મોદીએ એકતા મોલ, ચિલ્ડ્રન ન્યૂટ્રિશિયન પાર્ક અને આરોગ્ય વનનું લોકાર્પણ કર્યું, બે દિવસમાં સી-પ્લેન અને જંગલ સફારી સહિત 17 પ્રોજેક્ટનું લોકાર્પણ કરશે

0
55
  • વડાપ્રધાન મોદીની મુલાકાતને લઈને કેવડિયા પોલીસ છાવણીમાં ફેરવાયું, વિવિધ પ્રોજેક્ટનાં લોકાર્પણ કરશે
  • મોદી 30 અને 31 ઓક્ટોબરની બે દિવસની કેવડિયાની મુલાકાતે, કાલે રાષ્ટ્રીય એકતા દિવસની ઉજવણીમાં ભાગ લેશે

PM નરેન્દ્ર મોદી આજથી બે દિવસના ગુજરાતના પ્રવાસે આવે છે. મોદી આજે સવારે 11:30 વાગ્યે ગાંધીનગરથી સીધા કેવડિયા પહોંચ્યા હતા, જ્યાં તેમણે સૌથી પહેલા આરોગ્ય વનનું લોકાર્પણ કર્યું અને ત્યાર બાદ 17 એકરમાં ફેલાયેલા આરોગ્ય વનની મુલાકાત લઇને એના વિશે જાણકારી મેળવી હતી. ત્યાર બાદ મોદીએ એકતા મોલ અને ચિલ્ડ્રન ન્યૂટ્રિશિયન પાર્ક લોકાર્પણ કર્યું હતું. મુખ્યપ્રધાન વિજય રૂપાણી અને રાજ્યપાલ આચાર્ય દેવવ્રત તેમની સાથે જોડાયા હતા.

PM મોદીએ એકતા મોલનું લોકાર્પણ કર્યું હતું

PM મોદીએ એકતા મોલનું લોકાર્પણ કર્યું હતું

વડાપ્રધાન મોદી કેવડિયામાં રાત્રિ રોકાણ કરશે
વડાપ્રધાન મોદી આવતીકાલે 31 ઓક્ટોબરે રાષ્ટ્રીય એકતા દિવસની ઉજવણીમાં ભાગ લેશે અને 2 દિવસ દરમિયાન 17 પ્રોજેક્ટનું લોકાર્પણ કરશે, જેને પગલે કેવડિયા પોલીસ છાવણીમાં ફેરવાયું છે. વડાપ્રધાન મોદી કેવડિયામાં રાત્રિ રોકાણ કરશે, જેને પગલે ગુપ્તચર એજન્સીઓ સતર્ક બની ગઇ છે. કેન્દ્રીય દળની ટુકડીઓ, NSG, CISF, NDRF, CRPF, ગુજરાત પોલીસ અને જમ્મુ-કાશ્મીર પોલીસ આવતીકાલે કેવડિયા ખાતે એકતા પરેડ કરશે

મોદીનું કેવડિયાસ્થિત હેલિપેડ ખાતે સ્વાગત કરાયું.

મોદીનું કેવડિયાસ્થિત હેલિપેડ ખાતે સ્વાગત કરાયું.

પીએમ મોદીનો કેવડિયામાં આજનો કાર્યક્રમ
વડાપ્રધાન નરેન્દ્ર મોદી આજે બપોરે 12:10થી 12:50 દરમિયાન આરોગ્ય વન અને આરોગ્ય કુટીરનું લોકાર્પણ કરશે. 12:50થી 1 વાગ્યા દરમિયાન એકતા મોલનું લોકાર્પણ કરશે. 1 વાગ્યે ચિલ્ડ્રન ન્યૂટ્રિશિયન પાર્કને ખુલ્લો મૂકશે. 3:30થી 5 વાગ્યા દરમિયાન જંગલ સફારીનું લોકાર્પણ કરશે. 5 વાગ્યે વિવિધ પ્રોજેક્ટનો શિલાન્યાસ કરશે. 5:15 વાગ્યે સ્ટેચ્યૂ ઓફ યુનિટી ખાતે જેટ્ટી અને એકતા ક્રૂઝનું લોકાર્પણ કરશે. ત્યાર બાદ ડાયનેમિક ડેમ લાઇટિંગનું લોકાર્પણ કરશે. 7:20 વાગ્યે વેબસાઇટ અને કેવડિયા મોબાઇલ એપનું લોન્ચિંગ કરશે. 7:25થી 7:35 દરમિયાન યુનિટી ગ્લો ગાર્ડનની મુલાકાત લઇને એનું લોકાર્પણ કરશે અને 7:45થી 8 વાગ્યા દરમિયાન કેક્ટસ ગાર્ડનનું લોકાર્પણ કરશે.

મોદીએ આરોગ્ય વનની મુલાકાત લઈને એના વિશે તમામ જાણકારી મેળવી હતી.

મોદીએ આરોગ્ય વનની મુલાકાત લઈને એના વિશે તમામ જાણકારી મેળવી હતી.

