News Updates
BUSINESS

કંપનીના MD કરણ અદાણી ત્યાંનાં રાષ્ટ્રપતિને મળ્યા,અદાણી પોર્ટ્સ ફિલિપાઈન્સમાં પોર્ટ ,ભારે જહાજો પણ ઓપરેટ કરી શકાશે

Spread the love

અદાણી ગ્રૂપની કંપની અદાણી પોર્ટ્સ એન્ડ સ્પેશિયલ ઈકોનોમિક ઝોન લિમિટેડ (APSEZ) હવે ફિલિપાઈન્સમાં રોકાણ કરવાની તૈયારી કરી રહી છે. ફિલિપાઈન્સના રાષ્ટ્રપતિના કાર્યાલય દ્વારા જારી કરાયેલા એક નિવેદનમાં જણાવવામાં આવ્યું છે કે અદાણી પોર્ટ્સે ફિલિપાઈન્સના બાટાનમાં 25 મીટર ઊંડો બંદર વિકસાવવામાં રસ દાખવ્યો છે.

આગળ જઈને પ્રમુખ માર્કોએ ફિલિપાઈન્સમાં અદાણી પોર્ટ્સ અને સ્પેશિયલ ઈકોનોમિક ઝોનની યોજનાને આવકારી છે. તેમણે કહ્યું કે કૃષિ ઉત્પાદનોને હેન્ડલ કરવા માટે બંદરો વિકસાવવા જોઈએ, જેથી ફિલિપાઈન્સ વૈશ્વિક સ્તરે સ્પર્ધા કરી શકે.

તાજેતરમાં, ગૌતમ અદાણીના પુત્ર અને અદાણી પોર્ટ્સ એન્ડ સ્પેશિયલ ઈકોનોમિક ઝોન લિમિટેડ (APSEZ)ના મેનેજિંગ ડિરેક્ટર (MD) કરણ અદાણીએ ફિલિપાઈન્સના પ્રમુખ ફર્ડિનાન્ડ માર્કોસ જુનિયર સાથે મુલાકાત કરી હતી.


અદાણી પોર્ટ દ્વારા વિકસાવવામાં આવનાર પોર્ટ પરથી પેનામેક્સ જહાજોને પણ હેન્ડલ અથવા ઓપરેટ કરી શકાય છે. સામાન્ય રીતે આ પ્રકારના જહાજનું ડેડવેઈટ 50,000 થી 80,000 ટન જેટલું હોય છે. તે મોટા જથ્થામાં માલસામાન વહન કરવામાં સક્ષમ છે. વિશ્વના બહુ ઓછા બંદરો પાસે આવા ભારે જહાજોને હેન્ડલ કરવાની સુવિધા છે.


અદાણી ગ્રૂપની કંપની અદાણી પોર્ટ્સે Q4FY24 એટલે કે નાણાકીય વર્ષ 2024ના ચોથા ક્વાર્ટરના પરિણામો 2 મેના રોજ જાહેર કર્યા હતા. જાન્યુઆરી-માર્ચ ક્વાર્ટરમાં કંપનીનો કોન્સોલિડેટેડ ચોખ્ખો નફો વાર્ષિક ધોરણે (YoY) 76.87% વધીને ₹2,014.77 કરોડ થયો છે.

ગયા વર્ષના સમાન ક્વાર્ટરમાં કંપનીનો કોન્સોલિડેટેડ ચોખ્ખો નફો ₹1,139.07 કરોડ હતો. જ્યારે છેલ્લા ક્વાર્ટરમાં (Q3FY24) તે ₹2,208.21 કરોડ હતું. તેનો અર્થ એ કે કંપનીનો કોન્સોલિડેટેડ ચોખ્ખો નફો ત્રિમાસિક ધોરણે (QoQ) 8.76% ઘટ્યો છે.


સમગ્ર નાણાકીય વર્ષમાં કંપનીના એકીકૃત નફામાં 50.32% નો વધારો નોંધાયો છે. FY24માં કંપનીનો એકીકૃત નફો રૂ. 8,103.99 કરોડ હતો. પાછલા નાણાકીય વર્ષમાં એટલે કે નાણાકીય વર્ષ 23 માં, અદાણી પોર્ટ્સનો નફો રૂ. 5,390.85 કરોડ હતો.


અદાણી પોર્ટ્સ એ ભારતનું સૌથી મોટું ખાનગી પોર્ટ ઓપરેટર અને એન્ડ-ટુ-એન્ડ લોજિસ્ટિક્સ પ્રદાતા છે. તેના 13 બંદરો અને ટર્મિનલ દેશની બંદર ક્ષમતાના લગભગ 24%નું પ્રતિનિધિત્વ કરે છે. તેની ક્ષમતા 580 MMTPA છે. અગાઉ તેનું નામ ગુજરાત અદાણી પોર્ટ લિમિટેડ (GAPL) હતું.

કંપનીએ નાણાકીય વર્ષ 2025માં કાર્ગો વોલ્યુમ 460 થી 480 મેટ્રિક ટનની વચ્ચે રાખવાનું લક્ષ્ય રાખ્યું છે. જે ગયા નાણાકીય વર્ષ કરતાં 23% વધુ છે. કંપનીએ નાણાકીય વર્ષ 2024 માટે 390 મેટ્રિક ટનનો લક્ષ્યાંક રાખ્યો હતો. કંપનીના મુન્દ્રા પોર્ટે ગયા નાણાકીય વર્ષમાં 180 મિલિયન મેટ્રિક ટન (MMT) કાર્ગોનું પરિવહન કર્યું હતું. કંપનીએ ચાલુ નાણાકીય વર્ષ માટે તેનો લક્ષ્યાંક વધારીને 180 MMT કર્યો છે.


Spread the love

Related posts

મહિન્દ્રાએ ઇલેક્ટ્રિક થારનું કોન્સેપ્ટ મોડલ બતાવ્યું:’THAR.e’ 2025 સુધીમાં બજારમાં આવી શકે છે, સાથે જ વૈશ્વિક પિકઅપ ટ્રક રજૂ કરવામાં આવી છે

Team News Updates

10 લાખ રૂપિયાની EV 7 લાખ રૂપિયામાં મળશે,બેટરી 38% સસ્તી થશે:2025 સુધીમાં બજારમાં EVનો હિસ્સો 10% સુધી પહોંચી જશે

Team News Updates

BUSINESS REPO RATE: RBIએ રેપો રેટ 6.5% યથાવત રાખ્યો,સતત સાતમી વખત કોઈ બદલાવ નહીં,EMIમાં કોઈ રાહત નહીં

Team News Updates