કર્યા છે. માર્ચ ક્વાર્ટરમાં બેન્કનો ચોખ્ખો નફો વાર્ષિક ધોરણે 83.18% વધીને રૂ. 16,694.51 કરોડ થયો છે.
બેંક શેર દીઠ ₹11.30 ડિવિડન્ડ આપશે
ગયા વર્ષના સમાન ક્વાર્ટરમાં બેન્કે રૂ. 9,113.53 કરોડનો નફો નોંધાવ્યો હતો. બીજી તરફ, ત્રિમાસિક ધોરણે બેંકનો ચોખ્ખો નફો 17.52% વધ્યો છે. SBIના બોર્ડે તેના રોકાણકારોને શેર દીઠ રૂ. 11.30ના ડિવિડન્ડની પણ જાહેરાત કરી છે. ડિવિડન્ડની ચૂકવણીની તારીખ 14 જૂન નક્કી કરવામાં આવી છે. બેંકે એક્સચેન્જ ફાઈલિંગમાં આ જાણકારી આપી છે.
વ્યાજની આવક 92,951 કરોડ હતી
SBIની વ્યાજની આવક Q4FY23માં રૂ. 92,951.06 કરોડ હતી, જે એક વર્ષ અગાઉના ક્વાર્ટરમાં રૂ. 70,733.25 કરોડ હતી. બેંકનો નેટ નોન-પર્ફોર્મિંગ એસેટ (NPA) રેશિયો ચોથા ક્વાર્ટરમાં 1.02%થી વધીને 0.67% ક્વાર્ટર-ઓન-ક્વાર્ટર (QoQ) અને 0.77% વાર્ષિક ધોરણે (YoY) થયો છે.
ગ્રોસ એનપીએ રેશિયો ઘટીને 2.78% થયો
બેંકનો ગ્રોસ એનપીએ રેશિયો Q3FY23માં 3.14% અને Q4FY22માં 3.97%થી ઘટીને 2.78% થયો છે. માર્ચ ક્વાર્ટરમાં બેન્કના પ્રોવિઝન્સ અને કન્ટીજન્સીસ 54.19% ઘટીને રૂ. 3,315.71 કરોડ થયા છે જે ગયા વર્ષના સમાન ક્વાર્ટરમાં રૂ. 7,237.45 કરોડ હતા.
ડેટ-ટુ-ઇક્વિટી રેશિયો ઘટીને 0.66% થયો
SBIનો ડેટ-ટુ-ઇક્વિટી રેશિયો ચોથા ક્વાર્ટરમાં થોડો ઘટીને 0.66% થયો હતો જે ગયા વર્ષના સમાન ક્વાર્ટરમાં (Q4FY22) 0.71% હતો. Q4FY23માં બેંકનો કુલ ખર્ચ 30.84% વધીને રૂ.82,291.35 કરોડ થયો છે જે ગયા વર્ષના સમાન ક્વાર્ટરમાં રૂ.62,896.57 કરોડ હતો.
