Covid-19: ભારતે બ્રાઝિલને પાછળ છોડ્યું, આપણે કુલ કેસમાં દુનિયામાં બીજા નંબરે

0
177

કોરોના વાયરસના કેસનો આંકડો દેશમાં સતત નવા રેકોર્ડ્સ તોડી રહ્યો છે. અમેરિકા પછી ભારત દુનિયામાં બીજા નંબર પહોંચ્યું છે.

નવી દિલ્હીઃ ભારતે કોરોના વાયરસના કેસમાં બ્રાઝિલને પાછળ છોડી દીધું છે અને દુનિયાના અમેરિકા પછી બીજા નંબરનો દેશ બની ગયો છે. ભારતમાં મહામારીનો પ્રકોપ સતત વધી રહ્યો છે, દેશમાં સતત ચાર દિવસથી નવા કેસનો આંકડો રેકોર્ડ તોડી રહ્યો છે જેમાં શનિવારે 90,000ની નજીક કેસ નોંધાયા છે.

વધુ એક ચિંતાનો વિષય બની રહ્યો છે કોરોનાના કારણે થઈ રહેલા મોત, ભારતમાં કોરોનાના કારણે થયેલા મોતનો આંકડો 70,000ને પાર થઈ ગયો છે, જેમાં 10 દિવસમાં 10,000 કેસ વધ્યા છે. ભારતમાં કોરોના વાયરસ કેસનો કુલ આંકડો શનિવારે સાંજે 41 લાખને પાર કરી ગયો છે, જ્યારે બ્રાઝિલમાં worldometers.info મુજબ 11pm સુધીમાં કેસ 40,93,586 થઈ ગયા છે.

શનિવારે બ્રાઝિલના કુલ કેસની ગણતરી થયા બાદ તેમાં વધુ કેસ ઉમેરાઈ શકે છે. પરંતુ હાલના કેસની સંખ્યા પ્રમાણે ભારતે તેને પાછળ છોડી દીધું છે. ભારતમાં હવે તાજા કેસની સંખ્યા ઘણી જ ઊંચી પહોંચી છે આજ સુધી કોઈ દેશમાં નોંધાઈ નથી. ભારતમાં અમેરિકા અને બ્રાઝિલ કરતા બમણા કેસ નોંધાઈ રહ્યા છે. અમારા સહયોગી TOI દ્વારા રાજ્ય સરકારો પાસેથી મેળવેલા આંકડા પ્રમાણે શનિવારે દેશમાં 89,690 કેસ નોંધાયા છે, જે સાથે કુલ કેસનો આંકડો 41,05,930 થયો છે.

મહારાષ્ટ્રમાં ફરી કોરોના કેસમાં ઉછાળો આવ્યો છે, જેમાં 20,489 કેસ શનિવારે નોંધાયા છે, જે એક દિવસમાં નોંધાયેલા સૌથી વધુ કેસ છે, જ્યારે અન્ય 7 રાજ્યોમાં કેસનો આંકડો ઊંચો ગયો છે, જેમાં- ઉત્તરપ્રદેશ (6,692), કેરળ (2,655), જમ્મુ અને કાશ્મીર (1,251), ઉત્તરાખંડ (950), ત્રિપુરા (691) અને મેઘાલયા (182)નો સમાવેશ થાય છે.

દેશમાં શનિવારે વધુ 1,055 લોકોના કોરોના વાયરસના કારણે મોત થયા, આ સાથે કુલ કેસનો આંકડો 70,606 થયો છે. સતત 5માં દિવસે દેશમાં 1,000 કરતા વધુ મૃત્યુઆંક નોંધાયા છે. સરેરાશ દેશમાં પાછલા 10 દિવસથી 1000 જેટલા કોરોના દર્દીઓના મોત થયા છે. દિલ્હીમાં ફરી એકવાર 67 દિવસ પછી 2,973 નવા કેસમાં શનિવારે ઉછાળો આવ્યો છે.

મહારાષ્ટ્રમાં કોરોનાના કુલ કેસનો આંકડો 8,83,362 થઈ ગયો છે, જે દેશના કુલ કેસનો 22% ભાગ છે. રાહતની વાત એ છે કે માર્ચ મહિના પછી રાજ્યમાં ફર્ટિલિટી રેટ ઘટીને પહેલીવાર 3%ની અંદર (2.97%) આવ્યો છે. મહારાષ્ટ્ર્માં 4 દિવસથી સતત કેસની સંખ્યામાં વધારો થઈ રહ્યો છે, જેમાં શનિવારે 1સ737 કેસ નોંધાયા જેની સાથે કુલ આંકડો 1,53,712 થયો છે. આ તરફ આંધ્રપ્રદેશમાં વધુ 10,825 કેસ સાથે કુલ કેસનો આંકડો 4,87,331 થયો છે.

LEAVE A REPLY

Please enter your comment!
Please enter your name here