અમદાવાદમાં બિસ્માર રસ્તાઓ રખડતા ઢોર અને ટ્રાફિકની સમસ્યા મુદ્દે થયેલી અરજી પર કોર્ટમાં સુનાવણી કરવામાં આવી છે. બેફામ ટ્રાફિકની વ્યવસ્થા સામે હાઈકોર્ટે પણ ટકોર કરી છે. હાઈકોર્ટે કહ્યું છે કે, કાયદો તોડવાવાળા બેફામ બન્યા છે.
અમદાવાદમાં બિસ્માર રસ્તાઓ રખડતા ઢોર અને ટ્રાફિકની સમસ્યા મુદ્દે થયેલી અરજી પર કોર્ટમાં સુનાવણી કરવામાં આવી છે. બેફામ ટ્રાફિકની વ્યવસ્થા સામે હાઈકોર્ટે પણ ટકોર કરી છે. હાઈકોર્ટે કહ્યું છે કે, કાયદો તોડવાવાળા બેફામ બન્યા છે. ત્યારે કાયદાની અમલવારી કરાવનારાઓને કડક હાથે કામ લેવું પડશે.
લોકો દારૂ પીને ગાડી ચલાવે છે અને હીટ એન્ડ રનના કિસ્સા બને છે. પોલીસ માત્ર અલગ અલગ ડ્રાઈવ કરશે એટલું પુરતું નથી. સારા નાગરિકની વર્તણૂક કેવી હોય તેનું ભાન કરાવવું પડશે. ટાયર કિલર્સનો તોડ શોધ્યો તેવા લોકો સામે કડક કાર્યવાહી થવી જોઈએ. તો બીજી તરફ CCTV યોગ્ય રીતે નહીં ચાલતા હોવાની પણ કોર્ટે ટકોર કરી છે.
25-07-2023 થી 07-08-2023 સુધી પોલીસે કરેલી વિવિધ કામગીરીની વિગતો કોર્ટના ધ્યાને મુકાઈ
1. સીટબેલ્ટના કેસોની વિગત કેસની સંખ્યા – 1597, દંડની રકમ – 8,06,000
2. ખોટી લેનનો ઉપયોગ અંગેના કેસોની વિગત કેસની સંખ્યા – 166, દંડની રકમ – 2,79,200
3. હેલ્મેટ અંગેના કેસો ની વિગત કેસની સંખ્યા – 424, દંડની રકમ – 2,20,100
4. ત્રણ સવારી અંગેના કેસોની વિગત કેસની સંખ્યા – 102, દંડની રકમ – 10,700
5. ફ્રી લેફ્ટ અંગેના કેસોની વિગત કેસની સંખ્યા – 22, દંડની રકમ – 11,000
6. નો-પાર્કિંગ અંગેના કેસોની વિગત કેસની સંખ્યા – 3506, દંડની રકમ – 18,30,000
7. બીઆરટીએસ લેનમાં ડ્રાઇવિંગ અંગેના કેસોની વિગત કેસની સંખ્યા – 6, દંડની રકમ – 6000
8. ચાલુ વાહને મોબાઈલનો ઉપયોગ અંગેના કેસોની વિગત કેસની સંખ્યા – 250, દંડની રકમ – 1,30,600
9. ઓટોરિક્ષા ડ્રાઇવર સીટ ઉપર મુસાફરો બેસાડવા અંગેના કેસોની વિગત કેસની સંખ્યા – 60, દંડની રકમ – 29,200
10. ભારે વાહનના જાહેરનામા ભંગ અંગેના કેસોની વિગત કેસની સંખ્યા – 127, દંડની રકમ – 3,28,500
11. ફેન્સી નંબર પ્લેટ અંગેના કેસોની વિગત કેસની સંખ્યા – 1792, દંડની રકમ – 7,16,700
12. ડાર્ક ફિલ્મ અંગેના કેસોની વિગત કેસની સંખ્યા – 359, દંડની રકમ – 1,86,500
13. ઓવરસ્પીડ અંગેના કેસોની વિગત કેસની સંખ્યા – 4, દંડની રકમ – 5,500
14. ખતરનાક ડ્રાઇવિંગ અંગેના કેસનો વિગત (રોંગ સાઇડ) કેસની સંખ્યા – 1254, દંડની રકમ – 28,54,500
