News Updates
ENTERTAINMENT

ભારતીય ખેલાડીઓએ તો રેકોર્ડ્સની હારમાળા સર્જી:બુમરાહ માલકોમ માર્શલ કરતા આગળ નીકળ્યો; અશ્વિને ઇંગ્લેન્ડ સામે સૌથી વધુ વિકેટ ઝડપી

Spread the love

ભારતે ઇંગ્લેન્ડ સામેની ટેસ્ટ શ્રેણીની બીજી મેચ 106 રને જીતી લીધી છે. 399 રનના ટાર્ગેટને ચેઝ કરવા ઉતરેલી ટીમ ઈન્ડિયાએ ઇંગ્લેન્ડને બીજા દાવમાં 292 રનમાં ઓલઆઉટ કરી દીધી હતી. વિશાખાપટ્ટનમમાં ભારતે પહેલી ઇનિંગમાં 396 રન બનાવ્યા હતા અને ઇંગ્લેન્ડને 253 રનમાં ઓલઆઉટ કરીને 143 રનની લીડ મેળવી હતી. આ પછી ટીમ ઈન્ડિયાએ બીજી ઇનિંગમાં 255 રન બનાવ્યા અને 399 રનનો ટાર્ગેટ આપ્યો.

આ દરમિયાન ઘણા રેકોર્ડ અને રસપ્રદ ફેક્ટ્સ જોવા મળ્યા. આર અશ્વિન બીજી ઇનિંગમાં 3 વિકેટ લીધા બાદ ઇંગ્લેન્ડ સામેની ટેસ્ટમાં સૌથી વધુ વિકેટ લેનાર ભારતીય બોલર બન્યો હતો. તો ફાસ્ટ બોલર જસપ્રીત બુમરાહ સૌથી ઝડપી 150 વિકેટ લેનાર ભારતીય બોલર બની ગયો છે. આ દરમિયાન યશસ્વી જયસ્વાલે બેવડી સદી ફટકારી હતી. આવું કરનાર તે ત્રીજો ભારતીય યુવા બેટર બન્યો.

1. જયસ્વાલ બેવડી સદી ફટકારનાર ત્રીજો સૌથી યુવા ભારતીય બેટર
યશસ્વી જયસ્વાલ ભારત માટે સદી ફટકારનાર ત્રીજા સૌથી યુવા ભારતીય ખેલાડી બની ગયો છે. તેની પહેલા 1993માં 21 વર્ષ 35 દિવસની ઉંમરે વિનોદ કાંબલી અને 1971માં 21 વર્ષ 283 દિવસની ઉંમરે સુનીલ ગાવસ્કરે આ સિદ્ધિ મેળવી હતી.

કાંબલીએ સૌથી નાની વયે બે વખત બેવડી સદી ફટકારી હતી. પ્રથમ બેવડી સદી તેણે 21 વર્ષ 35 દિવસની ઉંમરે અને પછી 21 વર્ષ 55 દિવસની ઉંમરે ફટકારી હતી.

2. ભારતીય બોલરોમાં બુમરાહની 150+ વિકેટની એવરેજ સર્વશ્રેષ્ઠ
જસપ્રીત બુમરાહે ઇંગ્લેન્ડ સામેની બીજી ટેસ્ટમાં 150 વિકેટ પૂરી કરી હતી. બુમરાહ 150+ વિકેટ લેનારાઓની યાદીમાં સર્વશ્રેષ્ઠ સરેરાશ સાથે બીજા સ્થાને છે. તેની એવરેજ 20.28 છે.

ઇંગ્લેન્ડના સિડની બર્ન્સ પ્રથમ ક્રમે છે. બર્ન્સે 1901થી 1914 દરમિયાન ઇંગ્લેન્ડ માટે ટેસ્ટ ક્રિકેટ રમ્યા હતા અને તેમની સરેરાશ 16.43ની રહી છે.

