News Updates
NATIONAL

ચીનની બીમારીથી ભારતમાં એલર્ટ:બાળકો પર સૌથી વધારે અસર; ફેફસાં ફૂલી જાય છે, ગુજરાત સહિત 6 રાજ્યોમાં એડવાઈઝરી જાહેર

Spread the love

ચીનમાં ફેફસાંને ફુલાવતી રહસ્યમય બીમારીને લઈને ભારતનાં છ રાજ્યોમાં એલર્ટ છે. રાજસ્થાન, કર્ણાટક, ગુજરાત, ઉત્તરાખંડ, હરિયાણા અને તમિલનાડુની રાજ્ય સરકારોએ હોસ્પિટલ અને આરોગ્ય કર્મચારીઓને શ્વાસને લગતા દર્દીઓ માટે તૈયાર રહેવા સૂચના આપી છે.

રાજ્ય સરકારોએ પણ લોકો માટે એડવાઈઝરી જાહેર કરી છે. જેમાં લોકોને ભીડભાડવાળી જગ્યાએ માસ્કનો ઉપયોગ કરવાની સલાહ આપવામાં આવી છે. પીડિયાટ્રિક યુનિટ્સમાં બાળકોની સારવાર માટે સંપૂર્ણ વ્યવસ્થા કરવા માટે કહેવામાં આવ્યું છે.

ચીનમાં રહસ્યમય રોગ બાળકોને સૌથી વધુ અસર કરી રહ્યો છે. આકરા તાવની સાથે ફેફસાંમાં બળતરા થતી આ બીમારીને કારણે દરરોજ 7000 જેટલાં બાળકો હોસ્પિટલે પહોંચી રહ્યાં છે. નિષ્ણાતો કહે છે કે કોરોનાની જેમ આ રોગ પણ ચેપી છે.

ભારત સરકારે 24 નવેમ્બરે તમામ રાજ્યો અને કેન્દ્રશાસિત પ્રદેશોને એક એડવાઈઝરી જાહેર કરી હતી. કેન્દ્રીય સ્વાસ્થ્ય મંત્રી મનસુખ માંડવિયાએ કહ્યું કે ભારતમાં હજુ સુધી ચીનની રહસ્યમય બીમારીનો એક પણ કેસ નોંધાયો નથી. સરકાર આની નજીકથી નજર રાખી રહી છે.

દુનિયાભરમાં એલર્ટ
પ્રો-મેડ નામના સર્વેલન્સ પ્લેટફોર્મે ચીનમાં ન્યુમોનિયાને લઇને દુનિયાભરમાં એલર્ટ જાહેર કર્યું છે. આ પ્લેટફોર્મ મનુષ્યો અને પ્રાણીઓમાં ફેલાતા રોગો વિશે માહિતી રાખે છે. પ્રો-મેડે ડિસેમ્બર 2019માં કોરોનાને લઈને પણ એલર્ટ જાહેર કર્યું હતું.

પ્રો-મેડના અહેવાલ મુજબ, આ રોગ ક્યારે ફેલાવા લાગ્યો તે હજુ સુધી જાણી શકાયું નથી. પ્લેટફોર્મે એવું પણ જણાવ્યું નથી કે આ રોગ માત્ર બાળકો પૂરતો મર્યાદિત છે કે યુવાનો અને વૃદ્ધોને પણ તેની અસર થઈ રહી છે.

રહસ્યમયી બીમારી ઉપર અમારી નજરઃ હેલ્થ મિનિસ્ટ્રી
24 નવેમ્બરે હેલ્થ મિનિસ્ટ્રીએ જણાવ્યું હતું કે તેઓ ચીનમાં ફેલાઇ રહેલી રહસ્યમયી બીમારી ઉપર નજર રાખી રહી છે. સ્વાસ્થ્ય મંત્રાલયે કહ્યું હતું- ચીનમાં બાળકોમાં H9N2 કેસ અને શ્વાસ સંબંધી રોગોના ફેલાવા પર નજીકથી નજર રાખી રહી છે.

