ભારતમાં એવા બે શહેરો છે જેની વચ્ચે ફ્લાઇટનું ભાડું એટલું ઓછું છે કે તમે બાઇક અથવા કાર દ્વારા મુસાફરી કરવાને બદલે ફ્લાઇટમાં મુસાફરી કરવાનું નક્કી કરશો. ચાલો જાણીએ કે આ બે શહેર ક્યા છે અને તમે પણ આ સસ્તી મુસાફરીનો લાભ કેવી રીતે લઈ શકો છો.
દેશની સૌથી સસ્તી ફ્લાઈટ ભારતના બે સુંદર શહેરો ગુવાહાટી અને શિલોંગ વચ્ચે ચાલે છે. જેનું ભાડું માત્ર 150 રૂપિયા છે. આ સાંભળીને તમે ચોક્કસ ચોંકી જશો, પરંતુ આ સત્ય છે. આ ફ્લાઇટનું ભાડું તપાસ્યું ત્યારે જાણવા મળ્યું કે તે વાસ્તવમાં 150 રૂપિયામાં ઉપલબ્ધ છે.
આ ફ્લાઇટ એલાયન્સ એર દ્વારા સંચાલિત છે, જે માત્ર 50 મિનિટની છે. પ્રવાસ દરમિયાન જ્યારે બારીમાંથી નીચે જોવામાં આવે ત્યારે પર્વતો અને ખીણોનો સુંદર નજારો દેખાય છે. તમને જણાવી દઈએ કે એલાયન્સ એર એ ભારતની પ્રાદેશિક એરલાઈન છે જે દેશના વિવિધ ભાગોમાં ફ્લાઈટ્સ ઓપરેટ કરે છે.
અમે મોબાઈલ એપ Paytm પર જઈને આ ફ્લાઈટનું ભાડું ચેક કર્યું અને જાણવા મળ્યું કે ગુવાહાટીથી શિલોંગની ફ્લાઈટનું બેઝ ભાડું 400 રૂપિયા છે. પરંતુ જ્યારે પ્રોમો કોડનો ઉપયોગ કર્યો ત્યારે અમને 250 રૂપિયાનું ડિસ્કાઉન્ટ મળ્યું અને ભાડું ઘટીને 150 રૂપિયા થઈ ગયું. જો કે એ નોંધવું અગત્યનું છે કે બુકિંગ સમયે સુવિધા ફી અલગથી ઉમેરવામાં આવશે.
ગુવાહાટી અને શિલોંગ વચ્ચેનું અંતર ખૂબ જ ઓછું છે. તેથી આ માર્ગ પર વિમાન મુસાફરીનો ખર્ચ ઓછો થાય છે. વધુમાં એલાયન્સ એર જેવી ઓછી કિંમતની એરલાઇન્સ આ રૂટ પર ફ્લાઇટ ચલાવે છે, ભાડા ઓછા રાખે છે.
જો તમે ગુવાહાટી અને શિલોંગ વચ્ચે મુસાફરી કરવાનું વિચારી રહ્યા છો, તો આ સસ્તી ફ્લાઇટ તમારા માટે બેસ્ટ વિકલ્પ બની શકે છે. આ ફક્ત તમારા પૈસા બચાવશે નહીં પણ તમને યાદગાર મુસાફરીનો અનુભવ પણ આપશે.
