પહેલા રોકડ પછી ફાસ્ટેગ અને હવે સેટેલાઇટ આધારિત ટોલ સિસ્ટમ. 2016માં ફાસ્ટેગની રજૂઆત અને 2021માં ફાસ્ટેગ પેમેન્ટ ફરજિયાત કર્યા બાદ હવે ફરી એકવાર સરકાર ટોલ પેમેન્ટ સિસ્ટમમાં ફેરફાર કરવા જઈ રહી છે. કેન્દ્રીય મંત્રી નીતિન ગડકરીએ સ્પષ્ટ કર્યું છે કે સેટેલાઇટ આધારિત ટોલ સિસ્ટમ ટૂંક સમયમાં લાગુ કરવામાં આવશે.
એક સમય હતો કે જ્યારે લોકો રોકડ આપીને ટોલ પ્લાઝા પાર કરતા હતા, ત્યારે સરકાર ફાસ્ટટેગની સુવિધા લાવી અને હવે સરકાર ચૂંટણી પહેલા ટોલ ટેક્સ કલેક્શન સિસ્ટમમાં મોટો ફેરફાર કરવાની તૈયારી કરી રહી છે. જો અહેવાલો પર વિશ્વાસ કરવામાં આવે તો, સરકાર તમામ ટોલ બૂથ દૂર કરી શકે છે અને સેટેલાઇટ આધારિત ટોલ કલેક્શન સિસ્ટમ શરૂ કરી શકે છે.
સેટેલાઇટ ટોલ સિસ્ટમ શરૂ થવાથી સામાન્ય જનતાને ક્યાંકને ક્યાંક ફાયદો થશે, કાર ચાલકોને ક્યાંય રોકવાની જરૂર નહીં પડે, આ સાથે પ્રવેશ અને બહાર નીકળતી વખતે વાહનોની નંબર પ્લેટના ફોટોગ્રાફ લેવામાં આવશે. નવી સિસ્ટમની રજૂઆત પછી, તમારે હાઇવે દ્વારા કવર કરેલ અંતર માટે જ ચૂકવણી કરવી પડશે.
ટોલ ટેક્સ કેવી રીતે કાપવામાં આવશે?
હવે તમારા મનમાં સવાલ ઉઠી રહ્યો હશે કે જો ટોલ પ્લાઝા હટાવી દેવામાં આવશે તો ફાસ્ટટેગમાંથી પૈસા કેવી રીતે કપાશે? સેટેલાઇટ ટોલ સિસ્ટમ આવ્યા પછી, તમારા બેંક ખાતામાંથી ટોલ મની કાપવામાં આવશે. કેન્દ્રીય મંત્રી નીતિન ગડકરીએ તાજેતરમાં રાજ્યસભામાં માહિતી આપી હતી કે ટૂંક સમયમાં સેટેલાઇટ આધારિત ટોલ સિસ્ટમ શરૂ કરવાની તૈયારી ચાલી રહી છે.
નેશનલ હાઈવે ઓથોરિટી ઓફ ઈન્ડિયા (NHAI), જે આ ટેક્નોલોજીનો અમલ કરી રહી છે, તેના એક અધિકારીએ કહ્યું કે દિલ્હી અને ગુરુગ્રામમાં તેનું પરીક્ષણ કરવામાં આવ્યું છે અને બેંગલુરુમાં ટૂંક સમયમાં ટ્રાયલ શરૂ કરવામાં આવશે.
સેટેલાઇટ સિસ્ટમ કેવી રીતે કામ કરશે?
ગ્લોબલ નેવિગેશન સેટેલાઇટ સિસ્ટમ માટે નોંધણી કરાવતા દરેક વાહનને ઓન-બોર્ડ યુનિટ (OBU) સાથે ફીટ કરવું પડશે અને આ ઉપકરણને સેટેલાઇટ સાથે લિંક કરવામાં આવશે. OBU વાહન ટ્રેકિંગ સિસ્ટમ જેવું જ હશે અને કેટલાક વાહનો, ખાસ કરીને જોખમી રસાયણો વહન કરતા વાહનો માટે ફરજિયાત બનાવવામાં આવશે. આ OBU ઉપકરણ વૉલેટ સાથે લિંક કરવામાં આવશે, જેમાંથી ટોલ રકમ કાપવામાં આવશે.
કરોડો ફાસટેગનું શું થશે?
2016માં, સરકારે સૌથી પહેલા ફાસ્ટેગની સુવિધા લાવી હતી, જેને જાન્યુઆરી 2021માં ફરજિયાત કરવામાં આવી હતી. અત્યાર સુધીમાં 8 કરોડથી વધુ ફાસ્ટેગ જાહેર કરવામાં આવ્યા છે, હવે સવાલ એ થાય છે કે સેટેલાઇટ આધારિત ટોલ સિસ્ટમ શરૂ થયા બાદ ફાસ્ટેગનું શું થશે?
