News Updates
BUSINESS

શેરબજાર ઓલ ટાઈમ હાઈ:સેન્સેક્સ પહેલીવાર 70 હજારને પાર, નિફ્ટીએ પણ 21,019ની હાઈ સપાટી બનાવી

Spread the love

શેરબજારે આજે એટલે કે સોમવારે (11 ડિસેમ્બર) ફરી એકવાર નવી ઓલ ટાઈમ હાઈ બનાવી છે. ટ્રેડિંગ દરમિયાન સેન્સેક્સ પ્રથમ વખત 70 હજારને પાર કરીને 70,048ના સ્તરને સ્પર્શ્યો હતો. નિફ્ટી પણ 21,019ના સ્તરને સ્પર્શ્યો હતો. અગાઉ શુક્રવાર (8 ડિસેમ્બર)ના રોજ પણ શેરબજારે ઓલ ટાઈમ હાઈ બનાવ્યું હતું.

આજે સેન્સેક્સ 100 પોઈન્ટના ઉછાળા સાથે 69,925 પર ખૂલ્યો હતો. નિફ્ટીમાં પણ 82 પોઈન્ટનો ઉછાળો જોવા મળ્યો હતો, તે 20,965ના સ્તરે ખૂલ્યો હતો. શરૂઆતના ટ્રેડિંગ દરમિયાન સેન્સેક્સના 30 શેરોમાંથી 17માં વધારો અને 13માં ઘટાડો જોવા મળ્યો હતો.

1990માં, BSE સેન્સેક્સ પ્રથમ વખત 1 હજારની સપાટીને સ્પર્શ્યો હતો
25 જુલાઈ, 1990ના રોજ, BSE સેન્સેક્સ પ્રથમ વખત 1 હજારના સ્તરને સ્પર્શ્યો હતો. 1 હજારથી 10 હજાર સુધી પહોંચવામાં લગભગ 16 વર્ષ લાગ્યાં (6 ફેબ્રુઆરી 2006). પરંતુ 10 હજારથી 70 હજાર સુધીની સફર માત્ર 17 વર્ષમાં પૂર્ણ થઈ હતી.

BSE 24 સપ્ટેમ્બર 2021ના રોજ 60 હજારના સ્તરને સ્પર્શી ગયો હતો

સ્તરક્યારે પહોંચ્યો
1,00025 જુલાઈ 1990
10,0006 ફેબ્રુઆરી 2006
20,00029 ઓક્ટોબર 2007
30,0004 માર્ચ 2015
40,00023 મે 2019
50,00021 જાન્યુઆરી 2021
60,00024 સપ્ટેમ્બર 2021
70,00011 ડિસેમ્બર 2023

ગ્લોબલ બજારોમાં મજબૂતી રહી
ગ્લોબલ બજારોમાંથી સારા સંકેતો, એશિયામાં મજબૂતી જોવા મળી રહી છે. શુક્રવારે અમેરિકન બજારોમાં તેજી રહી હતી. S&P 500 ઇન્ડેક્સ સતત છઠ્ઠા સપ્તાહે તેજી સાથે આ વર્ષે નવી ટોચે પહોંચ્યો. સતત 6 દિવસના ઘટાડા બાદ ક્રૂડમાં રિકવરી આવી છે. કિંમત 2% થી વધુ વધીને લગભગ $76 થઈ ગઈ છે.

આ પહેલા શુક્રવારે બજારે ઓલ ટાઈમ હાઈ રહ્યું હતું
આ પહેલા શુક્રવારે (8 ડિસેમ્બર) શેરબજારે ઓલ ટાઈમ હાઈ બનાવ્યું હતું. ટ્રેડિંગ દરમિયાન, સેન્સેક્સ 69,893.80 ના સ્તરને સ્પર્શ્યો, જ્યારે નિફ્ટી 21,006.10 ના સ્તર પર પહોંચ્યો. જોકે, ટ્રેડિંગના અંતે સેન્સેક્સ 303.91 પોઈન્ટ વધીને 69,825.60 પર બંધ થયો હતો. તેમજ નિફ્ટી પણ 68.25 પોઈન્ટ વધીને 20,969.40 ના સ્તરે બંધ રહ્યો હતો. સેન્સેક્સના 30 શેરોમાંથી 19 વધી રહ્યા હતા અને 11માં ઘટાડો રહ્યો હતો.


Spread the love

Related posts

મહારાષ્ટ્ર સ્થિત આ કંપનીએ અમદાવાદમાં ખરીદ્યો પ્લોટ, 120 કરોડની કરી કમાણી, શેર બન્યો રોકેટ

Team News Updates

અનિલ અંબાણીની વધુ એક કંપની વેચાશે! ટોચનું આ બિઝનેસ ગ્રુપ ખરીદવા માટે એકત્ર કરી રહ્યું છે પૈસા

Team News Updates

મુકેશ અંબાણીને એક લવરમૂછિયો ધમકી આપતો હતો:તેલંગાણામાંથી 19 વર્ષનો છોકરો અરેસ્ટ; ખોટા નામનો ઉપયોગ કર્યો, ઇ-મેઇલમાં 400 કરોડની ડિમાન્ડ કરેલી

Team News Updates