News Updates
BUSINESS

ફેબ્રુઆરી-24માં દેશભરમાં​​​​​​​ ગાડીઓનું વેચાણ 20.29 લાખ:વાર્ષિક ધોરણે વેચાણમાં 13.07%નો વધારો થયો, પરંતુ જાન્યુઆરીની સરખામણીમાં 4.61% ઓછી ગાડીઓ વેચાઈ

Spread the love

ફેડરેશન ઓફ ઓટોમોબાઈલ એસોસિએશન એટલે કે FADA એ ફેબ્રુઆરી 2024 માટે રિટેલ ઓટોમોબાઈલ વેચાણના આંકડા જાહેર કર્યા છે. FADAના રિપોર્ટ અનુસાર, આ વર્ષે ફેબ્રુઆરીમાં દેશભરમાં વિવિધ કેટેગરીમાં 20.29 લાખ ગાડીઓનું વેચાણ થયું હતું. વાર્ષિક ધોરણે તેમાં 13.07%ની વૃદ્ધિ જોવા મળી છે. જો કે ગયા મહિને એટલે કે જાન્યુઆરી-24માં આ આંકડો 21,27,653 હતો. આ સંદર્ભમાં, માસિક ધોરણે 4.61% નો ઘટાડો થયો છે.

ફેબ્રુઆરીમાં સૌથી વધુ 14.39 લાખ ટુ-વ્હીલરનું વેચાણ થયું હતું
એક વર્ષ પહેલા ફેબ્રુઆરી 2023માં 17.94 લાખ ગાડીઓનું વેચાણ થયું હતું. કુલ વાહનોના વેચાણમાં સૌથી વધુ 14.39 લાખ ટુ-વ્હીલરનું વેચાણ થયું હતું. 13.25% ની વાર્ષિક વૃદ્ધિ હતી. પરંતુ, જાન્યુઆરીની સરખામણીમાં 1.32%નો ઘટાડો થયો છે.

પેસેન્જર વ્હીકલનું વેચાણ જાન્યુઆરીની સરખામણીમાં 16.06% ઓછું થયું છે
આ પછી ફેબ્રુઆરીમાં પેસેન્જર વ્હીકલ સેગમેન્ટમાં કુલ 3.30 લાખ વાહનોનું વેચાણ થયું હતું. વાર્ષિક ધોરણે 12.36%ની વૃદ્ધિ જોવા મળી છે. એક વર્ષ પહેલા ફેબ્રુઆરી 2023માં દેશભરમાં 2.93 લાખ પેસેન્જર વ્હીકલનું​​ વેચાણ થયું હતું. જો કે, માસિક ધોરણે 16.06% નો ઘટાડો થયો છે. જાન્યુઆરીમાં 3.93 લાખ વાહનોનું વેચાણ થયું હતું.

હીરોએ સૌથી વધુ 4.13 લાખ ટુ-વ્હીલર વેચ્યા છે
હીરો મોટોકોર્પે ફેબ્રુઆરીમાં ટુ-વ્હીલર કેટેગરીમાં સૌથી વધુ 4,13,470 વાહનોનું વેચાણ કર્યું છે. ફેબ્રુઆરીમાં કુલ વેચાણમાં આ કંપનીનો હિસ્સો 28.72% હતો. એક વર્ષ પહેલા ફેબ્રુઆરી 2023માં કંપનીએ 30.76% માર્કેટ શેર સાથે 3,91,044 વાહનોનું વેચાણ કર્યું હતું. બીજા સ્થાને હોન્ડાએ 3.55 લાખ ટુ-વ્હીલરનું વેચાણ કર્યું છે. કુલ વેચાણમાં તેનો બજાર હિસ્સો 24.68% રહ્યો છે.

મારુતિએ સૌથી વધુ 1.31 લાખ કાર વેચી છે
મારુતિ સુઝુકી ઇન્ડિયાએ ફેબ્રુઆરીમાં સૌથી વધુ 1.31 લાખ કાર વેચી છે. આ સમયગાળા દરમિયાન, પેસેન્જર વાહનોની શ્રેણીમાં કંપનીનો બજારહિસ્સો 39.74% રહ્યો છે. એક વર્ષ પહેલા, ફેબ્રુઆરી 2023 માં, કંપનીએ 1.20 લાખ કાર વેચી હતી, જ્યારે તેનો બજાર હિસ્સો 40.97% હતો.

2023માં 2.38 કરોડ વાહનોનું વેચાણ થયું હતું
કેલેન્ડર વર્ષ 2023માં વિવિધ કેટેગરીમાં લગભગ 2.38 કરોડ વાહનોનું વેચાણ થયું હતું. વાર્ષિક ધોરણે તેમાં 11.14%ની વૃદ્ધિ જોવા મળી છે. એક વર્ષ પહેલા એટલે કે 2022માં 2.15 કરોડ વાહનોનું વેચાણ થયું હતું. કુલ વાહનોના વેચાણમાં સૌથી વધુ ટુ-વ્હીલરનું વેચાણ રૂ. 1.71 કરોડ થયું હતું. 9.45%ની વાર્ષિક વૃદ્ધિ હતી.


Spread the love

Related posts

મુકેશ અંબાણીને ફરી ધમકી… 7 દિવસમાં ચોથી વખત શાદાબ ખાન નામના વ્યક્તિએ મોકલ્યો ઇ-મેલ

Team News Updates

હિંડનબર્ગના આરોપો ખોટા, મોરેશિયસ સરકારે અદાણી જૂથને આપી ક્લીનચીટ

Team News Updates

શેરબજારમાં આજે તેજી:સેન્સેક્સ 90 પોઈન્ટ વધીને 63,474 પર ખુલ્યો, તેના 30માંથી 22 શેર વધ્યા

Team News Updates