News Updates
RAJKOT

આ ખોરાક બીમારીને નોતરશે:રાજકોટનાં લાલજી દિલ્લીવાલે, શિવા મદ્રાસ કાફે સહિત 38 સ્થળો પર ચેકીંગમાં શાકભાજી-મંચુરિયન સહીત 27 કિલો વાસી ખોરાક મળ્યો

Spread the love

રાજકોટમાં વધતા રોગચાળાને અટકાવવા મનપાનાં ફૂડ વિભાગ દ્વારા સતત ચેકીંગ કરવામાં આવી રહ્યું છે. જેમાં આજે ડી.એન.એસ.બી. રેસ્ટ્રો કાફે(લાલજી દિલ્લીવાલે) ટ્યુબડ કોર્ટયાર્ડ અને શિવા મદ્રાસ કાફે સહિત જુદી જુદી 38 જગ્યાએ ચેકીંગ કરવામાં આવ્યું હતું. જેમાં કુલ 27 કિલો પ્રિપેડ ફૂડ- બાફેલા શાકભાજી, મંચુરિયન, ચટણી, ગ્રેવી, ચેરી વગેરે મળી આવતા તમામ અખાદ્ય જથ્થાનો સ્થળ પર નાશ કરવામાં આવ્યો હતો. સાથે 17 જેટલા ધંધાર્થીઓને લાયસન્સ અને હાઇજેનિક કન્ડિશન જાળવવા સહિતના મુદ્દે નોટિસ ફટકારવામાં આવી હતી.

અખાદ્ય જણાતા સ્થળ પર નાશ કરાયો
મહાનગરપાલિકાના ફૂડ વિભાગની ટીમ દ્વારા સર્વેલન્સ ચેકિંગ દરમિયાન જ્યોતિનગર-૧ મેઇન રોડનાં DNSB રેસ્ટ્રો કાફે(લાલજી દિલ્લીવાલે)ની તપાસ કરતાં પેઢીમાં ફ્રીઝમાં સંગ્રહ કરેલ પ્રિપેડ ફૂડ- બાફેલા શાકભાજી, મંચુરિયન, ચટણી, ગ્રેવી, ચેરી વગેરેનો કુલ મળી 13 કી.ગ્રા. જથ્થો વાસી અખાધ્ય જણાતા સ્થળ પર નાશ કરાયો હતો. જ્યારે ન્યુ 150 ફૂટ રિંગ રોડ, ડીલાઇટ પાર્ટી પ્લોટ પાસે આવેલ ટ્યુબ્ડ કોર્ટયાર્ડની તપાસ કરતાં પેઢીમાં ફ્રીઝમાં સંગ્રહ કરેલ પ્રિપેડ ફૂડ, બાફેલા શાકભાજી, જલેપીનો, ગાર્લિક બ્રેડ, પાસ્તા, નુડલ્સ, રાઈસ વગેરેનો કુલ મળી 5 કિલો જથ્થો વાસી અખાદ્ય જણાતા સ્થળ પર નાશ કરાયો હતો.

17ને લાઇસન્સ અંગે સૂચના
આ ઉપરાંત રૈયા રોડ, બાપાસીતારામ ચોક, રાજકોટ ખાતે આવેલ શિવા મદ્રાસ કાફે (લારી)ની તપાસ કરતાં ખુલ્લા રાખેલ દાળવડા, વાસી લોટનો કુલ મળી 5 કિલો જથ્થો વાસી અખાધ્ય જણાતા તેનો સ્થળ પર નાશ કરાયો હતો. તેમજ ફૂડ વિભાગની ટીમ દ્વારા ફૂડ સેફ્ટી ઓન વ્હીલ્સ વાન સાથે શહેરના આજી ડેમ માંડા ડુંગર, આજી હોકર્સ ઝોન તથા ન્યુ આશ્રમ રોડ વિસ્તારમાં પહોંચી હતી. અને ખાદ્ય ચીજોનું વેચાણ કરતાં કુલ 38 વેપારીઓની ચકાસણી કરી 17ને લાઇસન્સ અંગે સૂચના આપવામાં આવી હતી. તેમજ 14 નમુનાની સ્થળ ઉપર ચકાસણી કરી 4 કિલો વાસી અખાધ્ય ચીજોનો નાશ કરવામાં આવ્યો હતો.

ફુડ સેફ્ટી સ્ટાન્ડર્ડ એક્ટ-2006 હેઠળ નમુના લેવાયા

  • PROCESSED CHEESE SLICE ON SLICE ( FROM 4.54 KG. PKD): સ્થળ- RESTAURANT BRANDS ASIA LTD., (BURGER KING), યુનિટ નં.2/A/1, ક્રિસ્ટલ મોલ, રાણીટાવરની સામે, કાલાવડ રોડ, રાજકોટ.
  • FOOD COAST MAYO LITE (FROM 1 KG PACK): સ્થળ – અજય એન્ટરપ્રાઇઝ, (નેપલ્સ પિઝા), ફ્સ્ટ ફ્લોર 101, પ્રાઇડે એમ્પાયર, રેસકોર્ષ, રાજકોટ.
  • DYNAMIX TASTY BUTTER(FROM 500GM PKD) : સ્થળ – સેફાયર ફૂડસ ઈન્ડિયા લી., (પીઝા હટ), E બિલ્ડીંગ, સોલીટર, ગ્રા. ફલોર-06, 1st ફ્લોર.106, બિગ બજાર, રાજકોટ.
  • પંજાબી સબ્જી માટેની ગ્રેવી (પ્રિપેર્ડ- લુઝ): સ્થળ – BVK ફૂડસ, કાકે દી રોટી, મેગ્નમ બિલ્ડીંગ, ફર્સ્ટ ફ્લોર, અક્ષર માર્ગ, યશ બેંક પાસે, રાજકોટ સહિતના સ્થળેથી નમૂનાઓ લઈને ચકાસણી માટે લેબોરેટરી ખાતે મોકલી આપવામાં આવ્યા છે. જેનો રિપોર્ટ આવ્યા બાદ જરૂરી કાર્યવાહી કરવામાં આવશે.

Spread the love

Related posts

12 વર્ષની સાળી ઉપર જીજાએ નજર બગાડી,સાળાને જાણ થતા બનેવી સામે ફરિયાદ નોંધાવી, બીભત્સ માંગણીઓ કરી;બહેનનું લગ્નજીવન ટકાવવા સગીરાએ…!

Team News Updates

માત્ર 4 જ મુહૂર્ત:2 માસ સુધી લગ્નનાં એક પણ મુહૂર્ત નથી ,રાજકોટમાં 4 દિવસમાં 1,700 લગ્ન થશે ઉનાળામાં 

Team News Updates

જેતપુરમાં માતા હોસ્પિટલમાં સારવારમાં હતી ત્યારે એકલતાનો લાભ લઈ સાવકા પિતાએ સગીર વયની પુત્રી પર દુષ્કૃત્ય આચર્યું

Team News Updates