News Updates
RAJKOT

Gondal:વાસાવડી નદી બે કાંઠે વહેતી થઈ,ખાબક્યો ભારે વરસાદ ગોંડલના વાસાવડ ગામમાં

Spread the love

હવામાન વિભાગની આગાહી મુજબ સૌરાષ્ટ્ર પંથકના અનેક શહેરોમાં બપોર બાદ વાતાવરણમાં પલટો જોવા મળ્યો. રવિવારે બપોર બાદ રાજકોટના ગોંડલમાં વરસાદ ખાબક્યો હતો. વાસાવડ પંથકમાં ગાજવીજ સાથે વરસાદ પડ્યો.

રાજ્યમાં હવામાન વિભાગની આગાહી મુજબ પ્રીમોન્સુન એક્ટિવિટી શરૂ થઈ ગઈ છે. ભારે ગરમી અને ઉકળાટ વચ્ચે રવિવારે બપોર બાદ વાતાવરણમાં અચાનક પલટો આવ્યો વાદળો ઘેરાયા બાદ પવન સાથે વરસાદની શરૂઆત થઈ હતી. ગોંડલના વાસાવડ ગામમાં રવિવારે બપોર બાદ ખાબકેલા પ્રથમ વરસાદમાં જ વાસાવડી નદી બે કાંઠે વહેતી થઈ છે. ઉપરવાસમાં ભારે વરસાદના કારણે પૂર આવ્યુ છે. વાવડી-ચમારડી નદીમાં નવા નીર આવ્યા છે.

આ તરફ જુનાગઢના વિસાવદર પંથકમાં ગાજવીજ સાથે ધોધમાર વરસાદ વરસ્યો હતો. જો કે ખેડૂતોએ આ વરસાદને સીઝનનો પહેલો “વાવણી લાયક” વરસાદ ગણાવ્યો હતો. અને તેમનામાં ખુશીની લહેર ફરી વળી હતી. બીજી તરફ ભાવનગરમાં પણ વાવાઝોડા જેવી સ્થિતિ જોવા મળી હતી. ધૂળની ડમરી અને આંધી સાથે વાતાવરણમાં વિઝિબિલિટી ઓછી થઈ હતી. જેના કારણે વાહનચાલકોને ભારે હાલાકીનો સામનો કરવો પડ્યો હતો.

આ વરસાદી માહોલ વચ્ચે હવામાન વિભાગ દ્વારા આગામી ત્રણથી ચાર દિવસ અનેક જિલ્લાઓમાં વરસાદની આગાહી કરવામાં આવી છે. દક્ષિણ ગુજરાત, મધ્ય ગુજરાતમાં વરસાદની આગાહી કરવામાં આવી છે. તો ઉત્તર ગુજરાત અને સૌરાષ્ટ્રમાં હળવા વરસાદની શક્યતા સેવાઈ રહી છે. તેમજ કેટલાંક વિસ્તારમાં ગાજવીજ સાથે વરસાદ વરસવાનું અનુમાન વ્યક્ત કરવામાં આવ્યું છે.


Spread the love

Related posts

રાજકોટમાં આગના બે બનાવ:બસ સ્ટેન્ડ નજીક કોમ્પલેક્ષમાં શોર્ટસર્કિટનાં કારણે આગ, રૈયા ટેલિફોન એક્સચેન્જ નજીક કચરાની ગાડી સળગી ઉઠી

Team News Updates

સતત ત્રીજા દિવસે PGVCLના દરોડા:રાજકોટના વાવડી, ખોખડદળ, મવડી, મોટામવા સહિત 15 વિસ્તારમાં ચેકિંગ શરૂ, બે દિવસમાં 50 લાખની વીજચોરી ઝડપાઈ

Team News Updates

ક્લાસ-3ની ભરતી પ્રક્રિયામાં મોટો ફેરફાર:હવે બે ગ્રુપ, અપર ક્લાસ-3માં પ્રાથમિક અને મેઈન્સ તો લોવર ક્લાસ-3માં માત્ર પ્રાથમિક પરીક્ષા લેવાશે, પ્રશ્નો GPSC લેવલના હશે

Team News Updates