રાણી એલિઝાબેથ II ના અવસાન પછી કિંગ ચાર્લ્સના ફોટાવાળી ચલણી નોટ ડિસેમ્બર 2022માં પ્રથમ વખત પ્રકાશિત કરવામાં આવી હતી. લોકો 300 પાઉન્ડ સુધીની મર્યાદા સાથે 30 જૂન સુધી તેમની જૂની નોટો નવી નોટોમાં બદલી શકશે.
બેંક ઓફ ઇંગ્લેન્ડે યુનાઇટેડ કિંગડમના નાગરિકોને રાણી એલિઝાબેથની ફોટાવાળી જૂની નોટો પરત કરવા જણાવ્યું છે, કારણ કે દેશે કિંગ ચાર્લ્સ III ના ફોટાવાળી નવી નોટો ચલણમાં લાવી છે. 75 વર્ષીય બ્રિટિશ રાજાનો ફોટો ચારેય ચલણી નોટ્સ GBP 5, 10, 20 અને 50 પર જોવા મળશે. આ સિવાય હાલની ડિઝાઇનમાં કોઈ ફેરફાર કરવામાં આવ્યો નથી.
રાણી એલિઝાબેથ II ના અવસાન પછી કિંગ ચાર્લ્સના ફોટાવાળી ચલણી નોટ ડિસેમ્બર 2022માં પ્રથમ વખત પ્રકાશિત કરવામાં આવી હતી. લોકો 300 પાઉન્ડ સુધીની મર્યાદા સાથે 30 જૂન સુધી તેમની જૂની નોટો નવી નોટોમાં બદલી શકશે. જો કે, રાણી એલિઝાબેથના ફોટાવાળી જૂની ચલણી નોટો બંધ કરવામાં આવશે નહીં અને બંને ચલણી નોટો ચલણમાં ચાલુ રહેશે.
લોકો પાસે 30 જૂન સુધી તેમનું ચલણ એક્સચેન્જ કરવાનો સમય છે. 5 જૂન અને 11 જૂનની વચ્ચે લોકો થ્રેડનીડલ સ્ટ્રીટ પર બેંક ઓફ ઈંગ્લેન્ડના કાઉન્ટરની મુલાકાત લઈને તેમની કરન્સી બદલી શકે છે. અરજીપત્રક ભરીને, વ્યક્તિઓ તેમની બેન્કનોટ પણ બદલી શકે છે. યુનાઇટેડ કિંગડમના રહેવાસીઓ આ પ્રક્રિયાનો ઉપયોગ કરવા માટે પાત્ર છે.
ક્વીન એલિઝાબેથ II ના ફોટો ધરાવતી જૂની નોટો કાનૂની ટેન્ડર રહેશે અને નવી નોટોની સાથે ચલણમાં રહેશે. બેંક ઓફ ઈંગ્લેન્ડે કહ્યું છે કે જૂની અને ઘસાઈ ગયેલી નોટોને બદલવા માટે નવી નોટ છાપવામાં આવી છે.
બ્રિટિશ પાસપોર્ટના અંદરના કવર પરના શબ્દોને પણ અપડેટ કરવામાં આવ્યા છે. કિંગ ચાર્લ્સ III વર્તમાન મહારાજા છે, તેથી પાસપોર્ટમાં ફેરફાર કરીને Her મેજેસ્ટીને બદલે His મેજેસ્ટી શબ્દનો ઉપયોગ કરવામાં આવ્યો છે. આ ઉપરાંત ઔપચારિક કાર્યોમાં રાજ્યના વડાને સંબોધવા માટે વપરાતો શબ્દ હવે ‘ધ ક્વીન’થી ‘ધ કિંગ’માં બદલાશે.
