News Updates
ENTERTAINMENT

બિગ બોસ 16 ફેમ અર્ચના ગૌતમના પિતા પર હુમલો, કોંગ્રેસ કાર્યાલયની બહાર કાર્યકરોએ કર્યું ગેરવર્તન

Spread the love

બિગ બોસ 16માં જોવા મળેલી અર્ચના ગૌતમ હવે ફેમસ નામ બની ગઈ છે. અર્ચના ગૌતમનો એક વીડિયો સોશિયલ મીડિયા પર વાયરલ થઈ રહ્યો છે. જેમાં અર્ચનાના પિતાને માર મારવામાં આવી રહ્યો છે. વાયરલ થઈ રહેલા આ વીડિયોને જોઈને દરેક લોકો આશ્ચર્યચકિત થઈ ગયા છે. વીડિયોમાં અર્ચના તેના પિતા માટે પાણી પણ માંગી રહી છે.

જ્યારે પણ બિગ બોસ 16 ની વાત થાય છે ત્યારે અર્ચના ગૌતમનું નામ સામે આવે છે. અર્ચના સિઝન 16નું મનોરંજન પેકેજ હતું. તેના કારણે શોને ઘણી ટીઆરપી મળી. તે ટોપ 5માં પણ પહોંચી ગઈ હતી. પરંતુ આ દરમિયાન સોશિયલ મીડિયા પર એક વીડિયો વાયરલ થઈ રહ્યો છે. જેમાં મેરઠની અર્ચના ગૌતમ અને તેના પિતા સાથે ખરાબ વર્તન કરવામાં આવી રહ્યું છે. વાયરલ થઈ રહેલા વીડિયોમાં એક્ટ્રેસના પિતાને માર પણ મારવામાં આવી રહ્યો છે.

પિતા માટે પાણી માંગ્યું

સોશિયલ મીડિયા પર વાયરલ થઈ રહેલા આ ચોંકાવનારા વીડિયોમાં અર્ચના ગૌતમ અને તેના પિતાને એક જૂથ દ્વારા ધક્કો મારતા અને માર મારતા જોઈ શકાય છે. આ વીડિયો કોંગ્રેસ કાર્યાલયની બહારનો છે અને માનવામાં આવે છે કે હુમલો કરનારા આ તમામ લોકો કોંગ્રેસના કાર્યકર્તા છે. વીડિયોની શરૂઆતમાં અર્ચનાના પિતા જમીન પર પડેલા જોવા મળે છે. અર્ચના તેના પિતાનો બચાવ કરતી જોવા મળે છે. વીડિયોમાં અભિનેત્રી ચીસો પાડીને પાણી માંગતી જોવા મળે છે.

અર્ચના કોંગ્રેસ પાર્ટીની મોટી સમર્થક

એવું માનવામાં આવે છે કે, અર્ચના સંસદમાં મહિલા બિલ પાસ થવા પર પ્રિયંકા ગાંધી અને મલ્લિકાર્જુન ખડગેને અભિનંદન આપવા કોંગ્રેસ પાર્ટી ઓફિસમાં પ્રવેશવાનો પ્રયાસ કરી રહી હતી. વાયરલ વીડિયોના કેપ્શનમાં આપવામાં આવેલી માહિતી મુજબ અર્ચના ગૌતમ અને તેના પિતાને કોંગ્રેસ પાર્ટીના કાર્યકરોએ કથિત રીતે માર માર્યો હતો. તેમને પાર્ટી ઓફિસમાં પ્રવેશતા અટકાવવામાં આવ્યા હતા અને ગેટ પર જ માર મારવામાં આવ્યો હતો. અર્ચના કોંગ્રેસ પાર્ટીની મોટી સમર્થક છે.

તમને જણાવી દઈએ કે અર્ચના ગૌતમે કોંગ્રેસની ટિકિટ પર મેરઠના હસ્તિનાપુરથી ઉત્તર પ્રદેશ વિધાનસભા ચૂંટણી લડી છે. ચૂંટણી દરમિયાન તેમને પ્રિયંકા ગાંધીનું ઘણું સમર્થન મળ્યું હતું. જોકે તેણી ચૂંટણી હારી ગઈ હતી. બિગ બોસ 16 પછી હવે અર્ચના ગૌતમ દરેક ઘરમાં ઓળખાય છે. બિગ બોસ બાદ તે ખતરોં કે ખિલાડી શોમાં પણ જોવા મળી છે.


Spread the love

Related posts

સાત્વિક-ચિરાગની જોડી ચાઈના માસ્ટર્સની ફાઇનલમાં હારી:તેઓ ચોથી BWF વર્લ્ડ ટૂર ફાઈનલમાં રમ્યા; વર્લ્ડ નંબર-1 ચીનની લિયાંગ-વાંગની જોડી ચેમ્પિયન બની

Team News Updates

અદા શર્માએ ‘ધ કેરલ સ્ટોરી’ની સફળતા પર વાત કરી:શાલિની ઉન્નીકૃષ્ણનના રોલથી શારીરિક અને ભાવનાત્મક રીતે ભાંગી પડ્યા, તેના ડાઘ જીવનભર રહેશે

Team News Updates

‘અજમેર-92’ ફિલ્મ રિલીઝ, કેવી રીતે બહાર આવ્યું બ્લેકમેલિંગ કૌભાંડ:પત્રકારે જણાવ્યું હતું કે ‘સમાચારથી કઇ ન થયું, જ્યારે છોકરીઓના ફોટા પ્રકાશિત થયા ત્યારે હોબાળો થયો’

Team News Updates