મોદી જે પ્રોજેક્ટનું લોકાર્પણ કરવાના છે એની ખાસિયતો
સી-પ્લેન

માલદીવ્સથી સ્પાઇસ જેટનું આ સી-પ્લેન કેવડિયા અને અમદાવાદ વચ્ચે મુસાફરી માટે દેશમાં પ્રથમ સેવા થશે, જેમાં 14 પ્રવાસી બેસી શકશે. એક વ્યક્તિનું એક તરફનું ભાડું 1500 રૂપિયા નક્કી કરાયું છે.

આરોગ્ય વનની મુલાકાત લઈ રહેલા PM મોદી.

આરોગ્ય વનની મુલાકાત લઈ રહેલા PM મોદી.

જંગલ સફારી પાર્ક અને ફેરી બોટ (ક્રૂઝ)
375 એક્ટરમાં ફેલાયેલા જંગલ સફરીમાં 1500 દેશી અને વિદેશી પ્રાણી છે. વ્યક્તિદીઠ રૂા. 200ની ટિકિટ છે. પેટ્સ ઝોનનો પણ આ ટિકિટમાં સમાવેશ છે. ફેરી બોટ(ક્રૂઝ) પ્રોજેક્ટ 100 ટકા પૂર્ણ છે અને લોકાર્પણ માટે તૈયાર છે. બોટમાં 202 પ્રવાસી આનંદ માણી શકશે. એક પ્રવાસીદીઠ ક્રૂઝનું ભાડું રૂા. 430 રાખ્યું છે.

કેવડિયામાં આરોગ્ય વન અને કુટીરનું PM મોદીએ લોકાર્પણ કર્યું.

કેવડિયામાં આરોગ્ય વન અને કુટીરનું PM મોદીએ લોકાર્પણ કર્યું.

ગ્લો ગાર્ડન અને ભારત ભવન
ગ્લો ગાર્ડન 100 ટકા પૂર્ણ છે, કોકોનટ ગાર્ડન, ગ્લો ગાર્ડનની લાઈટ, વિશ્વ વન સહિતના પ્રોજેક્ટમાં લાઈટિંગ કરાયું છે. ટિકિટનો ચાર્જ 200 રૂા છે. શ્રેષ્ઠ ભારત ભવનમાં થ્રી સ્ટાર હોટલ બનાવાઇ છે. 52 એસી લક્ઝુરિયસ રૂમો, સ્વિમિંગ પૂલ સહિત મોટું ગાર્ડન છે. એનું રૂા. 6 હજાર ભાડું છે.

આરોગ્ય વનની મુલાકાત દરમિયાન મોદી નિરીક્ષણ કરી રહ્યા છે.

આરોગ્ય વનની મુલાકાત દરમિયાન મોદી નિરીક્ષણ કરી રહ્યા છે.

એકતા મોલ અને ચિલ્ડ્રન ન્યૂટ્રિશિયન પાર્ક
એકતા મોલ એ વિવિધ રાજ્યોની હસ્તકલાઓ અને સ્પેશિયલ કારીગરો, મહિલા સંગઠનો અને સામાજિક સંસ્થાઓ દ્વારા બનાવેલી વસ્તુઓ અને રાજ્યની ઓળખ ગણાતી વસ્તુનો શોપિંગ મોલ છે. ચિલ્ડ્રન ન્યુટ્રિશિયન પાર્ક પીએમ મોદીનો ડ્રીમ પ્રોજેકટ છે. ચિલ્ડ્રન પાર્કની વિઝિટ કરનાર બાળક પૌષ્ટિક વસ્તુ જાણતો થશે. ટિકિટનો દર રૂા. 300 છે.

આરોગ્ય વનમાં ગાઇડે PM મોદીને માહિતી આપી હતી.

આરોગ્ય વનમાં ગાઇડે PM મોદીને માહિતી આપી હતી.

કેક્ટસ ગાર્ડન અને એકતા નર્સરી
દેશનું પ્રથમ એક ગાર્ડન છે, જેમાં દેશ-વિદેશના કાંટાળા રંગબેરંગી છોડ છે. એકતા નર્સરીમાં 10 હજાર કરતાં વધુ પ્લાન્ટ તૈયાર કરાયા છે, જે પ્રવાસીઓ માટે વેચાણમાં મૂક્યા છે

આરોગ્ય વન અને રેલવે સ્ટેશન
આરોગ્ય વન એક કુદરતી પ્લાન્ટથી ભરપૂર છે. સૌથી વધુ ઓક્સિજન આપે એવા પ્લાન્ટ્સ છે. અહીંના યોગ ગાર્ડનમાં મોદી યોગ કરશે અને એનું લોકાર્પણ કરશે. વેલનેસ સેન્ટરમાં મસાજ કરાવો તો ખર્ચ થશે. ચાંદોદથી કેવડિયા રેલવેલાઇનનું કામ 60 ટકા પૂર્ણ કરી દેવામાં આવ્યું છે. હજી રેલવેલાઇન પૂર્ણ કરવાની બાકી છે. રેલવે સ્ટેશનની કામગીરી પૂરી થતાં 6 મહિના લાગશે.

LEAVE A REPLY

Please enter your comment!
Please enter your name here