આ મહિનાની છેલ્લી તારીખ એટલે કે 31મી જુલાઈએ 3 જરૂરી કામ કરવાની છેલ્લી તારીખ છે. આ મહિને તમારે આવકવેરા રિટર્ન ફાઇલ કરવા અને પીએમ ફસલ વીમા યોજના માટે નોંધણી કરવા જેવાં કાર્યોનો સામનો કરવો પડશે. અમે તમને એવાં 3 કામ વિશે જણાવી રહ્યા છીએ જે તમારે 31 જુલાઈ સુધીમાં પૂર્ણ કરવાનાં છે.
1. આવકવેરા રિટર્ન ફાઇલ કરો, નહીં તો તમારે દંડ ભરવો પડશે
નાણાકીય વર્ષ 2022-23 (અસેસમેન્ટ યર 2023-24) માટે આવકવેરા રિટર્ન ફાઇલ કરવાની છેલ્લી તારીખ 31 જુલાઈ, 2023 છે. જો 31 જુલાઈ પછી ITR ફાઈલ કરશે તો લેટ ફી ચૂકવવી પડશે. CA આનંદ જૈન સમજાવે છે કે 31 જુલાઈ પછી ITR ફાઈલ કરનારા કરદાતાઓએ લેટ ફી ચૂકવવી પડશે.
જો વ્યક્તિગત કરદાતાની વાર્ષિક આવક 5 લાખ રૂપિયાથી વધુ હોય તો તેણે 5000 રૂપિયાની લેટ ફી ચૂકવવી પડશે. જો કરદાતાની વાર્ષિક આવક 5 લાખ રૂપિયાથી ઓછી હોય તો તેણે લેટ ફી તરીકે 1000 રૂપિયા ચૂકવવા પડશે.
2. પ્રધાનમંત્રી ફસલ વીમા યોજના માટે નોંધણી
દેશમાં અનેક જગ્યાએ પૂરના કારણે પાકને નુકસાન થયું છે. આ સંજોગોમાં, પ્રધાનમંત્રી ફસલ વીમા યોજના (PMFBY) ખેડૂતો માટે ખૂબ ઉપયોગી થઈ શકે છે. પ્રધાનમંત્રી ફસલ વીમા યોજના હેઠળ ખેડૂતો તેમના પાકનો વીમો મેળવીને આર્થિક નુકસાનથી બચી શકે છે. PMFBY માટે નોંધણી કરવાની છેલ્લી તારીખ 31 જુલાઈ છે.
રજિસ્ટ્રેશન ઓનલાઈન અથવા ઓફલાઈન થઈ શકે છે. પ્રધાનમંત્રી ફસલ વીમા યોજના હેઠળ નોંધણી કરાવવા માટે, તમે તમારી નજીકની બેંક શાખા, સહકારી બેંક લિમિટેડ, જાહેર સેવા કેન્દ્ર, અધિકૃત વીમા કંપનીનો સંપર્ક કરી શકો છો અથવા pmfby.gov.in પર ઑનલાઇન અરજી કરી શકો છો. નોંધણી માટે, ખેડૂતોએ તેમની સાથે ખાતેદાર કાર્ડ, આઈડી કાર્ડ (આધાર, પાન, મતદાર આઈડી, ડ્રાઈવિંગ લાઇસન્સ) અને બેંક પાસબુક લાવવાની રહેશે.
3. IGNOUમાં પ્રવેશ અને પુન: નોંધણી
ઈન્દિરા ગાંધી નેશનલ ઓપન યુનિવર્સિટી (IGNOU) એ જુલાઈ 2023 સત્ર માટે નવા પ્રવેશ અને પુન: નોંધણી 31 જુલાઈ સુધી લંબાવી છે. જેમણે હજુ સુધી તેના માટે અરજી કરી નથી તેઓ ઓપન એન્ડ ડિસ્ટન્સ લર્નિંગ (ODL) પ્રોગ્રામ માટે IGNOUની સત્તાવાર વેબસાઇટ ignou.ac.in અથવા ignouadmission.samarth.edu.in પર જઈને નોંધણી કરાવી શકે છે.
