News Updates
ENTERTAINMENT

રોહિત શેટ્ટીના ‘કોપ યુનિવર્સ’ની પાંચમી ફિલ્મનું શૂટિંગ શરૂ:’સિંઘમ અગેઇન’ના સેટ પર યોજાઈ પૂજા, અજય દેવગન, રણવીર સિંહ રહ્યા હાજર

Spread the love

અજય દેવગનની ફિલ્મ ‘સિંઘમ અગેઈન’નું શૂટિંગ શરૂ થઈ ગયું છે. ફિલ્મના મુહૂર્ત પ્રસંગે દિગ્દર્શક રોહિત શેટ્ટી, અજય દેવગન અને રણવીર સિંહ હાજર રહ્યા હતા. રોહિત શેટ્ટીની ‘કોપ યુનિવર્સ’માં આ પાંચમી ફિલ્મ હશે.

આ યુનિવર્સની પહેલી ફિલ્મ સિંઘમ 2011માં રિલીઝ થઈ હતી. આ પછી ‘સિંઘમ રિટર્ન્સ’, ‘સિમ્બા’ અને ‘સૂર્યવંશી’ જેવી ફિલ્મો આવી. રોહિત શેટ્ટીએ કહ્યું કે તેણે 12 વર્ષ પહેલા સિંઘમ બનાવી હતી. તે સમયે મેં વિચાર્યું ન હતું કે એક દિવસ તે કોપ યુનિવર્સનું સ્વરૂપ લેશે.

અજય દેવગણે લખ્યું- સિંઘમ પરિવાર સમયની સાથે મોટો થતો ગયો.
ફિલ્મના મુખ્ય અભિનેતા અજય દેવગને સોશિયલ મીડિયા પર લખ્યું, ’12 વર્ષ પહેલા અમે ભારતીય સિનેમાને સૌથી મોટો કોપ યુનિવર્સ આપ્યો હતો. તમારા પ્રેમ અને સમર્થનથી સિંઘમ પરિવાર મોટો થયો. આજે અમે સિંઘમ અગેન સાથે અમારી ફ્રેન્ચાઈઝીને આગળ લઈ જઈ રહ્યા છીએ’.

અક્ષયે કહ્યું- હું સેટ પર ન હોવો મિસ કરી રહ્યો છું
‘સૂર્યવંશી’ અભિનેતા અક્ષય કુમારે લખ્યું, ‘હું આ સમયે દેશમાં નથી. હું પણ આ ફ્રેમમાં ન હોવાનો અભાવ અનુભવું છું. જોકે મારા ઉત્સાહમાં કમી નથી. હું સેટ પર તમારી સાથે જોડાવા માટે ખૂબ જ ઉત્સાહિત છું. આપ સૌને મારી શુભકામનાઓ મોકલી રહ્યો છું. જય મહાકાલ’.

હું ફરીથી સિમ્બાનું પાત્ર ભજવવા તૈયાર છું – રણવીર
સિમ્બા એટલે કે રણવીર સિંહે લખ્યું-‘ શુભારંભ, હું રોહિત શેટ્ટી કોપ યુનિવર્સમાં ફરીથી મારું લોકપ્રિય પાત્ર ભજવવા માટે તૈયાર છું. તમારા બધાના પ્રેમ અને આશીર્વાદની જરૂર છે’.

12 વર્ષ પહેલાં મેં ક્યારેય વિચાર્યું ન હતું કે એક દિવસ કોપ યુનિવર્સનું નિર્માણ થશે – ડિરેક્ટર રોહિત શેટ્ટી
ફિલ્મના દિગ્દર્શક રોહિત શેટ્ટીએ લખ્યું ,’સિંઘમ’, ‘સિંઘમ રિટર્ન્સ’, ‘સિમ્બા’ અને ‘સૂર્યવંશી’. જ્યારે અમે 12 વર્ષ પહેલા સિંઘમ બનાવી હતી, ત્યારે અમે ક્યારેય વિચાર્યું ન હતું કે એક દિવસ તે કોપ યુનિવર્સનું સ્વરૂપ લેશે.

આજે અમે અમારી કોપ ફ્રેન્ચાઇઝીની પાંચમી ફિલ્મ ‘સિંઘમ અગેઇન’નું શૂટિંગ શરૂ કરી રહ્યા છીએ. બસ તમારા પ્રેમ અને પ્રાર્થનાની જરૂર છે’.


Spread the love

Related posts

એશિયા કપ માટે ટીમ ઈન્ડિયાની જાહેરાત:રાહુલ-બુમરાહ અને શ્રેયસનું કમબેક, ચહલ ટીમમાંથી આઉટ; તિલકને મળ્યું સ્થાન, સેમસન સ્ટેન્ડબાય પ્લેયર

Team News Updates

સાથે કામ કરવાની પ્રીમિયમ ફી લે છે રણવીર-દીપિકા:દીપિકા એકલી જ દરેક ફિલ્મ માટે 15 કરોડ જેટલી માતબર ફી વસુલે છે, અનેક બ્રાન્ડની છે એમ્બેસેડર

Team News Updates

જેકી શ્રોફ ટોકીઝની બહાર મગફળી વેચતા:માએ સાડી વેચીને 10મા ધોરણ સુધી ભણાવ્યા, બસ સ્ટોપ પર ઊભા હતા ત્યારે મોડેલિંગનો પહેલો પ્રોજેક્ટ મળેલો

Team News Updates