ભારતમાં યોજાનાર વર્લ્ડ કપમાં ભાગ લેવા પાકિસ્તાનની ટીમ 27 સપ્ટેમ્બરે હૈદરાબાદ આવી પહોંચી હતી. ભારત આવવા પહેલા પાકિસ્તાનની ક્રિકેટ ટીમના તમામ ખેલાડીઓએ ફોટોશૂટ કરાવ્યું હતું, જેના ફોટો પાકિસ્તાન ક્રિકેટ બોર્ડે (PCB) તેમના સોશિયલ મીડિયા એકાઉન્ટ પર પોસ્ટ કર્યા હતા. ફોટોમાં કેપ્ટન બાબર આઝમ અને શાહીન આફ્રિદી સહિત તમામ ખેલાડીઓ જોવા મળ્યા હતા. પાકિસ્તાનની ક્રિકેટ ટીમ સાત વર્ષ બાદ ભારત આવી પહોંચી હતી. વર્લ્ડ કપમાં આ વર્ષે પાકિસ્તાનની ટીમ વિજેતા બનશે એવો કેપ્ટન બાબર આઝમે વિશ્વાસ વ્યક્ત કર્યો હતો.
બાબર આઝમની આગેવાનીમાં પાકિસ્તાનની ટીમ વર્લ્ડ કપમાં ભાગ લેવા ભારત આવી પહોંચી હતી. ભારત આવતા પહેલા તેમના ફોટોશૂટના ફોટો વાયરલ થયા છે.
પાકિસ્તાન ક્રિકેટ બોર્ડે તેમના ઓફિશિયલ સોશિયલ મીડિયા પેજ પર ફોટો શેર કર્યા હતા, જેમાં તમામ ખેલાડીઓ હાજર હતા.
કેપ્ટન બાબર આઝમ અને વાઈસ કેપ્ટન શાદાબ ખાને અન્ય ખેલાડીઓ સાથે ફોટો પડાવ્યા હતા.
તમામ ખેલાડીઓએ લીલા રંગની કોટી, સફેદ શર્ટ અને ક્રીમ કલરના ટ્રાઉઝરમાં જોવા મળ્યા હતા.
ભારત આવતા પહેલા ખેલાડીઓએ PCB ઓફિશિયલ્સ સાથે પણ મુલાકાત કરી હતી.
