ગોંડલમાં નશાનો ધંધો કરતાં લોકોને ડામવા માટે પોલીસે કમરકસી છે અને સઘન ચેકિંગ શરુ કર્યું છે. જેમાં એસ.ઓ.જીના સ્ટાફ દ્વારા બાતમીના આધારે પેટ્રોલિંગ કરી અને ગાંજોના જથ્થા સાથે એક શખ્સની ધરપકડ કરી લીધી છે.
પોલીસને બાતમી મળી હતી કે ગોંડલના વોરાકોટડા રોડ ચીસ્તીયા મસ્જીદ પાસે મોટરસાયકલ નં. GJ-03-JQ-4927 પર સવાર વ્યક્તિ ગાંજાનો જથ્થો લઇને વેચાણ કરવા પોસ્ટ ઓફીસ પાસે આવનાર છે. જેને ધ્યાનમાં લઈ પોલીસે આ જગ્યાએ વોચ ગોઠવી હતી અને આરોપીને મુદ્દામાલ સાથે ઝડપી પાડ્યો હતો. તેની પાસેથી ૪૧,૦૦૦ ની કીમતનો ગાંજાનો જથ્થો મળી આવ્યો હતો. પોલીસે મુદામાલ કબ્જે કરી ગોંડલ સીટીપો.સ્ટે ખાતે એન.ડી.પી.એસ એક્ટ મુજબ ગુન્હો રજીસ્ટર કરાવી કાયદેસરની કાર્યવાહી કરેલ છે. ગાંજાના જથ્થા સાથે રહેમાનશા ઉર્ફે બાઠીયાબાપુ વિરુદ્ધ કાર્યવાહી કરવામાં આવી છે.
