પશ્ચિમ રેલ્વેનું ભાવનગર ડિવિઝન તેના સમ્માનનીય મુસાફરોને તેમના ગંતવ્ય સુધી પહોંચાડવા સાથે તેની સામાજિક જવાબદારી નિભાવવાનું ચાલુ રાખે છે. આ ક્રમમાં, ભાવનગર રેલ્વે મંડળના સીનિયર ડીસીએમ માશૂક અહમદે જણાવ્યું કે 17.06.2023 ના રોજ, ટ્રેન નંબર 11466 જબલપુર-સોમનાથ એક્સપ્રેસમાંથી ઉતરી રહેલા એક મુસાફરે વેરાવળ સ્ટેશન પર કામ કરતા ટિકિટ ચેકિંગ સ્ટાફ રવિ ચુડાસમાને જણાવ્યું કે, એક સગીર છોકરી વગર ટિકિટે મુસાફરી કરી રહી છે, જે કદાચ જાણ કર્યા વિના ઘરેથી નીકળી ગઈ છે.
ટિકિટ ચેકિંગ સ્ટાફે છોકરીને ઓફિસમાં બેસાડી, પછી રેલવે પ્રોટેક્શન ફોર્સ / રાજકીય રેલવે પોલીસને જાણ કર્યા પછી, છોકરીને ચાઇલ્ડ લાઇનને સોંપી દીધી જેથી તે સુરક્ષિત રીતે તેના પરિવાર સુધી પહોંચી શકે. સગીર યુવતી નાગદા (મધ્યપ્રદેશ)ની રહેવાસી હતી. ભાવનગર રેલવે ડિવિઝનના ડિવિઝનલ રેલવે મેનેજર મનોજ ગોયલે ટિકિટ ચેકિંગ સ્ટાફની આ કામગીરીની સરાહના કરી હતી.
અહેવાલ : પરાગ સંગતાણી (ગીર-સોમનાથ)
વેરાવળ : ઘરેથી ભાગી ગયેલી સગીર છોકરીને રેલવે કર્મચારીએ ચાઈલ્ડ લાઈનને સોંપી
