ત્રિપુરા વિધાનસભાના સત્રના પ્રથમ દિવસે જ ભારે હંગામો થયો. ત્રિપુરા મોથા પાર્ટીના ધારાસભ્ય અનિમેષ દેબબર્માએ ભાજપના ધારાસભ્ય જાદબલાલ નાથનો વિધાનસભામાં પોર્ન ક્લિપ જોવાનો મુદ્દો ઉઠાવ્યો હતો. વિધાનસભા અધ્યક્ષે અન્ય મહત્વના મુદ્દા બાદ આ મુદ્દો ઉઠાવવાનું કહેતા વિપક્ષના ધારાસભ્યોએ સૂત્રોચ્ચાર શરૂ કરી દીધા. ભાજપના ધારાસભ્યો અને વિપક્ષના ધારાસભ્યો સામસામે આવી ગયા અને ગરમા ગરમીનું વાતાવરણ સર્જાયું. કેટલાક ધારાસભ્યો તો અધ્યક્ષની સામે આવેલા ટેબલ પર ચડી ગયા અને સૂત્રોચ્ચાર કરવા લાગ્યા. આ ઘટના બાદ 5 ધારાસભ્યોને સસ્પેન્ડ કરી દેવાયા છે.
