News Updates
ENTERTAINMENT

‘કભી ખુશી કભી ગમ’ ફિલ્મના 22 વર્ષ પૂર્ણ:કરન જોહર સેટ પર બેહોશ થઈ ગયો, કાજોલે શેર કર્યા રસપ્રદ કિસ્સાઓ

Spread the love

આજે 14મી ડિસેમ્બર એટલે કે ફિલ્મ ‘કભી ખુશી કભી ગમ’ને 22 વર્ષ પૂરા થયા છે. આ ખાસ અવસર પર કાજોલ અને ફિલ્મમેકર કરન જોહરે સોશિયલ મીડિયા પર એક પોસ્ટ શેર કરી છે. કાજોલે ફિલ્મની કેટલીક તસવીરો અને યાદોથી ભરેલી એક નોટ લખી છે.

તેણે લખ્યું- એક જૂની સુંદર યાદ! ‘કભી ખુશી કભી ગમ’ના શૂટિંગ માટે યશ અંકલે ફિલ્મીસ્તાન સ્ટુડિયોમાં નવા મેક-અપ રૂમ બનાવ્યા હતા કારણ કે ફિલ્મની મોટી સ્ટાર કાસ્ટ માટે મેક-અપ રૂમની અછત હતી. ફિલ્મના શૂટિંગના શરૂઆતના થોડા દિવસો દરમિયાન ફિલ્મમેકર કરન જોહર ગરમીને કારણે બેભાન થઈ ગયો હતો. શાહરૂખ ખાનના પુત્ર આર્યનની આ ડેબ્યુ ફિલ્મ હતી!

કરીના કપૂર ‘પૂ’ના પાત્રથી ખૂબ જ લોકપ્રિય બની હતી.
‘કભી ખુશી કભી ગમ’ બોલિવૂડની આઇકોનિક ફિલ્મોમાંથી એક છે. આ ફિલ્મમાં શાહરૂખ ખાન-કાજોલની જોડી લોકોને ખૂબ પસંદ આવી હતી. અમિતાભ બચ્ચન અને જયા બચ્ચન સાથે જોવા મળ્યા હતા. ‘પૂ’ના રોલમાં હૃતિક રોશન અને કરીના કપૂરના પણ ખૂબ વખાણ થયા હતા. તે ઘણી બધા ઈમોશન સાથેની ફેમિલી ડ્રામા ફિલ્મ હતી.

આ ખાસ અવસર પર ફિલ્મમેકર કરન જોહરે પણ પોતાના સોશિયલ મીડિયા એકાઉન્ટ પર ફિલ્મનો વીડિયો શેર કરીને પોતાની ખુશી વ્યક્ત કરી હતી. તેણે ‘કભી ખુશી કભી ગમ’ની સ્ટાર કાસ્ટનો આભાર માન્યો હતો.

‘કભી ખુશી કભી ગમ’ સાથે જોડાયેલી કેટલીક રસપ્રદ વાતો

  • ‘કભી ખુશી કભી ગમ’ વર્ષ 2001ની બીજી સૌથી વધુ કમાણી કરનારી ફિલ્મ હતી.
  • કરીના કપૂરના એન્ટ્રી સીનમાં બ્રિટિશ ગીત ‘ઈટ્સ રેઈનિંગ મેન’નો ઉપયોગ કરવામાં આવ્યો હતો. જોકે, નિર્માતાએ આ માટે પરવાનગી લીધી ન હતી. બાદમાં, ગીતના મૂળ નિર્માતાઓએ ફિલ્મ વિરુદ્ધ કેસ દાખલ કર્યો, જે યુકેની કોર્ટમાં ગયો અને ધર્મા પ્રોડક્શનને નુકસાની ચૂકવવાનો આદેશ આપવામાં આવ્યો.
  • આમિર ખાને કરન જોહરના શો ‘કોફી વિથ કરન’માં કહ્યું હતું કે જ્યારે તેણે સ્પેશિયલ સ્ક્રીનિંગ દરમિયાન ‘કભી ખુશી કભી ગમ’ જોયું તો તેને પસંદ ન આવ્યું. આખી કાસ્ટ ત્યાં હાજર હતી, પરંતુ ફિલ્મ પૂરી થતાં જ તેઓ કોઈને પણ અભિનંદન આપ્યા વિના ત્યાંથી નીકળી ગયા. તેણે તે સમયે કરન અને શાહરૂખની પણ અવગણના કરી હતી. જોકે, શો દરમિયાન તેણે કરનની માફી પણ માંગી હતી.

જોકે આ ફિલ્મમાં અચલા સચદેવે અમિતાભ બચ્ચનની માતાનો રોલ કર્યો હતો. પરંતુ શું તમે જાણો છો કે આ પાત્ર માટે પહેલી પસંદ વહીદા રહેમાન હતી. આ ફિલ્મ માટે વહીદા રહેમાનને કાસ્ટ કરવામાં આવી હતી. તેણે કેટલાક સીન પણ શૂટ કર્યા હતા. પરંતુ આ દરમિયાન તેના પતિ કમલજીતનું અવસાન થયું અને તેણે ફિલ્મ છોડી દીધી.

આ ફિલ્મના કેમિયો માટે અભિષેક બચ્ચને શૂટિંગ કર્યું હતું. જોકે, બાદમાં તેણે ડિરેક્ટર કરન જોહરને આ સીનને ફાઈનલ કોપીમાંથી હટાવવા માટે કહ્યું હતું.


Spread the love

Related posts

વિદ્યુત જામવાલે ગોલ્ડન ટેમ્પલમાં વાસણો સાફ કર્યાં:લોકોએ વખાણ કર્યા, કહ્યું, ‘ગોલ્ડન ટેમ્પલમાં ગોલ્ડન હાર્ટ ધરાવતો માણસ’

Team News Updates

ચેન્નાઈ સુપર કિંગ્સના ડ્રેસિંગ રુમમાં ગૂંજયુ ‘વિરાટ-વિરાટ’, જાણો શું કહ્યું કેપ્ટન ધોનીએ?

Team News Updates

IPLનું ગણિત, ગુજરાત પ્લેઓફથી એક જીત દૂર:4 પોઝિશન માટે 10 ટીમ રેસમાં; KKR-SRH-DCએ તમામ મેચ જરૂરી

Team News Updates