News Updates
NATIONAL

2 અગ્નિવીરના મોત નાશિકની આર્ટિલરી સ્કૂલમાં:ફાયરિંગ પ્રેક્ટિસ દરમિયાન શેલ બ્લાસ્ટ થયો હતો, કોર્ટ ઓફ ઈન્ક્વાયરી શરૂ

Spread the love

મહારાષ્ટ્રના નાસિક જિલ્લામાં આર્ટિલરી સેન્ટરમાં ફાયરિંગ પ્રેક્ટિસ દરમિયાન ભારતીય ફિલ્ડ ગનમાંથી એક શેલ ફાટતાં બે અગ્નિવીરોના મોત થયા હતા. આ દુર્ઘટના ગુરુવારે (9 ઓક્ટોબર) બપોરે નાશિક રોડ વિસ્તારમાં આર્ટિલરી સેન્ટરમાં થઈ હતી.

અધિકારીઓએ જણાવ્યું કે, આ ઘટનામાં અગ્નિવીર ગોહિલ વિશ્વરાજ સિંહ (ઉં.વ.20) અને સૈફત શિત (ઉં.વ.21)નું મોત થયું છે. આ ઘટના ત્યારે બની જ્યારે ફાયર ફાઈટર્સની ટીમ તોપમાંથી ફાયરિંગ કરી રહી હતી, ત્યારે જ એક શેલમાં બ્લાસ્ટ થયો હતો.

અધિકારીએ કહ્યું કે, વિશ્વરાજ અને સૈફત ગંભીર રીતે ઘાયલ થયા છે. તેને તાત્કાલિક દેવલાલીની એમએચ હોસ્પિટલ લઈ જવામાં આવ્યો હતો. જ્યાં તબીબોએ બંનેને મૃત જાહેર કર્યા હતા.

અધિકારીએ જણાવ્યું કે, હવાલદાર અજીત કુમારની ફરિયાદના આધારે દેવલાલી કેમ્પ પોલીસમાં અકસ્માત મોતનો કેસ નોંધવામાં આવ્યો છે. આ મામલે વધુ તપાસ હાથ ધરી છે.

ઘટનાને લઈને NCP નેતા સુપ્રિયા સુલેએ ટ્વિટર પર લખ્યું- નાસિકના એક આર્ટિલરી સેન્ટરમાં ટ્રેનિંગ દરમિયાન વિસ્ફોટમાં બે અગ્નિવીરના મોત થયા, આ ઘટના ખૂબ જ દુઃખદ છે. આ બંને સૈનિકોને હૃદયપૂર્વક શ્રદ્ધાંજલિ, અમે બધા બંને સૈનિકોના પરિવારના દુઃખમાં સહભાગી છીએ. સંરક્ષણ મંત્રાલયે આ બંને જવાનોને શહીદનો દરજ્જો આપવો જોઈએ અને તેનો લાભ તેમના પરિવારોને આપવો જોઈએ.

એક અઠવાડિયા પહેલા, 4 ઓક્ટોબરે અગ્નિવીરનું આગ ઓલવવા માટે મોક ડ્રિલ દરમિયાન મૃત્યુ થયું હતું. આ અકસ્માત રાજસ્થાનના ભરતપુરમાં થયો હતો. અગ્નિવીર સૌરભ આર્મી એરિયા 103 એડી બટાલિયનમાં તૈનાત હતા. ટ્રેનિંગ કેમ્પમાં ફાયર મોક ડ્રીલ દરમિયાન સૌરભે સિલિન્ડર ઊંધો ફેંક્યો અને તે ધડાકા સાથે ફાટ્યો. સિલિન્ડરના ટુકડા જવાનની છાતી પર વાગ્યા હતા. તેને હોસ્પિટલમાં લઈ જવામાં આવ્યો, જ્યાં થોડા કલાકો પછી તેનું મૃત્યુ થયું.


Spread the love

Related posts

ટ્રેનના એન્જિન સાથે માથું અથડાતા છોકરાનું મોત, જુઓ વીડિયો:પ્લેટફોર્મ પર ટ્રેકની બાજુમાં હાથ ધોતો હતો અને ટ્રેનની અડફેટે આવી ગયો

Team News Updates

જ્ઞાનવાપીનાં વધુ બે ભોંયરા ખોલવા અરજી દાખલ:હિન્દુ પક્ષની રાખી સિંહનો દાવો, ASI સર્વેની માગ; આજે સુનાવણી

Team News Updates

કેરળમાં ટૂરિસ્ટ બોટ પલટી, 21નાં મોત:મલપ્પુરમમાં દુર્ઘટના, મૃતકોમાં મોટાભાગનાં બાળકો અને મહિલાઓ; રેસ્ક્યૂ ઓપરેશન શરૂ

Team News Updates