રિઝર્વ બેંક ઓફ ઈન્ડિયા (RBI) મે મહિનામાં વિશ્વની ત્રીજી સૌથી મોટી સોનાની ખરીદદાર હતી. વર્લ્ડ ગોલ્ડ કાઉન્સિલ અનુસાર, ગયા મહિને ભારતે લગભગ 722 કરોડ રૂપિયાનું સોનું ખરીદ્યું હતું. માત્ર સ્વિટ્ઝર્લેન્ડ અને ચીને ભારત કરતાં વધુ સોનું ખરીદ્યું છે.
છેલ્લા 5 નાણાકીય વર્ષોમાં, ભારતે તેના સોનાના ભંડારમાં લગભગ 204 ટનનો વધારો કર્યો છે. માર્ચ 2019માં દેશનું ગોલ્ડ રિઝર્વ 618.2 ટન હતું, જે 31 માર્ચ, 2024ના રોજ 33% વધીને 822.1 ટન થયું હતું. જો કે આ સમયગાળા દરમિયાન સોનાના ભાવમાં લગભગ 70%નો વધારો થયો છે.
સોનાના વધતા ભાવને કારણે ગયા મહિને વૈશ્વિક સોનાના બજારમાં સરેરાશ દૈનિક ટ્રેડિંગ વોલ્યુમ 18 લાખ કરોડ હતું. આ એપ્રિલ 2024 કરતાં 13% ઓછું છે, પરંતુ 2023માં રોજના 13.6 લાખ કરોડ રૂપિયાની સરેરાશ કરતાં 32.51% વધુ છે.
મે મહિનામાં સતત ત્રીજા મહિને સોનાના ભાવમાં વધારો થયો હતો. પરંતુ શુક્રવારે દેશમાં જ્વેલરી સોનું (22 કેરેટ) 773 રૂપિયા પ્રતિ 10 ગ્રામ ઘટીને 65,872 રૂપિયા થઈ ગયું હતું. 24 કેરેટ સોનાની કિંમત પણ ગુરુવારની સરખામણીમાં 844 રૂપિયા ઘટીને 71,913 રૂપિયા પ્રતિ 10 ગ્રામ થઈ ગઈ છે.
- મે મહિનામાં ગ્લોબલ ગોલ્ડ ઇટીએફમાં રોકાણ વધ્યું છે. આ સાથે જ છેલ્લા 12 મહિનાથી ચાલી રહેલા ઘટાડાનો ટ્રેન્ડનો અંત આવ્યો.
- યુરોપ અને એશિયાએ ગોલ્ડ ETF ના પ્રવાહમાં મુખ્ય ભૂમિકા ભજવી હતી, જ્યારે યુએસ અને અન્ય પ્રદેશોમાંથી નજીવો ઉપાડ થયો હતો.
- નાણાપ્રવાહ અને સોનાના ઊંચા ભાવને કારણે મે મહિનામાં કુલ AUM માસિક ધોરણે 2% વધીને $234 બિલિયન (આશરે રૂ. 19.5 લાખ કરોડ) થઈ છે.
| દેશ | મે માં ખરીદી |
| સ્વિટ્ઝર્લૅન્ડ | 2,461 કરોડ રૂ |
| ચીન | 2,109 કરોડ |
| ભારત | 722 કરોડ |
| જર્મની | 556 કરોડ |
| દક્ષિણ આફ્રિકા | 459 કરોડ |
| આયર્લેન્ડ | 459 કરોડ |
| જાપાન | 376 કરોડ |
| ફ્રાન્સ | 247 કરોડ |
| તુર્કી | 107 કરોડ |
