News Updates
NATIONAL

હ્યુમન ટ્રાફિકિંગ કૌભાંડ:અમદાવાદની ભાગોળથી સગીરાનું અપહરણ કરી રાજસ્થાનમાં 2 લાખમાં સોદો કર્યો, સોંપે એ પહેલાં પોલીસે એક પરિવારની ધરપકડ કરી

Spread the love

અમદાવાદથી સગીર વયની દીકરીનું અપહરણ કરીને તેમને રાજસ્થાનમાં વેચી મારવાના કૌભાંડનો પર્દાફાશ થયો છે. અમદાવાદના કણભા પોલીસ સ્ટેશનમાં એક સગીર વયની બાળકીનું અપહરણ થયાની ફરિયાદ નોંધાઈ હતી. આ કેસમાં એલસીબી અને એસઓજીએ વધુ તપાસ હાથ ધરી હતી. અલગ અલગ ટીમો બનાવીને ટેક્નિકલ અને ફિલ્ડ વર્ક કરીને આરોપીઓ સગીરાનું અપહરણ કરીને કઈ દિશામાં લઈ ગયાં છે, તેની તપાસ કરવામાં આવી હતી. ત્યાર બાદ પોલીસે આરોપીઓને ઝડપીને શહેરમાં થતાં હ્યુમન ટ્રાફિકિંગના કૌભાંડનો પર્દાફાશ કર્યો હતો.

અઠવાડિયા પહેલાં એક બાળકીનું અપહરણ થયું હતું
પ્રાપ્ત વિગતો પ્રમાણે અમદાવાદ જિલ્લાના કણભા પોલીસ સ્ટેશનમાં ગત 12મી મેના રોજ એક સગીરવયની બાળકીનું અપહરણ થયું હોવાની ફરિયાદ નોંધાઈ હતી. આ ફરિયાદ બાદ આરોપીઓને તાત્કાલિક પકડવા માટે આઈજીપી ચંદ્રશેખરે એલસીબી અને એસઓજીને આદેશ આપ્યો હતો. આરોપીઓને પકડી પાડવા માટે પોલીસે અલગ અલગ ટીમો બનાવી હતી. જેમાં તેઓ કઈ દિશામાં બાળકીને લઈ ગયા છે તેની ટેક્નિકલ અને ફિલ્ડ વર્કને આધારે તપાસ કરવામાં આવી હતી.

અપહરણકાર પરિવારની ચૂંગાલથી બાળકીને છોડાવી
આરોપી અશોક પટેલે તેની પત્ની રેણૂકા તથા રૂપલ મેકવાનની મદદગારીથી સગીરાનું અપહરણ કરીને તેને રાજસ્થાનમાં બે લાખમાં વેચી મારવાનું ષડયંત્ર રચ્યું હતું. તે સગીરાને રાજસ્થાનમાં લઈ જઈને વેચે તે પહેલાં જ પોલીસે આ ત્રણેય આરોપીઓને ઝડપી લીધા હતાં. આરોપીઓની મોડસ ઓપરેન્ડી પ્રમાણે તેઓ સગીર વયની ગરીબ વર્ગની બાળકીઓને નિશાન બનાવતાં હતાં. તેમને લલચાવી, ફોસલાવી, બળજબરી પૂર્વક તેમનું જાતીય શોષણ કરીને તેમને ગુજરાત, મહારાષ્ટ્ર અને રાજસ્થાનમાં લગ્ન માટે તૈયાર કરતાં હતાં અને લગ્ન માટે થઈને મોટી રકમની વસૂલાત કરતાં હતાં.


Spread the love

Related posts

ટ્વિટરને રૂ. 50 લાખનો દંડ ફટકાર્યો:કોર્ટે કહ્યુ-ટ્વિટર કોઈ ખેડૂત નથી, કરોડો ડોલરની કંપની છે; તેને નિયમોની જાણકારી હોવી જોઈએ, કોર્ટે ટ્વિટરની અરજી ફગાવી

Team News Updates

IPS હર્ષવર્ધનનું  મોત ગાડીનું ટાયર ફાટતા દુર્ઘટના ઘટી , પહેલી જ પોસ્ટિંગ માટે હાસન જઈ રહ્યા હતા

Team News Updates

વહેલી સવારે 4 વાગે મરચાંની ફેટકરી પર દરોડા:વિજાપુરમાં ગોડાઉનમાં સંચાલક મરચું બનાવવા કલર પાઉડર નાખતો રંગેહાથ ઝડપાયો, અધિકારીએ 2 રાત રેકી કરી હતી

Team News Updates