કેન્દ્રીય મંત્રી અશ્વિની વૈષ્ણવે ભારતમાં બનેલા આ રાઉટર વિશે કહ્યું કે, તમે જાણો છો કે નેટવર્કિંગ એ ડિજિટલ ઈન્ડિયાના પ્રયાસોની ચાવી છે. કેન્દ્રીય મંત્રીએ કહ્યું કે નેટવર્કિંગ રાઉટર માટે આવા કોર રાઉટરની ખૂબ જ જરૂર છે. તેથી હું ખૂબ જ ખુશ છું કે આ પ્રકારનું રાઉટર ભારતમાં બન્યું છે.
ભારતના ઈલેક્ટ્રોનિક્સ ટેલિકોમ અને ઈન્ફોર્મેશન ટેક્નોલોજી મંત્રી અશ્વિની વૈષ્ણવે શનિવારે બેંગ્લોરમાં સૌથી ઝડપી રાઉટર લોન્ચ કર્યું. આ રાઉટરની ક્ષમતા 2.4 tdps છે. આ રાઉટર ભારત સરકારના ટેલિકોમ વિભાગ CDOT અને નિવેટી સિસ્ટમની મદદથી સ્વદેશી રીતે બનાવવામાં આવ્યું છે. અશ્વિની વૈષ્ણવે આ ભારતીય બનાવટના રાઉટરને વડાપ્રધાન નરેન્દ્ર મોદીના ડિજિટલ ઈન્ડિયાના વિઝનમાં એક મોટું પ્રોત્સાહન ગણાવ્યું હતું.
અશ્વિની વૈષ્ણવે કર્યા વખાણ
કેન્દ્રીય મંત્રી અશ્વિની વૈષ્ણવે ભારતમાં બનેલા આ રાઉટર વિશે કહ્યું કે, તમે જાણો છો કે નેટવર્કિંગ એ ડિજિટલ ઈન્ડિયાના પ્રયાસોની ચાવી છે. કેન્દ્રીય મંત્રીએ કહ્યું કે નેટવર્કિંગ રાઉટર માટે આવા કોર રાઉટરની ખૂબ જ જરૂર છે. તેથી હું ખૂબ જ ખુશ છું કે આ પ્રકારનું રાઉટર ભારતમાં બન્યું છે.
ભારતનું સૌથી ઝડપી રાઉટર
ભારતમાં આ સૌથી ઝડપી રાઉટરની સ્પીડ 2.4 tbps છે. ડેટા ટ્રાન્સમિશનનો દર ટર્બોબિટ્સ પ્રતિ સેકન્ડમાં માપવામાં આવે છે, જે 1000 ગીગાબાઇટ્સ અને 1 ટ્રિલિયન બાઇટ્સ પ્રતિ સેકન્ડની બરાબર છે. આ રાઉટર ઇન્સ્ટોલ કરીને રેલવે કોમ્યુનિકેશન નેટવર્કના ઘણા વિભાગોનો વિકાસ થઈ શકશે.
MPLS એ એક રૂટીંગ ટેકનિક છે, જેનો ઉપયોગ ટેલિકોમ્યુનિકેશન નેટવર્ક્સમાં એક નોડથી બીજામાં સીધા ડેટા ટ્રાન્સફર માટે થાય છે. આ રાઉટરથી નેટવર્કિંગ ટેક્નોલોજીને પ્રોત્સાહન મળ્યું છે. આ ઉપરાંત ડિજિટલ ઈન્ડિયાના ઈન્ફ્રાસ્ટ્રક્ચરમાં પણ વધારો થયો છે.
નેટવર્ક સ્પીડ વધશે
આ મલ્ટીપ્રોટોકોલ લેબલ સ્વિચિંગ પ્રથમ વર્ષ 1990માં બનાવવામાં આવ્યું હતું. તેનો ઉપયોગ અગાઉ જાણીતા રૂટ પર નેટવર્ક કનેક્શન મોકલીને નેટની ઝડપ વધારવા માટે થાય છે. MPLS નેટવર્ક પાથને અગાઉથી મોનિટર કરે છે, જે ડેટા ટ્રાન્સફર માટે લાગતો સમય ઘટાડે છે.
