News Updates
ENTERTAINMENT

RCB:આજે ગુજરાત હારશે તો કોને થશે ફાયદો?કોહલીની ટીમે મોટો કૂદકો મારી ભલભલી ટીમના ધબકારા વધાર્યા:’લક’ બાય ‘ચાન્સ’

Spread the love

ઈન્ડિયન પ્રીમિયર લીગ (IPL 2024)માં લીગ તબક્કાની 63 મેચ સમાપ્ત થઈ ગઈ છે. રવિવારે 2 મેચ રમાઈ હતી. પ્રથમ મેચમાં ચેન્નાઈ સુપર કિંગ્સે રાજસ્થાન રોયલ્સને 5 વિકેટે હરાવ્યું હતું. બીજી મેચમાં રોયલ ચેલેન્જર્સ બેંગલુરુએ દિલ્હી કેપિટલ્સને 40 રને હરાવ્યું હતું.

આ પરિણામો સાથે CSK નંબર-3 પર પહોંચી ગયું છે. જ્યારે RR બીજા સ્થાને છે. RCB પાંચમા સ્થાને પહોંચી ગયું છે, જ્યારે DC છઠ્ઠા સ્થાને સરકી ગયું છે.

RCBની ટીમ પાંચમા સ્થાને પહોંચી ગઈ છે. RCBના હવે 13 મેચમાં 12 પોઈન્ટ છે. સારી વાત એ છે કે RCBનો નેટ રન રેટ પણ ઘણો સારો (0.387) બની ગયો છે. RCB હવે 18મી મેના રોજ ચેન્નાઈ સુપર કિંગ્સ (CSK) સામે ઘરઆંગણે તેની છેલ્લી મેચ રમવાની છે. જો RCB તે મેચ જીતે તો પણ પ્લેઓફની ટિકિટ કન્ફર્મ થશે નહીં. આ માટે, કેટલાક સમીકરણો પર કામ કરવા ઉપરાંત, RCBને નસીબની મદદની પણ જરૂર છે.

RCB માટે શ્રેષ્ઠ સ્થિતિ એ હશે કે સનરાઇઝર્સ હૈદરાબાદ (SRH) તેમની એક અથવા બંને મેચ જીતે અને ત્રીજા સ્થાને રહેવાની ખાતરી કરે. ઉપરાંત, લખનઉ સુપર જાયન્ટ્સ ઓછામાં ઓછી એક મેચ હારે. લખનઉ સુપર જાયન્ટ્સ (LSG)એ દિલ્હી કેપિટલ્સ અને મુંબઈ ઈન્ડિયન્સ (MI) સામે મેચ રમવાની છે. જો આમ થશે તો ચેન્નાઈ સુપર કિંગ્સ અને RCB વચ્ચેની મેચ ઘણી મહત્વની બની જશે.

તે મેચમાં, જીત ઉપરાંત, આરસીબીએ નેટ-રન-રેટમાં પણ CSKને પાછળ છોડવું પડશે. નેટ-રન-રેટમાં CSKને પછાડવા માટે, RCBએ તેમની સામે 18 રન કે તેથી વધુથી જીતવું પડશે (માનીએ તો RCBએ પ્રથમ બેટિંગ કરતી વખતે 200 રન બનાવ્યા). જો આરસીબીને 201 રનનો ટાર્ગેટ આપવામાં આવે છે, તો તે ટાર્ગેટ 11 બોલ બાકી રહેતા હાંસલ કરવો પડશે.

ચેન્નઈમાં IPLની પ્રથમ મેચમાં રાજસ્થાન રોયલ્સે પ્રથમ બેટિંગ કરીને 141 રન બનાવ્યા હતા. ચેન્નઈએ 18.2 ઓવરમાં 5 વિકેટ ગુમાવીને લક્ષ્ય હાંસલ કરી લીધું હતું.

  • ચેન્નઈના હવે 13 મેચમાં 7 જીત અને 6 હારથી 14 પોઈન્ટ છે. ટીમ ત્રીજા સ્થાને છે અને તેને ક્વોલિફાય થવા માટે માત્ર એક વધુ જીતની જરૂર છે.
  • રાજસ્થાનના 12 મેચમાં 8 જીત અને 4 હાર સાથે 16 પોઈન્ટ છે. ટીમ હાલમાં બીજા સ્થાને છે, જોકે તેને ક્વોલિફાય થવા માટે બેમાંથી વધુ એક જીતની જરૂર છે.

રવિવારની બીજી મેચમાં રોયલ ચેલેન્જર્સ બેંગલુરુએ પ્રથમ બેટિંગ કરતા 187 રન બનાવ્યા હતા. દિલ્હી 19.1 ઓવરમાં 140 રન બનાવીને ઓલઆઉટ થઈ ગઈ હતી.