ચીન એ વાતનો ઇનકાર કરે છે કે નવા વાઇરસથી રોગ ફેલાશે
23 નવેમ્બરના રોજ ચીની મીડિયાએ શાળાઓમાં એક રહસ્યમય રોગ ફેલાવાની જાણ કરી હતી. ચીને કહ્યું કે અસરગ્રસ્ત બાળકોનાં ફેફસાંમાં બળતરા, તાવ, ઉધરસ અને શરદી જેવાં લક્ષણો જોવા મળી રહ્યાં છે. રોગના ફેલાવાને રોકવા માટે શાળાઓ બંધ કરવામાં આવી હતી.

ચીનના નેશનલ હેલ્થ કમિશને કહ્યું કે કોરોનાના કારણે લાદવામાં આવેલા પ્રતિબંધો ગયા વર્ષે ડિસેમ્બરમાં હટાવી લેવામાં આવ્યા હતા. જેના કારણે રોગ ફરી ફેલાઈ રહ્યો છે. જોકે, ચીનની સરકારે આ દાવાઓને ફગાવી દીધા હતા.

ચીનની હેલ્થ ઓથોરિટીનું કહેવું છે કે આ એક સામાન્ય ન્યુમોનિયા રોગ છે. અન્ય બેક્ટેરિયા અથવા વાઇરસથી કોઈ નવો રોગ અથવા ચેપ નથી. હાલમાં ચીનમાં ભારે ઠંડી પડી રહી છે. કોરોના પ્રતિબંધો હટાવ્યા બાદ આ સિઝનની પ્રથમ ઠંડી છે. શિયાળામાં વાઇરલ રોગો ફેલાવાનું જોખમ વધારે છે.

ચીનમાં ફેલાતા આ રોગનાં લક્ષણો

  • ઉધરસ
  • દુખાવો અથવા ગળામાં દુખાવો
  • તાવ
  • ફેફસાંમાં સોજો
  • શ્વાસનળીમાં સોજો

આને મહામારી કહેવું એ વહેલું ગણાશે
ગયા અઠવાડિયે ચીનના નેશનલ હેલ્થ કમિશને ન્યુમોનિયાના ફેલાવાનું કારણ કોરોના પ્રતિબંધો હટાવવાનું ગણાવ્યું હતું. WHOએ આ રોગની તપાસ કરવા માટે હાલમાં ચીનમાં ફેલાતા તમામ પ્રકારના વાઇરસની યાદી માગી છે. તે જ સમયે, લોકોને માસ્ક પહેરવા અને સોશિયલ ડિસ્ટન્સનું પાલન કરવાનું કહેવામાં આવ્યું છે.

WHOએ હજુ સુધી આ રહસ્યમયી રોગ મહામારી છે કે કેમ તે અંગે કોઈ માહિતી આપી નથી. તે જ સમયે, સર્વેલન્સ પ્લેટફોર્મ Pro-Med એ પણ કહ્યું કે તેને મહામારી કહેવું ખોટું અને વહેલું હશે. હાલમાં ચીનમાં ભારે ઠંડી પડી રહી છે. તાપમાન શૂન્ય ડિગ્રીની નજીક પહોંચવાની સંભાવના છે.


Spread the love

Related posts

તિરુપતિ બાલાજી નહીં, આ છે ભારતનું સૌથી ધનિક મંદિર, જાણો કેટલી છે સંપત્તિ

Team News Updates

સંસદમાં મણિપુર મામલે હોબાળો:લોકસભાની કાર્યવાહી 24 જુલાઈ સુધી સ્થગિત, રાજનાથે કહ્યું- અમે ચર્ચા માટે તૈયાર છીએ

Team News Updates

ગોલ્ડન ટેમ્પલ પાસે હેરિટેજ સ્ટ્રીટમાં બ્લાસ્ટ:કાચ તૂટ્યા, શ્રદ્ધાળુ ઘાયલ; બ્લાસ્ટના CCTV સામે આવ્યા, ફોરેન્સિક ટીમ તપાસ કરી રહી છે

Team News Updates