શ્રી સાર્વજનિક કોમર્સ કોલેજ ગોધરાના એનએસએસ માં જોડાયેલા વર્ષ 2023 24 ના બી.કોમ સેમેસ્ટર 1ના વિદ્યાર્થીઓનો ઓરીએન્ટશન કાર્યક્રમ કોમર્સ કોલેજ ગોધરાના ઇન્ચાર્જ પ્રિન્સિપાલ અને NSS ના પ્રોગ્રામ ઓફિસર ડો. અરુણસિંહ સોલંકી દ્વારા યોજાઈ ગયો જેમાં એનએસએસ શું છે, એનએસએસ માં જોડાવાથી વિદ્યાર્થી કેવી રીતે પોતાની પ્રતિભા ખીલવી શકે, શિબિર શું છે?,સરકારી વિવિધ યોજનાઓ, ચૂંટણીલક્ષી વિગતો વગેરેની વિગતવાર માહિતી આપવામાં આવી હતી.
આ પ્રસંગે ખાસ પધારેલા ગોધરાના શિક્ષક અને પ્રસિદ્ધ હાસ્ય કલાકાર દીવાકર શુક્લએ મોટીવેશન વિથ મનોરંજન કાર્યક્રમ દ્વારા વિદ્યાર્થીઓને જીવન ઉપયોગી અનેક મોટીવેશનલ બાબતો કહી સાથે સાથે વિદ્યાર્થીઓ હસીને લોથપોથ થઈ જાય તેવા અનેક પ્રસંગો- જોક્સ -શાયરીઓ રજૂ કરી ઉપસ્થિત 100 ઉપરાંત વિદ્યાર્થીઓને ખુશખુશાલ કરી દીધા હતા.
સમગ્ર કાર્યક્રમનું સફળ સંચાલન એનએસએસ લીડર કુ. નિશિ શાહ દ્વારા તથા આભાર વિધિ કુ. માનસી ખરાદી દ્વારા કરવામાં આવી હતી.
અહેવાલ : ગણપત મકવાણા (પંચમહાલ)
