News Updates
INTERNATIONAL

માત્ર ભારતમાં જ નહીં PM મોદીના મિત્રના દેશમાં પણ સરકાર સામે ખેડૂતોએ બાયો ચઢાવી, જાણો શું છે માગ ?

Spread the love

આ દેશમાં ખેડૂતોએ મોટી સંખ્યામાં ટ્રેક્ટર ચલાવ્યા હતા. આ પ્રદર્શન દેશના ખેડૂતો દ્વારા કરવામાં આવી રહ્યું છે. ખેડૂતોનું કહેવું છે કે તેના કારણે તેમનું અનાજ ઘણું સસ્તું વેચાઈ રહ્યું છે. આ બાબતને લઈને રાષ્ટ્રીય કૃષિ મેળો શરૂ કરતા પહેલા ખેડૂત સંગઠનો સાથે બેઠક યોજવાની વાત કરી છે.

13 ફેબ્રુઆરીએ દેશના ખેડૂતોએ લઘુત્તમ ટેકાના ભાવની માંગણી સાથે દિલ્હી સુધી કૂચ કરવાની જાહેરાત કરી હતી, ત્યારબાદ સ્થિતિ વધુ વણસી રહી છે. ખેડૂતો પંજાબ-હરિયાણા બોર્ડર પર પડાવ નાખી રહ્યા છે, જ્યાંથી તેમને દિલ્હી જવાની મંજૂરી આપવામાં આવી રહી નથી. હાલમાં માત્ર ભારતમાં જ નહીં પરંતુ યુરોપના અનેક દેશોમાં ખેડૂતો મોટી સંખ્યામાં વિરોધ કરી રહ્યા છે.

હાલમાં જ ફ્રાન્સમાં પણ ખેડૂતોનું આંદોલન ચરમસીમાએ પહોંચ્યું છે, જેને રોકવા માટે રાષ્ટ્રપતિ ઈમેન્યુઅલ મેક્રોને ખેડૂતો સાથે બેઠક કરવાની વાત કરી હતી, પરંતુ પછી આ બેઠકનો કાર્યક્રમ રદ કરી દીધો હતો, જેના પછી ખેડૂતોમાં રોષ જોવા મળી રહ્યો છે.

ખેડૂતોએ ફ્રાન્સના રાષ્ટ્રપતિ ઈમેન્યુઅલ મેક્રોન પર દબાણ બનાવવાનું શરૂ કરી દીધું છે. તેઓએ ખાદ્ય આયાત અને યુરોપિયન યુનિયનની પર્યાવરણીય નીતિઓ સામે પણ વિરોધ ઉગ્ર બનાવ્યો છે. 23 ફેબ્રુઆરીએ સેન્ટ્રલ પેરિસમાં ખેડૂતો ટ્રેક્ટર લઈને રસ્તા પર ઉતરી આવ્યા છે. ફ્રાન્સમાં ખેડૂતોનું આ આંદોલન ગયા મહિને શરૂ થયું હતું. આ પછી, મામલો શાંત કરવા માટે, રાષ્ટ્રપતિ મેક્રોને ખેડૂતોને કહ્યું કે તેઓ પ્રદેશના ભાવિની રૂપરેખા બનાવવા માટે ખેડૂતોના નેતાઓને સામેલ કરીને ચર્ચા કરશે, પરંતુ તે શરૂ થાય તે પહેલાં જ, બંને પક્ષો વચ્ચેની સ્થિતિ બગડી ગઈ.

ઇવેન્ટ કેમ રદ કરવામાં આવી?

મેક્રોને ઇવેન્ટમાં કટ્ટરપંથી ઇકોલોજી ગ્રુપ સોલવેન્ટ્સ ડે લા ટોરેનો પણ સમાવેશ કર્યો હતો, જે બાદ ફેડરેશન નેશનલ ડેસ સિન્ડિકેટ્સ ડી’એક્સપ્લોયન્ટ્સ એગ્રીકોલ (FNSEA)ના બોસ આર્નોડ રૂસોને મેક્રોનની પહેલને નિંદનીય જણાવી હતી. FNSEA સંસ્થા સાથે જોડાયેલા 20,000 સ્થાનિક કૃષિ યુનિયનો અને 22 પ્રાદેશિક યુનિયનો જોડાયેલા છે. આ સંગઠન તમામ યુનિયનોનું પ્રતિનિધિત્વ કરે છે. FNSEA બોસ કહે છે કે તે એવી કોઈ પણ વસ્તુનો ભાગ બનશે નહીં જે સારી સ્થિતિમાં વાટાઘાટોને મંજૂરી આપતું નથી.

