News Updates
AHMEDABAD

16 વર્ષની સગીરાને ગર્ભપાતની મંજૂરી:અમદાવાદના નિકોલમાં દુષ્કર્મનો ભોગ બની હતી, હાલ 27 અઠવાડિયાનો ગર્ભ, અસારવા સિવિલ હોસ્પિટલમાં ગર્ભપાત કરાશે

Spread the love

ગુજરાત હાઈકોર્ટમાં જજ સમીર દવેની કોર્ટમાં એડવોકેટ નિસર્ગ શાહ દ્વારા 16 વર્ષીય સગીરાના ગર્ભપાત માટે અરજી આવી હતી. આ સગીરાને હાલ 27 સપ્તાહનો ગર્ભ છે. જોકે હાઈકોર્ટે સગીરાને ગર્ભપાતની મંજૂરી આપી છે. સગીરાને અમદાવાદના નિકોલ પોલીસ મથકે આ કેસ અંગે આરોપી સામે ફરિયાદ નોંધાઈ છે.

કોર્ટે નિકોલના પોલીસ ઇન્સ્પેક્ટરને તપાસના આદેશ આપ્યા હતા
કેસની ગંભીરતાને ધ્યાનમાં રાખીને જજ સમીર દવેએ અમદાવાદ અસારવા સિવિલ હોસ્પિટલના મેડિકલ સુપરિટેન્ડેન્ટ ડોક્ટરોની એક્સપર્ટ પેનલ દ્વારા મેડિકલ ટર્મિનેશન ઓફ પ્રેગનન્સી (MTP) એક્ટ મુજબ શારીરિક તપાસ કરીને તેનો રિપોર્ટ કોર્ટ સમક્ષ રજૂ કરવા આદેશ કર્યો હતો. તેમજ સગીરાને હોસ્પિટલ લઈ જવા અને વ્યવસ્થાઓ સરળ બનાવવા કોર્ટે નિકોલના પોલીસ ઇન્સ્પેક્ટરને પણ આદેશ આપ્યા હતા.

આ અંગેનો ઓર્ડર વકીલને બપોરે 1 વાગ્યે મળી જશે
આજે સગીરાની મેડિકલ તપાસ બાદ તેનો મેડિકલ રિપોર્ટ હાઈકોર્ટ સમક્ષ મૂકાયો હતો. જેનો અભ્યાસ કરીને જજ સમીર દવેએ સગીરાના ગર્ભપાત માટે આજે સિવિલ હોસ્પિટલ, અસારવા મેડિકલ સુપરિટેન્ડેન્ટને નિર્દેશ આપ્યા હતા. આ અંગેનો ઓર્ડર વકીલને બપોરે 1 વાગ્યે મળી જશે. ત્યારબાદ અમદાવાદ અસારવા સિવિલ હોસ્પિટલ ખાતે સગીરાના ગર્ભપાતની પ્રક્રિયા હાથ ધરાશે.

અગાઉ પણ 16 વર્ષની સગીરાને મળી હતી ગર્ભપાતની મંજૂરી
અઠવાડિયા પહેલા પણ ગુજરાત હાઇકોર્ટમાં મહેસાણાની 16 વર્ષ અને 3 મહિનાની સગીરાના 18 સપ્તાહના ગર્ભના ગર્ભપાત મંજૂરી આપી હતી. આ કેસમાં સગીરાના ભાઈએ એડવોકેટ નિધિ બારોટ મારફત અરજી કરી હતી, જે જજ સમીર દવેની કોર્ટમાં ઉપસ્થિત થઈ હતી. આ કેસમાં સગીરા સાથે દુષ્કર્મ કરનાર આરોપીની સામે કડી પોલીસ મથકે ફરિયાદ નોંધવામાં આવી હતી. આ મુદ્દે કોર્ટે વડનગરની GMERS જનરલ હોસ્પિટલના મેડિકલ સુપરિન્ટેન્ડન્ટને સગીરાની શારીરિક તપાસ કરીને 14 સપ્ટેમ્બર સુધીમાં રિપોર્ટ આપવા જણાવ્યું હતું. રિપોર્ટમાં સગીરાને 18 સપ્તાહનો નોર્મલ ગર્ભ હોવાનું સામે આવ્યું હતું.

પુરાવારૂપે ગર્ભનું DNA રાખવા હુકમ કર્યો હતો
અરજદાર દ્વારા મેડિકલ ટર્મિનેશન ઓફ પ્રેગ્નન્સી એક્ટ અંતર્ગત ગર્ભપાત માટે માગેલ કોર્ટના નિર્દેશ મુજબ કોર્ટે ગર્ભપાતની મંજૂરી આપી હતી. આ માટે કડી પોલીસ મથકના પોલીસ-ઇન્સ્પેકટરને એક અઠવાડિયામાં ગર્ભપાતની ક્રિયા પતી જાય એવું મેનેજમેન્ટ કરવા આદેશ કર્યા હતા. આ સાથે જ આરોપી સામેના કેસમાં પુરાવારૂપે ગર્ભનું DNA રાખવા હુકમ કર્યો હતો. ઉલ્લેખનીય છે કે, કોર્ટે નોંધ્યું હતું કે, આ કેસમાં સગીરાનો ગર્ભપાત હાય રિસ્ક ધરાવે છે.


Spread the love

Related posts

ગુજરાતમાં ફરી વરસાદની આગાહી, પાંચ દિવસમાં આ વિસ્તારોમાં થંડરસ્ટ્રોમ સાથે થશે માવઠું

Team News Updates

20 લાખ લઈ ફરાર અમદાવાદમાં યુવક ગોલ્ડ લોન્ડ ટ્રાન્ફર કરાવવાના બહાને 

Team News Updates

‘ભ્રષ્ટ લોકોએ ઉપજાવેલું આ ષડયંત્ર’:ફોરેસ્ટ કર્મચારી અને ખેડૂતો વચ્ચે રાજીખુશીથી સમાધાન થઈ ગયા બાદ ચૈતરભાઈને ફસાવવામાં આવી રહ્યા છે: ઈસુદાન ગઢવી

Team News Updates