ભારત અને ઓસ્ટ્રેલિયા વચ્ચે આવતીકાલથી વર્લ્ડ ટેસ્ટ ચેમ્પિયનશિપ (WTC)ની ફાઈનલ રમાશે. લંડનના ઓવલ મેદાન પર યોજાનારી આ મેચમાં જે ટીમ જીતશે તે ક્રિકેટ જગતમાં પોતાનું વર્ચસ્વ સાબિત કરશે, કારણ કે વિજેતા ટીમ પાસે તમામ ICC ટૂર્નામેન્ટની ટ્રોફી હશે અને તે આવું કરનાર પ્રથમ ટીમ બની જશે.
આવી સ્થિતિમાં, આ મહાન સ્પર્ધા બંને ટીમો માટે વર્ચસ્વની લડાઈ છે. આ શાનદાર મેચ પહેલા આપણે બંને ટીમોની સ્ટ્રેંથ અને વીકનેસ જાણીશું. આગળ સ્ટોરીમાં, આપણે ટુર્નામેન્ટની આ સીઝનમાં બંને ટીમોનું પ્રદર્શન, ટોપ-5 બેટર્સ અને બોલર્સ, ટીમ સામે ટોપ-5 બેટર્સ અને બોલર્સ પણ જોઈશું.
સૌથી પહેલા જાણો WTC ક્યારે શરૂ થઈ?
વર્લ્ડ ટેસ્ટ ચેમ્પિયનશિપ 2020થી શરૂ થઈ હતી. તેની પ્રથમ ફાઈનલ જૂન 2021માં ભારત અને ન્યુઝીલેન્ડ વચ્ચે ઈંગ્લેન્ડમાં રમાઈ હતી, જે ન્યુઝીલેન્ડે જીતી હતી. WTCની બીજી સાયકલ 4 ઓગસ્ટ 2021થી શરૂ થઈ હતી, આ સાઈકલની ફાઈનલ હવે 7 જૂનથી ભારત અને ઓસ્ટ્રેલિયા વચ્ચે થશે. કારણ કે આ બંને ટીમો આ વખતે પોઈન્ટ ટેબલમાં ટોપ-2 સ્થાન પર રહી છે.
હવે જોઈએ ચેમ્પિયનશિપમાં બંને ટીમોનું પ્રદર્શન…
ઓસ્ટ્રેલિયા વધુ મેચ જીત્યું પરંતુ ભારત સામે હાર્યું
જીતની વાત કરીએ તો પેટ કમિન્સની કેપ્ટનશિપમાં રહેલી ઓસ્ટ્રેલિયન ટીમ ભારત કરતા સારી રહી હતી. ટીમે WTCની વર્તમાન સિઝનમાં 66.67% મેચ જીતી છે, જ્યારે ટીમ ઈન્ડિયાએ તેના કરતા ઓછી 58.80% મેચ જીતી છે.
ઓસ્ટ્રેલિયાએ 19માંથી 11 મેચ જીતી છે, જ્યારે ટીમ ઈન્ડિયાએ 18માંથી 10 મેચ જીતી છે. ઓસ્ટ્રેલિયા 3 મેચ હારી ગયું છે, જ્યારે ભારત 5 હારી ગયું છે. આ દરમિયાન ઓસ્ટ્રેલિયાએ 5 અને ભારતે 3 મેચ ડ્રો પણ રમી છે.
બંને ટીમોએ 6 સિરીઝ રમી હતી, 3 ઘરઆંગણે અને 3 વિદેશમાં. બંને ટીમોએ 4-4 સીરીઝ જીતી હતી, એકમાં હારનો સામનો કરવો પડ્યો હતો અને માત્ર એક સીરીઝ ડ્રો રહી હતી. ભારતે વિદેશમાં એક-એક સીરીઝ જીતી, હારી અને એક ડ્રો થઈ છે, આ સાથે જ હોમ ગ્રાઉન્ડ પર ત્રણેય સિરીઝ જીતી લીધી. ઓસ્ટ્રેલિયાએ પણ ઘરઆંગણે ત્રણેય સીરીઝ જીતી હતી. પરંતુ વિદેશોમાં એક-એક સીરીઝ જીતી, હારી અને એટલી જ સંખ્યામાં ડ્રો થઈ.
સિરીઝની વાત કરીએ તો બંને ટીમો લગભગ બરાબરી પર હતી, પરંતુ ભારતે અગાઉની સિરીઝમાં ઓસ્ટ્રેલિયાને 2-1થી હરાવીને ફાઇનલમાં જગ્યા બનાવી લીધી હતી. આવી સ્થિતિમાં ઓસ્ટ્રેલિયા સામે ભારતનું પલડું ભારે કહી શકાય. કારણ કે આ પહેલા ટીમ ઈન્ડિયા સતત 2 સીરીઝમાં ઓસ્ટ્રેલિયાને તેના ઘરે હરાવ્યું છે.
