સમગ્ર ભારતમાં લાખો મંદિરો છે, જ્યાં ભક્તો હંમેશા દર્શને આવે છે. જો આપણે માત્ર ઓડિશાની રાજધાની ભુવનેશ્વરની વાત કરીએ તો અહીં 500 થી વધુ મંદિરો છે. તે ભારતના ટેમ્પલ સિટી તરીકે પણ ઓળખાય છે. ભક્તો મંદિરોમાં જાય છે અને મનોકામના પૂર્ણ થયા બાદ પોતાની ક્ષમતા મુજબ દાન કરે છે. આજે અમે તમને દેશના સૌથી અમીર મંદિરો વિશે જણાવીશું.
પદ્મનાભસ્વામી મંદિર: આ મંદિર દક્ષિણ ભારતીય રાજ્ય કેરળની રાજધાની તિરુવનંતપુરમમાં આવેલું છે. આ મંદિર ભગવાન વિષ્ણુને સમર્પિત છે. આ મંદિરની કુલ સંપત્તિ 1,20,000 કરોડ રૂપિયા છે.
તિરુપતિ બાલાજી: આંધ્રપ્રદેશમાં સ્થિત ભગવાન વેંકટેશ્વર સ્વામીનું મંદિર તિરુપતિ બાલાજી પણ દુનિયાભરમાં પ્રખ્યાત છે. તેની ગણના દેશના બીજા સૌથી અમીર મંદિરોમાં થાય છે. આ મંદિરમાં લગભગ 9 ટન સોનું અને 14,000 કરોડ રૂપિયાની સંપત્તિ છે.
શિરડી સાંઈ બાબા: શિરડી સાંઈ મંદિર પણ ધાર્મિક આસ્થાનું કેન્દ્ર છે. મીડિયા રિપોર્ટ્સ અનુસાર, આ મંદિરની વાર્ષિક કમાણી લગભગ 1800 કરોડ રૂપિયા છે.
સિદ્ધિ વિનાયક મંદિર: મુંબઈના સિદ્ધિ વિનાયક મંદિરની ગણના પણ દેશના પ્રખ્યાત મંદિરોમાં થાય છે. દર વર્ષે લાખો ભક્તો અહીં બાપ્પાના દર્શન કરવા આવે છે. આ મંદિરની વાર્ષિક કમાણી 125 કરોડ રૂપિયા છે.