  • RCBના હવે 13 મેચમાં 6 જીત અને 7 હારથી 12 પોઈન્ટ છે. ટીમ સાતમા સ્થાનેથી પાંચમા સ્થાને પહોંચી ગઈ છે. ક્વોલિફાય થવા માટે હવે તેમને છેલ્લી મેચમાં ચેન્નાઈને હરાવવી પડશે.
  • દિલ્હીના પણ 13 મેચમાં 6 જીત અને 7 હારથી 12 પોઈન્ટ છે, પરંતુ RCB કરતા ખરાબ રન રેટના કારણે ટીમ છઠ્ઠા સ્થાને છે. ક્વોલિફાય થવા માટે તેણે હવે છેલ્લી મેચમાં લખનૌને હરાવવું પડશે અને અન્ય પરિણામો પર પણ નિર્ભર રહેશે.

આજે 17મી સિઝનમાં ગુજરાત ટાઇટન્સ અને કોલકાતા નાઇટ રાઇડર્સ વચ્ચે મુકાબલો થશે. ગુજરાતના 12 મેચમાં 5 જીત અને 7 હાર સાથે 10 પોઈન્ટ છે. ટીમ 8મા નંબર પર છે અને આજની મેચ જીત્યા બાદ તે 12 પોઈન્ટ સાથે 8મા નંબર પર રહેશે. જોકે, જો 70 કે તેથી વધુ રનના માર્જિનથી જીત મળે છે તો ટીમ છઠ્ઠા સ્થાને પણ પહોંચી શકે છે. જો ટીમ હારી જશે તો તે પ્લેઓફની રેસમાંથી બહાર થઈ જશે.

કોલકાતા નાઈટ રાઈડર્સના 12 મેચમાં 9 જીત અને 3 હારથી 18 પોઈન્ટ છે. ટીમ નંબર વન પર છે અને પ્લેઓફમાં જગ્યા બનાવી લીધી છે. ગુજરાતને હરાવીને ટીમ ટોપ-2માં રહેવાની પુષ્ટિ કરી શકે છે, આનાથી તેમને ક્વોલિફાયર-1 રમવાની તક મળશે. જો તે હારશે તો પણ ટીમ નંબર વન પર રહેશે.

MIનો જસપ્રીત બુમરાહ 13 મેચમાં 20 વિકેટ સાથે ટૂર્નામેન્ટનો ટોપ વિકેટ લેનાર બોલર છે. CSKનો તુષાર દેશપાંડે 16 વિકેટ સાથે ચોથા સ્થાને પહોંચી ગયો છે.

RCBનો વિરાટ કોહલી ટૂર્નામેન્ટનો ટોપ રન સ્કોરર છે. તેના નામે 13 મેચમાં 661 રન છે. તેના પછી CSKના કેપ્ટન ઋતુરાજ ગાયકવાડે 13 મેચમાં 583 રન બનાવ્યા છે.

વિરાટ કોહલીએ દિલ્હી સામે 3 સિક્સર ફટકારી, ટૂર્નામેન્ટમાં તેની કુલ સિક્સર 33 થઈ ગઈ. ટોપ સિક્સ હિટર્સની યાદીમાં તે બીજા સ્થાને પહોંચી ગયો છે. SRHનો અભિષેક શર્મા 35 છગ્ગા સાથે નંબર વન પર છે.

RCBના વિરાટ કોહલીએ ટૂર્નામેન્ટમાં 56 ચોગ્ગા ફટકાર્યા, તે સૌથી વધુ ચોગ્ગા મારનારા ખેલાડીઓમાં ત્રીજા ક્રમે છે. CSKનો ઋતુરાજ ગાયકવાડ 58 ચોગ્ગા સાથે બીજા સ્થાને છે. જ્યારે SRHનો ટ્રેવિસ હેડ 61 ચોગ્ગા સાથે નંબર વન પર છે.


Spread the love

Related posts

ખરાબ ફોર્મના કારણે રોહિતને IPLની કેપ્ટનશિપથી હટાવી દેવાયો:કોચ બાઉચરે કહ્યું- હવે તે દબાણ વગર બેટિંગ કરશે; હાર્દિક સારો લીડર છે

Team News Updates

LIVEભારતે ઘોડેસવારીમાં 1982 બાદ પહેલો ગોલ્ડ મેડલ જીત્યો:ઇબાદ અલીએ બ્રોન્ઝ જીત્યો; ભારતને અત્યાર સુધીમાં 3 ગોલ્ડ સહિત 14 મેડલ

Team News Updates

સુશાંત ઈન્ડસ્ટ્રીની રાજનીતિમાં ફસાઈ ગયો હતો-મનોજ:કહ્યું, ‘તે સ્ટાર બનવા માંગતો હતો, પરંતુ પડદા પાછળના રાજકારણને સમજી શક્યો નહીં’

Team News Updates