News Updates
NATIONAL

લીલા શાકભાજી બાદ હવે મસાલાના ભાવમાં વધારો, એક કિલો જીરુંનો ભાવ 1200 રૂપિયા, લાલ મરચાનો ભાવ 400 રૂપિયાને પાર

Spread the love

લીલા શાકભાજી (Vegetables) પછી જો કોઈ ખાદ્યપદાર્થની કિંમત સૌથી વધુ વધી હોય તો તે મસાલા છે. છેલ્લા એક મહિનામાં મસાલાના ભાવમાં (Spices Price) અનેક ગણો વધારો થયો છે.

વરસાદના કારણે દેશમાં મોંઘવારી ચરમસીમાએ પહોંચી છે. જેના કારણે સામાન્ય લોકોના રસોડાનું બજેટ પણ બગડી ગયું છે. લીલા શાકભાજી (Vegetables) પછી જો કોઈ ખાદ્યપદાર્થની કિંમત સૌથી વધુ વધી હોય તો તે મસાલા છે. છેલ્લા એક મહિનામાં મસાલાના ભાવમાં (Spices Price) અનેક ગણો વધારો થયો છે. ખાસ વાત એ છે કે છેલ્લા 15 દિવસમાં કેટલાક મસાલાની કિંમત બમણી થઈ ગઈ છે. જેના કારણે દરેક વર્ગના ખિસ્સા પર બોજ વધ્યો છે.

ખાદ્યપદાર્થોના ભાવમાં વધારો થયો

હિંદુસ્તાન સમાચાર પત્રમાં પ્રકાશિત અહેવાલ મુજબ, વરસાદને કારણે માત્ર લીલા શાકભાજી જ નહીં પરંતુ મસાલા, દૂધ અને અન્ય ખાદ્યપદાર્થોના ભાવમાં પણ વધારો થયો છે. ફુગાવાનો અંદાજ એ વાત પરથી લગાવી શકાય છે કે જીરું જે ગયા વર્ષે જથ્થાબંધ ભાવમાં 300 રૂપિયા પ્રતિ કિલો હતું તે હવે 700 રૂપિયાથી વધારે ભાવ થયા છે. તેવી જ રીતે, તે છૂટક બજારમાં 1000 થી 1200 રૂપિયા પ્રતિ કિલોના ભાવે વેચાય છે. જેના કારણે ગ્રાહકોની સાથે વેપારીઓને પણ મુશ્કેલી થઈ રહી છે.

લાલ મરચાના ભાવમાં બમણો વધારો થયો

વેપારીઓનું કહેવું છે કે જીરું આટલું મોંઘું થશે, તેમને અપેક્ષા નહોતી. બીજી તરફ કૃષિ નિષ્ણાતોના મતે આ વર્ષે ફેબ્રુઆરી અને માર્ચમાં કમોસમી વરસાદને કારણે જીરાના પાકને ભારે અસર થઈ હતી. આ જ કારણ છે કે 2 મહિનામાં જીરું ખૂબ મોંઘું થઈ ગયું. પરંતુ, ચોમાસાના આગમન બાદ અચાનક અન્ય મસાલા પણ મોંઘા થઈ ગયા છે. ખાસ કરીને હળદર અને લાલ મરચાના ભાવમાં બમણાથી વધુનો વધારો થયો છે.

મસાલાના ભાવ

મસાલા                                     ગત વર્ષનો ભાવ                          જથ્થાબંધ ભાવ                      છૂટક ભાવ

જીરું                                          300                                            700                                       1000- 1200

હળદર                                      80-90                                        160                                         300

લાલ મરચાં                               110-120                                      260                                        400

લવિંગ                                      600                                             1100                                       1500-1800

તજ                                         500                                              700                                         1100-1400

સૂકું આદુ                                130                                               500                                          700-800


Spread the love

Related posts

વિદેશમાં બેઠાં-બેઠાં ગુજરાત યુનિવર્સિટીમાં ભણો:પશ્ચિમ ભારતની પહેલી યુનિવર્સિટી, જે ઓનલાઇન કોર્સ ભણાવશે, 1 જૂન પહેલાં એડમિશન પ્રક્રિયા શરૂ

Team News Updates

આગના ભયાવહ દૃશ્યો પ્લેનમાંથી કેદ થયા:બાપુનગરના વિકાસ એસ્ટેટમાં ફટાકડા બજારમાં ભીષણ આગથી ધૂમાડાના ગોટેગોટાથી મોટું વાદળ સર્જાયું, ડરામણો નજારો જોવા મળ્યો

Team News Updates

ખેડૂત આંદોલન વચ્ચે રાહુલ ગાંધીનું વચન, કહ્યું- કોંગ્રેસ એમએસપીની કાયદેસર ગેરંટી આપશે

Team News Updates