અમેરિકાના શિકાગોમાં એક ભારતીય વિદ્યાર્થી પર હુમલો થયો હતો. આ ઘટના 4 ફેબ્રુઆરીએ બની હોવાનું કહેવાય છે. આ ઘટનાનો એક વીડિયો સામે આવ્યો છે. જેમાં 3 હુમલાખોરો વિદ્યાર્થીનો પીછો કરતા જોવા મળે છે. આ પછી ત્રણેય તેને ખૂબ માર માર્યો અને ફોન છીનવીને ભાગી ગયા. વિદ્યાર્થી લોહીથી લથપથ જોવા મળે છે.
વિદ્યાર્થીનું નામ સૈયદ મઝહિર અલી છે. તે હૈદરાબાદનો રહેવાસી છે અને તેની માસ્ટર્સ ડિગ્રી માટે અમેરિકા ગયો છે. અહીં, વિદ્યાર્થીની પત્નીએ વિદેશ મંત્રી એસ જયશંકરને લેટર લખીને તેને બેસ્ટ મેડિકલ ટ્રીટમેન્ટ આપવા માટે કહ્યું છે અને તેના ત્રણ બાળકો સાથે અમેરિકા મોકલવાની વ્યવસ્થા કરવાની માગ કરી છે.
આ દરમિયાન સમીર કામથ નામના ભારતીય-અમેરિકન વિદ્યાર્થીનો મૃતદેહ ઇન્ડિયાના રાજ્યના એક પાર્કમાંથી મળી આવ્યો છે. તેણે માસ્ટર્સ પૂર્ણ કર્યું હતું અને પીએચડી કરી રહ્યો હતો. તેની પાસે ભારતની સાથે અમેરિકાની નાગરિકતા પણ હતી.
શિકાગોમાં હુમલો કરનાર વિદ્યાર્થીની પત્નીએ કહ્યું- મને યુએસ મોકલો
શિકાગોમાં જે વિદ્યાર્થી પર હુમલો થયો હતો તે હુમલા બાદ વીડિયોમાં મદદ માંગતો જોવા મળ્યો હતો. તેણે કહ્યું- પ્લીઝ હેલ્પ મી. વીડિયો સામે આવ્યા બાદ મઝહિરની પત્ની સૈયદા રૂકુલિયા ફાતિમા રિઝવીએ વિદેશ મંત્રી એસ જયશંકરને પત્ર લખ્યો હતો.
વીડિયોમાં વિદ્યાર્થીએ કહ્યું- પ્લીઝ હેલ્પ મી આ વીડિયોમાં વિદ્યાર્થી મદદ માંગતો જોવા મળ્યો હતો. તેણે કહ્યું- પ્લીઝ હેલ્પ મી. વીડિયો સામે આવ્યા બાદ મઝહિરની પત્ની સૈયદા રૂકુલિયા ફાતિમા રિઝવીએ વિદેશ મંત્રી એસ જયશંકરને લેટર લખ્યો હતો. જેમાં તેણે કહ્યું- હું શિકાગોમાં મારા પતિની સુરક્ષાને લઈને ખૂબ જ ચિંતિત છું. હું તમને વિનંતી કરું છું કે તમે તેને મદદ કરો જેથી તેને બેસ્ટ મેડિકલ ટ્રિટમેન્ટ મળી શકે. હું મારા પતિ સાથે રહેવા માટે મારા ત્રણ નાના બાળકો સાથે અમેરિકા જવા માગુ છું. જો શક્ય હોય તો આ માટે જરૂરી વ્યવસ્થા કરવી જોઈએ.
વિદ્યાર્થી ભોજન લેવા બહાર ગયો હતો
ઘટના બાદ કેટલાક લોકો વિદ્યાર્થીની મદદ માટે આવ્યા હતા. મઝહિરે તેને કહ્યું- હું ખાવાનું લેવા ઘરેથી નીકળ્યો હતો. મેં પાર્સલ લીધું અને ઘરે રવાના થયો. એ સમયે ત્રણ લોકો આવ્યા અને મારો પીછો કરવા લાગ્યા. તેણે મારા પર હુમલો કર્યો. જ્યારે લોકોનાં ટોળા ભેગાં થવા લાગ્યાં તો તેઓ ફોન લઈને ભાગી ગયા.
ભારતીય મૂળના વિદ્યાર્થીઓ પર હુમલા વધ્યા
સરકાર અને પ્રશાસન પણ અમેરિકામાં ગોળીબારની ઘટનાઓને અટકાવી શક્યું નથી. રાષ્ટ્રપતિ જો બિડેન અને ઉપરાષ્ટ્રપતિ કમલા હેરિસે પણ આવી ઘટનાઓ પર ચિંતા વ્યક્ત કરી છે, પરંતુ કોઈ ઉકેલ શોધી શક્યા નથી. આ દરમિયાન ભારતીય મૂળના વિદ્યાર્થીઓ પર હુમલાની ઘટનાઓ પણ વધી છે. ગયા અઠવાડિયે અમેરિકાના ઓહાયો રાજ્યના સિનસિનાટીમાં શ્રેયસ રેડ્ડી નામના ભારતીય વિદ્યાર્થીનું શંકાસ્પદ રીતે મોત થયું હતું. તેમના મૃત્યુનું કારણ હજુ સ્પષ્ટ થયું નથી. આ પહેલાં પણ બે ભારતીય વિદ્યાર્થીઓનાં મોત થયાં હતાં.
જાન્યુઆરી 2024માં 4 ભારતીય વિદ્યાર્થીઓનાં મોત થયાં હતાં
જાન્યુઆરી 2024થી ચાર ભારતીય વિદ્યાર્થીઓ – શ્રેયસ રેડ્ડી, નીલ આચાર્ય, વિવેક સૈની અને અકુલ ધવનની અમેરિકામાં હત્યા કરવામાં આવી છે.
શ્રેયસનું 2 ફેબ્રુઆરીએ અમેરિકાના ઓહાયોમાં મોત થયું છે. જોકે, મૃત્યુ ક્યાં અને કેવી રીતે થયું તે અંગેની માહિતી બહાર આવી નથી. ન્યૂયોર્કમાં સ્થિત ભારતીય કોન્સ્યુલેટે શ્રેયસના મોત અંગે જાણકારી આપતાં કહ્યું- શ્રેયસ રેડ્ડી બેનિગર બિઝનેસનો અભ્યાસ કરી રહ્યો હતો. તેના મૃત્યુના સમાચાર સાંભળીને તેઓ દુઃખી છે.
ઠંડીના કારણે અકુલ ધવને જીવ ગુમાવ્યો હતો
અકુલ ધવનનો મૃતદેહ 20 જાન્યુઆરી, 2024ના રોજ યુનિવર્સિટી ઓફ ઇલિનોઇસ અર્બના-ચેમ્પેનની બહાર મળી આવ્યો હતો. પોસ્ટ મોર્ટમ રિપોર્ટ અનુસાર તેનું મોત ઠંડીના કારણે થયું હતું. રિપોર્ટમાં કહેવામાં આવ્યું છે કે અકુલના મૃત્યુનું કારણ હાઈપોથર્મિયા હતું. આ એવી સ્થિતિ છે જેમાં શરીરનું તાપમાન સામાન્ય કરતાં ઓછું થઈ જાય છે. અકુલ ધવન ગુમ થયાના સમાચાર હતા. આ પછી ધવનનાં માતા-પિતાએ યુનિવર્સિટી પર બેદરકારીનો આરોપ લગાવ્યો હતો.
