જો તમે પણ આઈફોનની સુરક્ષાને લઈને ચિંતિત છો તો તમને જણાવી દઈએ કે તેને હેક કરી શકાય છે. એન્ડ્રોઈડ સ્માર્ટફોનની જેમ હેકર્સ આઈફોન પણ હેક કરી શકે છે. એક રિપોર્ટમાં એવો પણ ખુલાસો થયો છે કે iPhone 13 Pro માત્ર 1 સેકન્ડમાં હેક થઈ ગયો છે. આ સિવાય કેટલાક અભ્યાસ એવા પણ સામે આવ્યા છે જે દર્શાવે છે કે iPhone હેક થઈ શકે છે.
જર્મનીની યુનિવર્સિટી ઓફ ડર્મસ્ટેડના સંશોધકોએ શોધી કાઢ્યું છે કે આઇફોન સ્વિચ ઓફ હોવા છતાં પણ તેને હેક કરી શકાય છે. તેમના અભ્યાસ મુજબ, તે iPhone 12 હોય કે iPhone 13 અથવા અન્ય કોઈ iPhone હોય, તે માલવેર અને હેકિંગ દ્વારા તોડી શકાય છે. જો આઇફોન સ્વીચ ઓફ હોય તો પણ હેકિંગ થશે કારણ કે આઇફોનના કેટલાક ફીચર્સ સ્વીચ ઓફ થયા પછી પણ એક્ટિવ રહે છે.
આઇફોનમાં બ્લૂટૂથ, નીયર ફિલ્ડ કોમ્યુનિકેશન (NFC) અને અલ્ટ્રા-વાઇડબેન્ડ (UWB) પાવર બંધ થયા પછી પણ કામ કરવાનું ચાલુ રાખે છે. આ ફીચર્સનો ઉપયોગ iPhone શોધવા માટે થાય છે એટલે કે Find My Device ફીચર. હેકર્સ ત્રણેય ફીચર્સ દ્વારા આઈફોન સાથે ચેડા કરી શકે છે.
આઇફોનમાં બ્લૂટૂથ, નીયર ફિલ્ડ કોમ્યુનિકેશન (NFC) અને અલ્ટ્રા-વાઇડબેન્ડ (UWB) પાવર બંધ થયા પછી પણ કામ કરવાનું ચાલુ રાખે છે. આ ફીચર્સનો ઉપયોગ iPhone શોધવા માટે થાય છે એટલે કે Find My Device ફીચર. હેકર્સ ત્રણેય ફીચર્સ દ્વારા આઈફોન સાથે ચેડા કરી શકે છે.
હેકિંગ સંબંધિત આ કેસ એક-બે વર્ષ જૂના છે. દરમિયાન Appleએ ઘણા iOS અપડેટ્સ બહાર પાડ્યા છે, જે iPhoneની સુરક્ષાને મજબૂત બનાવે છે. તેથી, હાલના iPhoneમાં હેકિંગ શક્ય છે કે નહીં તે હજુ સુધી કહી શકાય નહીં. ખાસ કરીને એપલની લેટેસ્ટ iPhone 15 સીરીઝમાં હેક થવાની સંભાવના વિશે કોઈ માહિતી સામે આવી નથી.