3. આર અશ્વિન ઇંગ્લેન્ડ સામે સૌથી વધુ વિકેટ લેનાર ભારતીય
રવિ અશ્વિને ઇંગ્લેન્ડ વિરુદ્ધ બીજી ઇનિંગમાં 3 વિકેટ ઝડપી હતી. તેણે બેન ડકેટ, ઓલી પોપ અને જો રૂટને પેવેલિયનમાં મોકલ્યા હતા. પોપની વિકેટ સાથે, તે ઇંગ્લેન્ડ સામે સૌથી વધુ વિકેટ લેનાર ભારતીય સ્પિનર ​​બની ગયો. તેની પાસે હવે 21 ટેસ્ટમાં 97 વિકેટ છે. તેણે બીએસ ચંદ્રશેખરને પાછળ છોડી દીધા છે, જેમણે 23 ટેસ્ટમાં 95 વિકેટ ઝડપી છે.

4. બુમરાહ સૌથી ઓછા બોલમાં 150 વિકેટ લેનારો ભારતીય
જસપ્રીત બુમરાહ સૌથી ઓછા બોલમાં 150 વિકેટ ઝડપનાર સૌથી ઝડપી ભારતીય બન્યો હતો. તેણે 6781 બોલમાં એટલે કે 1130.1 ઓવરમાં 150 વિકેટ પૂરી કરી. આ પહેલાં આ રેકોર્ડ ઉમેશ યાદવના નામે હતો. તેણે 7661 બોલમાં 150 વિકેટ પૂરી કરી હતી.

5. ઈન્ડિયામાં નંબર-3 પોઝિશન પર 7 વર્ષ પછી ભારતીય બેટરની સદી
આ મેચમાં શુભમન ગિલે નંબર 3 પર બેટિંગ કરી હતી અને 104 રનની સદીની ઇનિંગ રમી હતી. તેણે 12 ઇનિંગ્સ અને 11 મહિના પછી સદી ફટકારી હતી. તેણે છેલ્લી સદી 9 માર્ચ 2023ના રોજ ઓસ્ટ્રેલિયા સામે ફટકારી હતી. આ પછી તેણે ઓસ્ટ્રેલિયા, વેસ્ટ ઈન્ડિઝ, સાઉથ આફ્રિકા અને ઇંગ્લેન્ડ સામે કુલ 12 ઇનિંગ્સ રમી. આમાં, તે સદી ફટકારી શક્યો ન હતો, આ દરમિયાન તેનો શ્રેષ્ઠ સ્કોર 36 રન પણ હતો.

ગિલ 7 વર્ષ બાદ ભારતમાં નંબર-3 પોઝિશન પર સદી ફટકારનાર પહેલો ભારતીય બેટર બન્યો છે. તેની પહેલા ચેતેશ્વર પૂજારાએ આ જ મેદાન પર સદી ફટકારી હતી.


Spread the love

Related posts

ગૌરીએ શાહરૂખને નાઈટ પર્સન કહ્યો:કહ્યું,’અમારા ઘરમાં બધા અડધી રાત સુધી જાગતા હોય છે, હું પોતે સવારે 10 વાગ્યે જાગું છું’

Team News Updates

સૈફ અલી ખાને રાવણ બની લીધો પાયથોન મસાજ:ખરાબ વીએફએક્સ માટે ‘આદિપુરુષ’ ફિલ્મને ટ્રોલ કરવામાં આવી, યુઝર્સે ફિલ્મ જોયા બાદ કહ્યું,’પૈસા પરત કરો’

Team News Updates

નીતિન દેસાઈ પર ₹250 કરોડનું દેવું હતું:એનડી સ્ટુડિયોને સીલ થવાની શક્યતા હતી, પોલીસને મોબાઈલમાંથી મળેલી ઓડિયો ક્લિપમાં 4 લોકોનો ઉલ્લેખ છે

Team News Updates