હવે આ બંને ખેલાડીઓના પ્રદર્શન પર નજર કરીએ.
બેટિંગમાં કાંગારૂઓ મજબુત, 4 બેટ્સમેનોએ 1000+ રન બનાવ્યા
બેટિંગની સરખામણીમાં ઓસ્ટ્રેલિયન ટીમ ભારત કરતા વધુ મજબૂત લાગે છે. આ સિઝનમાં કાંગારૂ ટીમના 4 બેટ્સમેનોએ 1000થી વધુ રન બનાવ્યા હતા, જ્યારે ભારતીય કેમ્પમાં એકપણ બેટ્સમેન 1000 રનનો આંકડો પાર કરી શક્યો નહોતો.
સિઝનના ટોપ-5 રન બનાવનારાઓમાં 2 ઓસ્ટ્રેલિયન ખેલાડીઓના નામ પણ છે. જેમાં ઉસ્માન ખ્વાજા (1608 રન) અને માર્નસ લાબુશેન (1509 રન) સામેલ છે. ભારત તરફથી ચેતેશ્વર પૂજારા 887 રન સાથે ટોપ પર છે. પરંતુ તે ઓવરઓલ રન સ્કોરરમાં 19માં નંબર પર છે.
ઓસ્ટ્રેલિયન ઓપનર ઉસ્માન ખ્વાજા દરેક પાંચમી ઇનિંગમાં સદી અને ચોથી ઇનિંગમાં ફિફ્ટી પણ ફટકારી રહ્યો છે. આ સાથે જ ભારતના ટોપ સ્કોરર ચેતેશ્વર પૂજારાએ 30 ઇનિંગ્સમાં એક સદી ફટકારી છે. જોકે તે દરેક 5મી ઇનિંગ્સમાં ફિફ્ટી બનાવે છે.
જુઓ બંને ટીમના ટોપ-5 રન સ્કોરર…
અશ્વિન દરેક 47મા બોલ પર વિકેટ લે છે, લાયન ચેમ્પિયનશિપનો ટોપ વિકેટ લેનાર
બોલિંગમાં પણ કાંગારૂ બોલરોનો દબદબો જોવા મળી રહ્યો છે. ત્રણ ઓસ્ટ્રેલિયન બોલરોએ ચેમ્પિયનશિપમાં 50થી વધુ વિકેટ લીધી છે, જ્યારે ભારત તરફથી માત્ર એક રવિચંદ્રન અશ્વિન 50 વિકેટનો આંકડો પાર કરી શક્યો છે. આ સિઝનમાં 83 વિકેટ લેનાર ઓસ્ટ્રેલિયાનો નાથન લાયન તમામ બોલરોમાં ટોપ વિકેટ ટેકર છે.
સિઝનના ટોપ-5 વિકેટ લેનારાઓની યાદીમાં બંને ટીમોના એક-એક બોલરનો સમાવેશ થાય છે. લાયન સિવાય ભારતીય સ્પિનર રવિચંદ્રન અશ્વિન (61 વિકેટ) યાદીમાં ત્રીજા નંબર પર છે.
કાંગારૂ ટીમ તરફથી નાથન લાયન (83 વિકેટ), પેટ કમિન્સ (53 વિકેટ) અને મિશેલ સ્ટાર્ક (51 વિકેટ) 50+ વિકેટો લઈ ચૂક્યા છે, જ્યારે ભારત તરફથી માત્ર રવિચંદ્રન અશ્વિન (61 વિકેટ) 50+ વિકેટ લઈ શક્યા છે. .
સ્ટ્રાઈક રેટની વાત કરીએ તો ભારતીય સ્પિનર અશ્વિન નાથન લાયન કરતા સારો સાબિત થઈ રહ્યો છે. રવિચંદ્રન અશ્વિન દર 47.59 બોલમાં એક વિકેટ લે છે, જ્યારે લાયન દર 62.87 બોલમાં એક વિકેટ લે છે.
હવે ચાલો જોઈએ કે બંને ટીમો સામે સારૂ પ્રદર્શન કરનારા ખેલાડીઓ…
ભારત સામે ટોપ-5 સ્કોર કરનારા બે ઓસ્ટ્રેલિયન, કાંગારુઓ સામે કોઈ ભારતીય નથી
ભારત સામે ટોપ-5 રન સ્કોરરમાં ખેલાડીઓમાં બે ઓસ્ટ્રેલિયન બેટ્સમેન સામેલ છે, જ્યારે ઓસ્ટ્રેલિયા સામે ટોપ-5 રન સ્કોરરમાં ખેલાડીઓમાં કોઈ ભારતીય સામેલ નથી.
