વલસાડ શહેરના મોગરાવાડી ખાતેના અંબુનગર વિસ્તારમાં રહેતા એક આધેડ પર એસિડ એટેકની ઘટના બનતા ચકચાર મચી છે. ચિકલીગર ગેંગના સભ્યોએ આ હુમલો કર્યો હોવાની આશંકા વ્યકત કરવામાં આવી છે. ત્યારે પોલીસે આ મામલે વધુ તપાસ હાથ ધરવામાં આવી છે.
વલસાડના અંબુનગર વિસ્તારમાં રહેતા એક આધેડ પોતાના ઘર પર ગતરાત્રિએ ઊંઘી રહ્યા હતા ત્યારે ઘરની બારીમાંથી અજાણ્યા શખ્સોએ તેમના પર એસિડ ફેંકતા આંખોમાં તકલીફ પડવા લાગી હતી. જેથી તેઓને સારવાર માટે ખસેડવામાં આવ્યા હતા.
ભોગ બનનાર દ્વારા કહેવામાં આવ્યું હતું કે, ચિકલીગર ગેંગના સભ્યો ભૂંડ પકડવાના કામની સાથે ચોરીને અંજામ આપતા હતા. જેની સામે પોતે અવાજ ઉઠાવતા ગેંગના સભ્યોએ જ તેમની પર હુમલો કર્યો હોવાની આશંકા વ્યકત કરવામાં આવી છે. પોલીસે આ મામલે વધુ તપાસ હાથ ધરી છે.
