News Updates
RAJKOT

રાજકોટથી દ્વારકા, સોમનાથ, અમદાવાદ, સુરત જેવાં સ્થળોએ જવા માટે 5 નવેમ્બરથી 150 એક્સ્ટ્રા બસો દોડાવાશે

Spread the love

રાજકોટ એસટી વિભાગ દ્વારા તહેવારોમાં મુસાફરોને હાલાકી પડે નહીં તેના માટે એક્સ્ટ્રા બસો મુકવામાં આવે છે. અગાઉ પણ સાતમ-આઠમનાં તહેવારોમાં વધારાની બસો મુકવામાં આવી હતી. ત્યારે હવે દિવાળીના તહેવારો પર રાજકોટ ST ડિવીઝને મુસાફરોને તહેવારની ભેટ આપી છે. જેમાં દિવાળી વેકેશન પર એકસ્ટ્રા 150 બસ શરૂ કરવામાં આવશે. જેમાં 5 નવેમ્બરથી અમદાવાદ, ભાવનગર, દ્વારકા અને સોમનાથ સહિતના નિર્ધારીત કરેલા રૂટ પર વધારાની બસો દોડશે.

5 નવેમ્બર સુધીમાં એકસ્ટ્રા બસો શરૂ કરાશે
આ અંગેની માહિતી આપતા રાજકોટ એસ. ટી. તંત્રના વિભાગીય નિયામક જે. બી. કરોતરાએ જણાવ્યું હતું કે, રાજકોટ ડિવિઝનમાં તહેવાર પર નક્કી કરાયેલા રૂટ પર વધુ 150 જેટલી બસ દોડાવવામાં આવશે. જેનો લાભ રાજકોટ, મોરબી અને સુરેન્દ્રનગરના મુસાફરોને થશે. અંદાજીત 5 નવેમ્બર સુધીમાં એકસ્ટ્રા બસો શરૂ કરવામાં આવશે. રાજકોટ વિભાગ દ્વારા ખાસ કરીને દ્વારકા, સોમનાથ, અમદાવાદ, સુરત, વડોદરા, ભાવનગર અને પંચમહાલ જેવા રૂટ પર આ વધારાની બસો દોડાવવામાં આવશે.

જિલ્લાના 14 ડેપોને મુસાફરોને લાભ થશે
આ તમામ રૂટ પર વધારાની બસો દોડાવવામાં આવતા રાજકોટ, મોરબી અને સુરેન્દ્રનગર જિલ્લાના 14 ડેપો જેવા કે રાજકોટ, પડધરી, ગોંડલ, વિરપુર, મોરબી, જસદણ, આટકોટ, વાંકાનેર. ધ્રાંગધ્રા, હળવદ, લીંબડી, સાયલા, સુરેન્દ્રનગર અને ચોટીલાના ડેપો પરથી મુસાફરી કરતા લોકોને લાભ મળશે. જોકે, વેકેશનમાં કેટલીક એકસ્ટ્રા બસમાં મુસાફરોએ રેગ્યુલર ભાડા કરતા થોડું વધારે ભાડું ચૂકવવું પડશે. પણ અન્ય ખાનગી વાહનો મનફાવે તેવા ભાડા વસુલાતા હોવાથી મુસાફરોને સરવાળે મોટી રાહત થશે.


Spread the love

Related posts

અડધી રાત્રે ગેસનો બાટલો સળગ્યો:રાજકોટના એક મકાનમાં અડધી રાતે આગ લાગતા અફરાતફરી મચી, ફાયર ફાઈટર જવાનોએ પાણીનો મારો ચલાવીને હાશકારો કરાવ્યો

Team News Updates

22000 દર્દીઓનુ નિદાન AIIMSના ઓર્થોપેડિક સર્જરી વિભાગમાં:ફેમોરલ હેડના જાયન્ટ સેલ ટ્યુમરની સર્જરી સાથે હાડકાના કેન્સરની સારવાર શરૂ કરાઈ

Team News Updates

બિપોરજોય અંગે મેયરની અધ્યક્ષતામાં બેઠક:રાજકોટમાં 14-15 જૂને રેસકોર્સ સ્પોર્ટ્સ સંકુલો, ગાંધી મ્યુઝિયમ, પ્રદ્યુમન પાર્ક અને રામવન બંધ રાખવાનો નિર્ણય, 24 કલાક કંટ્રોલરૂમો કાર્યરત

Team News Updates