- વાહનોની નિકાસ માટે રો-રો જેટી, લિકવિડ-કન્ટેનર ટર્મિનલ બનશે
- પ્રથમ ચરણમાં રૂપિયા 1300 કરોડ અને દ્વિતિય ચરણમાં 600 કરોડનો ખર્ચ થશે
- વર્લ્ડ મેરિટાઈમ મેપ પર ગુજરાતનું નામ રોશન થશે
રાજ્ય સરકારે ભાવનગર બંદર પર વિશ્વનું સૌપ્રથમ કમ્પ્રેસ્ડ નેચરલ ગેસ (CNG) ટર્મિનલથી સ્થાપના કરવા માટેની મંજૂરી આપી દીધી છે. દુનિયાનું પ્રથમ CNG ટર્મિનલ સ્થાનપનારૂ ગુજરાત પ્રથમ રાજ્ય બનશે. CNG ટર્મિનલ ભાવનગર પોર્ટ નજીક રૂપિયા 1900 કરોડના ખર્ચે બનાવવાની યોજનાને મંજૂરી આપવામાં આવી છે. પ્રથમ ચરણમાં રૂપિયા 1300 કરોડ અને દ્વિતિય ચરણમાં 600 રૂપિયાનો કરોડનો ખર્ચ થશે.
વાર્ષિક 15 લાખ ટન ક્ષમતા ધરાવતું CNG ટર્મિનલ બનશે
GMBએ ફોરસાઈટ ગ્રુપ પદ્મનાભ મફતલાલ ગ્રુપ અને નેધરલેન્ડ સ્થિત બોસ્કાલિસને પ્રોજેક્ટ ડેવલોપર તરીકે મંજૂરી આપશે. 1600 કિલોમીટર લાંબો દરિયા કિનારો ધરાવતું ગુજરાત પોર્ટ કાર્ગો ક્ષેત્રે ગૌરવપૂર્ણ સ્થાન મેળશે. પ્રતિ વર્ષ 15 લાખ ટન ક્ષમતા ધરાવતું CNG ટર્મિનલ બનશે. નવું ટર્મિનલ બનવાથી ભાવનગર બંદરનો વિકાસ રોકેટ ગતિએ થશે. આમ રાજ્યમાં સૌપ્રથમ બ્રાઉન ફિલ્ડ પોર્ટ પ્રોજેક્ટ તરીકે ભાવનગરમાં આકાર આપશે. વર્લ્ડ મેરિટાઈમ મેપ પર ગુજરાતનું નામ રોશન થશે
ભાવનગર પોર્ટની કાર્ગો ક્ષમતા વાર્ષિક 9 મિલીયન મેટ્રિક ટન થશે
પ્રતિ વર્ષ 45 લાખ ટનની ક્ષમતાનું લિક્વિડ કાર્ગો ટર્મિનલ, કન્ટેઇનર અને વ્હાઇટ કાર્ગો ટર્મિનલ તથા રો-રો ટર્મિનલ વિકસાવવાનું આયોજન છે. શિપબ્રેકીંગ અને શિપ રિસાઇક્લિંગ ઉદ્યોગમાં વિશ્વના સૌથી મોટા શિપબ્રેકીંગ યાર્ડ તરીકે પ્રખ્યાત અલંગ-ભાવનગરની ખ્યાતિમાં ઉમેરો થશે. ભાવનગર પોર્ટ વિકસાવવા ચેનલ અને પોર્ટ બેઝિનમાં ડ્રેજિંગ, 2 લોક ગેટસનું બાંધકામ અને કિનારા ઉપર CNG ટ્રાન્સપોર્ટેશન માટે ઇન્ફ્રાસ્ટ્રકચર ફેસેલીટીઝ વિકસાવવામાં આવશે. મહત્વનું છે કે CNG ટર્મિનલ કાર્યરત થતાં ભાવનગર પોર્ટની વાર્ષિક કાર્ગો કેપેસિટી 9 મિલીયન મેટ્રિક ટન થશે.
નવા બંદરે નવા બે લોકગેટ બનાવવામાં આવશે
ભાવનગર બંદરની નોર્થ ક્વે જેટી પર નવો પ્રોજેક્ટ આકાર લેશે, જ્યારે દક્ષિણ દિશામાં આવેલી કોંક્રિટ જેટી પર વર્તમાન વ્યવસ્થાથી કાર્ગો હેન્ડલિંગ ચાલુ રહેશે. નોર્થ ક્વેનું વર્તમાન ઇન્ફ્રાસ્ટ્રકચરનું નવિનીકરણ કરવામાં આવશે, બેસિનમાં 10 મીટરનો ડ્રાફ્ટ મળી રહે તેને ધ્યાનમાં રાખીને ડ્રેજીંગ કરવામાં આવશે, ભાવનગર બંદરથી એનકરજ પોઇન્ટ સુધીની ચેનલ વધુ પહોળી અને ઊંડી બનાવવામાં આવશે. ઉપરાંત ભાવનગર નવા બંદરે નવા બે લોકગેટ બનાવવામાં આવશે. જેના વડે ભરતી-ઓટની અસર વિના બેસિનમાં કાર્ગો હેન્ડલિંગની પ્રક્રિયા ચાલુ રહેશે.
પ્રથમ ચરણમાં રૂપિયા 1300 કરોડ ખર્ચ કરાશે
રાજ્ય સરકારના જણાવ્યા પ્રમાણે કુલ 1900 કરોડના પ્રોજેક્ટ પૈકી પ્રથમ ચરણમાં રૂપિયા 1300 કરોડ અને દ્વિતિય ચરણમાં 600 કરોડનો ખર્ચ કરવામાં આવશે. રાજ્ય સરકાર દ્વારા પ્રોજેક્ટને મંજૂરી આપી દેવામાં આવી છે. CNG ટર્મિનલ ઉપરાંત લિક્વિડ કાર્ગો ટર્મિનલ, કન્ટેનર, વાહનોની નિકાસ માટે રો-રો ટર્મિનલ પણ બનાવવામાં આવશે.
LNG-CNG માટેના ટર્મિનલ ધરાવતું દેશનું એક માત્ર રાજ્ય બનશે
CM રૂપાણીએ જામનગરના સચાણા પોર્ટેને પૂન: ધમધમતું કરવા આપેલી મંજૂરી બાદ હવે વિશ્વના પ્રથમ CNG ટર્મિનલને ભાવનગરમાં નિર્માણની મંજૂરી આપી છે. CNG ટર્મિનલ પ્રોજેક્ટના પરિણામે ભાવનગર અને આસપાસના વિસ્તારોના યુવાઓ માટે લોજિસ્ટિક, ટ્રાન્સ્પોર્ટેશન અને વેર હાઉસિંગના ક્ષેત્રે વિશાળ રોજગારની તકો ખૂલશે. આમ ગુજરાતમાં દહેજ અને હજીરામાં LNG પછીનું CNG ટર્મિનલ બનશે. ગુજરાત LNG અને- બંને માટેના ટર્મિનલ ધરાવતું દેશનું એક માત્ર રાજ્ય બનશે.