સોલ્વેન્ટ્સ ડે લા ટેરેને તાજેતરમાં “ઇકો-ટેરરિસ્ટ” ગણાવીને ગૃહ પ્રધાન દ્વારા પ્રતિબંધિત કરવાનો પ્રયાસ કરવામાં આવ્યો હતો. સોલવન્ટ્સને આમંત્રણ આપવા અંગે ખેડૂત યુનિયનો, વિપક્ષી રાજકારણીઓ અને સરકારના વિરોધ પછી, મેક્રોનની ઓફિસે તેને ભૂલ ગણાવી અને કહ્યું કે સોલવન્ટ જૂથને આમંત્રણ આપવામાં આવ્યું નથી.

ખેડૂતોએ જવાબ માંગ્યો હતો

વડાપ્રધાન ગેબ્રિયલ અટલે ખેડૂતોને શાંત કરવા માટે કૃષિ બિલની રૂપરેખા તૈયાર કરી હતી. તે જ સમયે, તેમણે ખેડૂતોની ફરિયાદોને દૂર કરવા અને કૃષિને મૂળભૂત રાષ્ટ્રીય હિતનો દરજ્જો આપવાનું વચન આપ્યું હતું. વડાપ્રધાનના આ પ્રયાસનો કોઈ ફાયદો ન થયો. ખેડૂતોએ રસ્તા રોક્યા, ટાયર સળગાવ્યા અને સુપરમાર્કેટની ઘેરાબંધી કરી હતી. ખેડૂતોએ મેક્રોનને પેરિસમાં યોજાનાર રાષ્ટ્રીય કૃષિ મેળાના સેલોન ડી એલ એગ્રીકલ્ચરના ઉદઘાટનના સમય સુધીમાં જવાબ આપવા માંગ કરી હતી અને સત્તાવાર અહેવાલમાં જણાવાયું છે કે મેક્રોન મેળો ખોલતા પહેલા ખેડૂત સંગઠનો સાથે બેઠક કરશે

કરમાફીને લઈને ખેડૂતોનું આ પ્રદર્શન શરૂ થયું છે. ખેડૂતોનું કહેવું છે કે રશિયાના આક્રમણ બાદ યુરોપિયન યુનિયને કસ્ટમ ડ્યૂટી સહિત અનેક પ્રકારના ટેક્સ માફ કરી દીધા છે, જેના કારણે તેમના અનાજને ખૂબ સસ્તા દરે વેચવામાં આવી રહ્યું છે. ખેડૂતોએ કહ્યું છે કે જ્યાં સુધી તેમની માંગણીઓ નહીં સંતોષાય ત્યાં સુધી તેઓ આ વિરોધ ચાલુ રાખશે. ખેડૂતોના સતત વિરોધને કારણે સરકાર મુશ્કેલીનો સામનો કરી રહી છે.

આ પણ વાંચો: ખેડૂતોના આંદોલન વચ્ચે સારા સમાચાર આવ્યા, કરોડો ખેડૂતોના ખાતામાં પૈસા આવશે


Spread the love

Related posts

અમેરિકાએ પાકિસ્તાનમાં પોતાના નાગરિકોને કર્યા એલર્ટ, જાહેર કરી ટ્રાવેલ એડવાઈઝરી, જાણો કારણ

Team News Updates

દક્ષિણ કેરોલિનાની ચૂંટણીમાં બાઇડનની જીત:ડેમોક્રેટિક પાર્ટી તરફથી રાષ્ટ્રપતિ પદના ઉમેદવાર બનવાની રેસમાં આગળ, બ્લેક વોટર્સનો સપોર્ટ મળ્યો

Team News Updates

US અને બ્રિટને 6 દેશના સમર્થન સાથે યમન પર હુમલો કર્યો, હુતિ બળવાખોરનાં 36 ઠેકાણાઓને ટાર્ગેટ બનાવ્યાં

Team News Updates