મોરબીનો રહેવાસી પરિવાર દ્વારકા દર્શન માટે ગયો હતો, જ્યાંથી પરત ફરી વેળાએ ટંકારાના લતીપર રોડ પર અલ્ટો કાર પલટી મારી ગઈ હતી. જે અકસ્માતમાં કારમાં સવાર બે વૃદ્ધાના મોત થયા હતા તો બાળકો સહિત પરિવારના 5 સભ્યોને ઈજા પહોંચતા સારવાર માટે હોસ્પિટલ ખસેડાયા છે.
બનાવની પ્રાપ્ત વિગતો મુજબ મોરબીના ઘૂટું રામકો વિલેજમાં રહેતો બારોટ પરિવાર દ્વારકા દર્શન કરવા ગયો હતો અને દર્શન કરી પરત ફરી રહ્યા હતા, ત્યારે આજે વહેલી સવારે ટંકારાના લતીપર રોડ પર અકસ્માત સર્જાયો હતો. અલ્ટો કાર પલટી મારી જતા રોડની નીચે ઉતરી ગઈ હતી. જે અકસ્માતમાં કારમાં સવાર નિર્મળાબેન બારોટ અને ગૌરીબેન રેણુકાના કરુણ મોત થયા હતા.
કારમાં સવાર શક્તિભાઈ બારોટ તેના પત્ની જલ્પાબેન બારોટ, આસ્થા બારોટ, તુલશીબેન શક્તિભાઈ અને જીનલબેન શક્તિભાઈ એમ પરિવારના પાંચ સભ્યોને ઈજા પહોંચતા સારવાર માટે સરકારી હોસ્પિટલ ખસેડાયા છે. અકસ્માતના બનાવને પગલે ટંકારા પોલીસ ટીમ દોડી ગઈ હતી અને બનાવની વધુ તપાસ હાથ ધરી છે.