ઇંગ્લેન્ડના જો રૂટ (737 રન) એ WTCની આ સિઝનમાં ભારત સામે સૌથી વધુ રન બનાવ્યા છે. ટોપ-5ની આ યાદીમાં ઉસ્માન ખ્વાજા (333 રન) ત્રીજા અને માર્નસ લાબુશેન (244 રન) પાંચમા નંબર પર છે. ઓસ્ટ્રેલિયાના ઉસ્માન ખ્વાજાએ પણ ભારત સામેની દરેક મેચમાં ફિફ્ટી ફટકારી છે.
કાંગારૂઓ સામે ટોપ-5 બેટ્સમેનોની યાદીમાં ચાર પાકિસ્તાની બેટ્સમેનોના નામ છે. પાકિસ્તાનનો અબ્દુલ્લા શફીક સૌથી વધુ રન બનાવવાના મામલે ટોપ પર છે. તેણે 397 રન બનાવ્યા છે.
ભારત સામે સૌથી વધુ વિકેટ લાયને લીધી, અશ્વિન-જાડેજાએ મળીને ઓસ્ટ્રેલિયાના 47 બેટ્સમેનોને આઉટ કર્યા
ભારત અને ઓસ્ટ્રેલિયા બંને સામે સૌથી વધુ વિકેટ લેનારા સ્પિનરો છે. ટીમ ઈન્ડિયા પેસરો સામે ફસાયેલી દેખાતી હતી, જ્યારે ઓસ્ટ્રેલિયા સામે ટોપ-5 વિકેટ લેનારાઓમાં 3 સ્પિનરો છે.
ભારત તરફથી રવિચંદ્રન અશ્વિન દર 40મા બોલે ઓસ્ટ્રેલિયન બેટ્સમેનોને આઉટ કરે છે, જ્યારે લાયન દર 52મા બોલે એક ભારતીયની વિકેટ લે છે.
સ્ટ્રેંથ
- ઓસ્ટ્રેલિયાના બેટર્સ કાંગારૂ ટીમમાં તેમના બેટ્સમેન ટીમની સ્ટ્રેંથ છે. ટીમના 4 બેટ્સમેનોએ આ સિઝનમાં 1000થી વધુ રન બનાવ્યા છે. બીજી તરફ સ્ટીવ સ્મિથે આ મેદાન પર અત્યાર સુધી રમાયેલી 3 મેચમાં 97.75ની એવરેજથી 391 રન બનાવ્યા છે. તે ગયા દિવસોમાં માર્નસ લાબુશેન સાથે ઈંગ્લેન્ડમાં કાઉન્ટી ક્રિકેટ પણ રમી રહ્યો હતો. જેનો ટીમને ફાયદો થશે.
- ભારતના બોલરો ટીમ ઈન્ડિયાની ટીમમાં 5 ફાસ્ટ બોલર છે જેમાંથી 4નું રમવાનું નક્કી માનવામાં આવી રહ્યું છે. તેમાંથી મોહમ્મદ શમી, મોહમ્મદ સિરાજ, શાર્દુલ ઠાકુર અને ઉમેશ યાદવ ચારેયને ઈંગ્લેન્ડમાં રમવાનો અનુભવ છે. આ બોલરોની મદદથી ભારતે ઈંગ્લેન્ડ સામેની છેલ્લી શ્રેણીમાં 2 ટેસ્ટ મેચ જીતી હતી.
વીકનેસ
- સ્પિનર્સ કાંગારૂઓની નબળાઈ ઓસ્ટ્રેલિયન બેટ્સમેનો સ્પિનરો સામે ડગમગતા જોવા મળે છે. ઓસ્ટ્રેલિયા સામે ટોપ-5 વિકેટ લેનારાઓની યાદીમાં 3 સ્પિનરો છે. તેમાંથી રવિચંદ્રન અશ્વિન (25 વિકેટ) અને રવિન્દ્ર જાડેજા (22 વિકેટ) પ્રથમ અને બીજા ક્રમે છે. શ્રીલંકાના સ્પિનર પ્રબાથ જયસૂર્યા (12 વિકેટ) 5માં નંબર પર છે.
- ભારતના બેટ્સમેનો ફાસ્ટ બોલરોની સામે ફસાઈ જાય છે ભારતીય બેટિંગની નબળાઈ ફાસ્ટ બોલિંગ છે. ભારત સામે સૌથી વધુ વિકેટ ફાસ્ટરોએ લીધી છે, જો કે ભારત સામે સૌથી વધુ વિકેટ લેનાર ઓસ્ટ્રેલિયન સ્પિનર નાથન લાયન છે. તેણે 22 વખત ભારતીય બેટ્સમેનોને આઉટ કર્યા છે. લાયન પછી, 4 પેસર્સે ભારત સામે સૌથી વધુ વિકેટ લીધી, જેમાં દક્ષિણ આફ્રિકા અને ઈંગ્લેન્ડના 2-2 બોલરો છે.
