News Updates
BUSINESS

મુકેશ અંબાણી ભારતની સૌથી ધનાઢ્ય વ્યક્તિ બન્યા:ફોર્બ્સની રિયલ ટાઈમ બિલિયોનેર્સની યાદીમાં 10મી સૌથી અમીર વ્યક્તિ; નેટવર્થ રૂ. 9.45 લાખ કરોડ પહોંચી

Spread the love

રિલાયન્સ ઈન્ડસ્ટ્રીઝના ચેરમેન મુકેશ અંબાણી દુનિયાના ટોપ 10 અમીર લોકોની યાદીમાં સામેલ થઈ ગયા છે. ફોર્બ્સની રિયલ ટાઈમ બિલિયોનેર્સ લિસ્ટ મુજબ, મુકેશ અંબાણીની કુલ સંપત્તિ હવે $114 બિલિયન (આશરે રૂ. 9.45 લાખ કરોડ) થઈ ગઈ છે. તેમણે સર્ગેઈ બ્રિનને હરાવીને ટોપ 10માં જગ્યા બનાવી લીધી છે.

ફ્રેન્ચ અબજોપતિ અને લૂઈસ વીટન મોટ હેનેસી (LVMH)ના CEO બર્નાર્ડ આર્નોલ્ટ આ યાદીમાં ટોચ પર છે. આર્નોલ્ટની નેટવર્થ હાલમાં 222 બિલિયન ડોલર (આશરે રૂ. 18.60 લાખ કરોડ) છે. ટેસ્લાના સીઈઓ એલોન મસ્ક આ યાદીમાં બીજા સ્થાને છે.

5 વર્ષમાં મુકેશ અંબાણીની નેટવર્થ ત્રણ ગણી થઈ
છેલ્લા કેટલાક વર્ષોમાં મુકેશ અંબાણીની સંપત્તિમાં જબરદસ્ત વધારો જોવા મળી છે. 5 વર્ષમાં તેમની નેટવર્થ 36 બિલિયન ડૉલર (આશરે રૂ. 2.89 લાખ કરોડ)થી વધીને 114 બિલિયન ડૉલર (લગભગ રૂ. 9.45 લાખ કરોડ) થઈ ગઈ છે. એટલે કે 5 વર્ષમાં અંબાણીની નેટવર્થ બમણીથી વધુ વધી છે.

છેલ્લા 5 વર્ષમાં મુકેશ અંબાણીની નેટવર્થ આ રીતે વધી છે

વર્ષનેટવર્થ
20249.45 લાખ કરોડ
20236.91 લાખ કરોડ
20227.51 લાખ કરોડ
20217.00 લાખ કરોડ
20203.06 લાખ કરોડ

સ્ત્રોત: ફોર્બ્સ

ગૌતમ અદાણી વિશ્વના 16મી સૌથી અમીર વ્યક્તિ
અદાણી ગ્રુપના ચેરપર્સન ગૌતમ અદાણી ફોર્બ્સની રિયલ ટાઈમ બિલિયોનેર્સની યાદીમાં 16માં નંબરે છે. ગૌતમ અદાણીની નેટવર્થ 84 બિલિયન ડોલર (આશરે રૂ. 69.6 લાખ કરોડ) છે. આ યાદીમાં ટોપ 20માં માત્ર 2 ભારતીય છે.


Spread the love

Related posts

ઈઝરાયેલના રણમાં થાય છે મત્સ્યપાલન, માછીમારી દ્વારા કરે છે લાખોની કમાણી, જાણો કેવી રીતે કરે છે મત્સ્ય ઉછેર

Team News Updates

ગોદરેજ ગ્રુપના ભાગલા થયા 127 વર્ષ જૂનાં :આદિ-નાદિર ગોદરેજને લિસ્ટેડ ઇન્ડસ્ટ્રીઝ મળશે અને કઝિન જમશેદ-સ્મિતાને નોન-લિસ્ટેડ કંપનીઓ મળશે

Team News Updates

શેર બજારમાં તેજી છેલ્લા કલાકમાં જોરદાર ખરીદીને કારણે,Nifty પહેલીવાર 26,000 તો સેન્સેક્સ 85,000ની હદ વટાવી

Team News Updates